ရှင်သာသနဇောတ

ရှင်သာသနဇောတ (၁၁၃၇ - ၁၂၀၉) သည် “မန်ကျည်းတောဆရာတော်” ဟု ထင်ရှားခဲ့သည့် ဆရာတော် ဖြစ်သည်။

ဘဝ

ဆရာတော်ကို ၁၁၃၇ ခုနှစ်တွင် အလုံမြို့၊ ကင်းစမ်းရွာ၌ ဖွားမြင်ခဲ့သည်။ ငယ်မည်မှာ မောင်ဝန်း ဖြစ်သည်။

အရွယ်ရောက်သည့်အခါ “ရှင်သာသနဇောတ” ဘွဲ့ဖြင့် ရဟန်းပြုခဲ့သည်။ ရတနပူရစတုတ္ထမြို့တည် မင်းတရားလက်ထက်တွင် မိတ္ထိလာမိဖုရားက ကိုးကွဠ်ခဲ့သည်။ အင်းဝမြို့ အနောက်တောင်ထောင့်တွင် မိဖုရားက သုံးထပ်ကျောင်းဆောက်လုပ်လှူဒါန်းခဲ့သည်။ ထိုကျောင်းတွင် ဆရာတော်သည် သီတင်းသုံးခဲ့သည်။

ညီတော်မင်းတရားလက်ထက်သို့ ရောက်သည့်အခါ စစ်ကိုင်းမြို့၊ ကျောက်အိုးချောင်တောရကျောင်းတွင် တောရဆောက်တည်ခဲ့သည်။

ဆရာတော်သည် “သီရိဂုဏာဘိလင်္ကာရ မဟာဓမ္မရာဇာဓိရာဇဂုရု” တံဆိပ်တော် ရခဲ့သည်။

ပျံလွန်တော်မူခြင်း

ဆရာတော်သည် ၁၂၀၉ ခုနှစ်တွင် ပျံလွန်တော်မူခဲ့သည်။