မတိုဘို အမျိုးသားဥယျာဉ်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
မတိုဘို အမျိုးသားဥယျာဉ်
Sunrise Matobo Zimbabwe.jpg
မတိုဘို အမျိုးသားဥယျာဉ် နေထွက်ချိန် ၊ ၂၀၀၆
တည်နေရာမတိုဘိုခရိုင်၊ ဇင်ဘာဘွေနိုင်ငံ
အနီးဆုံး မြို့ဘူလာဝါယိုမြို့
ဧရိယာ၄၂၄ km2 (၁၆၄ sq mi)
ဖွဲ့စည်း၁၉၂၆[၁]
အုပ်ချုပ်ရေးဇင်ဘာဘွေ ဥယျာဉ်နှင့် တောရိုင်းတိရစ္ဆာန် စီမံခန့်ခွဲရေး အာဏာပိုင်အဖွဲ့
တရားဝင်အမည်မတိုဘို တောင်ကုန်းများ
အမျိုးအစားသဘာဝ
ရွေးချယ်သည့်စံနှုန်းiii, v, vi
ရွေးချယ်ခြင်း၂၀၀၃ (၂ရကြိမ်မြောက်)
ရည်ညွှန်းနံပါတ်306
နိုင်ငံဇင်ဘာဘွေနိုင်ငံ
ဒေသအာဖရိက

မတိုဘို အမျိုးသားဥယျာဉ် သည် မတိုဘို သို့မဟုတ် မတိုဘို တောင်ကုန်းများ၏ အချက်အချာ ဖြစ်ပြီး ဂရက်နိုက်ကျောက် ထီးတည်းတောင် နှင့် သစ်တောထူထပ်သော တောင်ကြားများ ရှိသော နေရာဖြစ်ကာ ဇင်ဘာဘွေနိုင်ငံ တောင်ပိုင်း ဘူလာဝါရို၏ တောင်ဘက် ၃၅ ကီလိုမီတာ (၂၂ မိုင်) အကွာတွင် တည်ရှိသည်။ ထိုတောင်ကုန်းများသည် လွန်ခဲ့သော နှစ်ပေါင်း သန်းနှစ်ထောင်ကျော်က ပေါ်ပေါက်ခဲ့၍ ဂရက်နိုက်ကျောက်များ မြေမျက်နှာပြင်ပေါ်သို့ ထွက်လာသော အခါတွင် ရေလေတို့၏ တိုက်စားမှုကြောင့် ချောမွတ်သော ဝေလငါးကျောကုန်းပုံစံ ကျောက်တောင်များနှင့် ကျိုးပဲ့နေသော ထီးတည်းတောင်များ ဖြစ်ပေါ်လာကာ အနားတွင် ကျောက်တုံးများ ပြန့်ကျဲနေပြီး အပင်များ ထူထပ်စွာ ပေါက်ရောက်လျှက်ရှိသည်။ အန်ဒီဘလီနိုင်ငံ တည်ထောင်သူ မူဇီလီကာဇီက ထိုနေရာကို မတိုဘို ဟု အမည်ပေးခဲ့ခြင်း ဖြစ်ပြီး အဓိပ္ပာယ်မှာ ခေါင်းပြောင်များ ဟူ၍ ဖြစ်သည်။

ထိုတောင်ကုန်းများသည် ၁,၂၀၀ စတုရန်းမိုင် (၃,၁၀၀ စတုရန်း ကီလိုမီတာ) မျှ ရှိပြီး ၎င်းတို့ထဲတွင် ၁၆၄ စတုရန်းမိုင် (၄၂၄ စတုရန်း ကီလိုမီတာ) မှာ အမျိုးသားဥယျာဉ်ဖြစ်ပြီး ကျန်ရှိသော နေရာများမှာ လူများနေထိုင်ရာ နေရာဖြစ်ပြီး စီးပွားဖြစ် စိုက်ပျိုးမြေ အနည်းငယ်မျှ ပါဝင်သည်။ ထိုဥယျာဉ်သည် သူလီမြစ်၊ အမ်တီရှာလာလေးမြစ်၊ မာလီမီမြစ် နှင့် အမ်ပိုပိုမာမြစ်တို့၏ မြစ်ဝှမ်းတလျှောက် ဖြန့်ကျက် တည်ရှိသည်။ အမျိုးသားဥယျာဉ်၏ ၃၉ စတုရန်းမိုင် (၁၀၀ စတုရန်းကီလိုမီတာ) ကျယ်ဝန်းသော နေရာကို အမဲလိုက်သားကောင်များဖြင့် ဖြည့်တင်း၍ အမဲလိုက်ဥယျာဉ် အဖြစ် ဖန်တီးထားကာ ကြံ့ဖြူများပင် ပါဝင်သည်။ ထိုတောင်ကုန်းများ၏ အမြင့်ဆုံးနေရာမှာ ဂူလာတီ အမည်ရှိသော အငူဖြစ်ပြီး ၅,၀၈၂ပေ(၁,၅၄၉ မီတာ) မျှ မြင့်မားကာ ဥယျာဉ်၏ အရှေ့မြောက်ဘက် ထောင့်စွန်း အပြင်တွင် တည်ရှိသည်။

စီမံခန့်ခွဲမှု အနေနှင့် မတိုဘို အမျိုးသားဥယျာဉ်အား မတိုပိုကန် အပန်းဖြေဥယျာဉ်အတွင်း ထည့်သွင်းထားပြီး ဟေဇယ်ဆိုက်၊ ဆန်ဒီစပရု နှင့် မတိုပိုရေကန် တို့ အနီးတွင် ဖြစ်သည်။

အမျိုးသားဥယျာဉ်သည် အာဖရိကတောင်ပိုင်း တောခြုံ မြက်ခင်း ဇီဝ ရပ်ဝန်းဒေသ အတွင်းတွင် တည်ရှိသည်။



ကိုးကား[ပြင်ဆင်ရန်]

  1. National Parks and Nature Reserves of Zimbabwe, World Institute for Conservation and Environment.