မကွီးအိမ်နူးမြို့သိမ်းတိုက်ပွဲ

မကွီးအိမ်နူးမြို့သိမ်းတိုက်ပွဲ
မြန်မာ့ပြည်တွင်းစစ် (၂၀၂၁–လက်ရှိ)နှင့် ချင်း စစ်မြေပြင်၏ တစ်စိတ်တစ်ပိုင်း
ရက်စွဲ ၂၄ ဇူလိုင် ၂၀၂၁ နေရာ မကွီးအိမ်နူးမြို့၊ မင်းတပ်မြို့နယ်၊ ချင်းပြည်နယ် အခြေအနေ တော်လှန်ရေးအင်အားစုများက သေနတ်တစ်ချက်မဖောက်ရဘဲ သိမ်းပိုက်နိုင်ခဲ့သည်။
စစ်ရင်ဆိုင်သူများ
ချင်းဒေသကာကွယ်ရေးအဖွဲ့ (မင်းတပ်)	စစ်ကောင်စီ (SAC) မြန်မာနိုင်ငံရဲတပ်ဖွဲ့
တပ်မှူးများနှင့် ခေါင်းဆောင်များ
CDF-Mindat တာဝန်ရှိသူများ	ဗိုလ်ကြီး သိန်းထိုက် (DSA-55) ရဲအရာရှိများ
စစ်အင်အား
မသိရှိရ	အင်အား ၂၀ ကျော် (ရှေ့တန်းရဲစခန်း)
အသေအပျောက်
မရှိ	၇ ဦး လက်နက်ချ (CDM ပြုလုပ်) ၅ ဦး ထွက်ပြေး လက်နက် ၂၂ လက် သိမ်းဆည်းရမိ
ချင်းပြည်နယ်တောင်ပိုင်းတွင် တော်လှန်ရေးအင်အားစုများ အစောဆုံး သိမ်းပိုက်နိုင်ခဲ့သည့် မြို့ဖြစ်သည်။
မကွီးအိမ်နူး class=notpageimage| မြန်မာနိုင်ငံအတွင်း မကွီးအိမ်နူးမြို့၏ တည်နေရာ

မကွီးအိမ်နူးမြို့သိမ်းတိုက်ပွဲသည် မြန်မာ့ပြည်တွင်းစစ် (၂၀၂၁–လက်ရှိ) ကာလအတွင်း ချင်းပြည်နယ်တောင်ပိုင်းတွင် ချင်းဒေသကာကွယ်ရေးအဖွဲ့ (မင်းတပ်) (CDF-Mindat) က ပထမဆုံး သိမ်းပိုက်နိုင်ခဲ့သည့် မြို့သိမ်းတိုက်ပွဲဖြစ်သည်။ ၂၀၂၁ ခုနှစ် ဇူလိုင်လ ၂၄ ရက်နေ့တွင် ဖြစ်ပွားခဲ့သော အဆိုပါဖြစ်စဉ်သည် တော်လှန်ရေးအင်အားစုများဘက်မှ သေနတ်တစ်ချက်မဖောက်ရဘဲ စစ်ကောင်စီ၏ အုပ်ချုပ်ရေးယန္တရားနှင့် တပ်စခန်းကို သိမ်းပိုက်နိုင်ခဲ့သည့် ထူးခြားသော တိုက်ပွဲတစ်ခုလည်း ဖြစ်သည်။

နောက်ခံသမိုင်း

မကွီးအိမ်နူးမြို့သည် ၂၀၁၉ ခုနှစ် တွင် မြို့ အဖြစ် သတ်မှတ်ခံခဲ့ရပြီး၊ မင်းတပ်မြို့နယ်အတွင်း တည်ရှိကာ မင်းတပ်မြို့မှ ၇၀ မိုင်ခန့် ကွာဝေးသော ဆိပ်ဖြူ-ဆော-ကန်ပက်လက်-ပလက်ဝ ဆက်သွယ်ရေးလမ်းပေါ်ရှိ ဗျူဟာမြောက် မြို့ငယ်တစ်ခုဖြစ်သည်။ ၂၀၂၁ ခုနှစ် စစ်အာဏာသိမ်းပြီးနောက် မကွီးအိမ်နူးမြို့ရှိ ရဲစခန်းမှာ တပ်မတော် နှင့် ရဲတပ်ဖွဲ့ဝင်များ ပူးပေါင်းအခြေစိုက်ရာ ရှေ့တန်းစခန်းတစ်ခု ဖြစ်လာခဲ့သည်။

တိုက်ပွဲဖြစ်စဉ်

၂၀၂၁ ခုနှစ် ဇူလိုင်လ ၂၄ ရက်နေ့တွင် CDF-Mindat အဖွဲ့သည် မကွီးအိမ်နူးမြို့ရှိ စစ်ကောင်စီစခန်းကို သိမ်းပိုက်ရန် သွားရောက်ခဲ့သည်။ တိုက်ပွဲဖြစ်ပွားခြင်းမရှိမီ CDF-Mindat ဘက်က စစ်ကောင်စီတပ်ဖွဲ့ဝင်များကို တိုက်ပွဲဝင်မလား သို့မဟုတ် အာဏာဖီဆန်ရေးလှုပ်ရှားမှု (CDM) တွင် ပါဝင်မလားဟု စည်းရုံးညှိနှိုင်းခဲ့သည်။စခန်းအတွင်းရှိ တပ်ဖွဲ့ဝင်အချို့မှာ နဂိုကတည်းက CDM ဝင်ရန် ဆန္ဒရှိနေသူများ ဖြစ်သဖြင့် သေနတ်တစ်ချက်မျှ ပစ်ခတ်စရာမလိုဘဲ စခန်းတစ်ခုလုံးကို သိမ်းပိုက်နိုင်ခဲ့သည်။ အဆိုပါဖြစ်စဉ်အတွင်း စခန်းတာဝန်ခံဖြစ်သူ ဗိုလ်ကြီး သိန်းထိုက် (DSA-55) အပါအဝင် စစ်သားနှင့် ရဲတပ်ဖွဲ့ဝင် စုစုပေါင်း ၇ ဦးတို့သည် လက်နက်ခဲယမ်းအပြည့်အစုံဖြင့် CDF-Mindat ထံ ဝင်ရောက်ပူးပေါင်းခဲ့သည်။ အခြားတပ်ဖွဲ့ဝင် ၅ ဦးခန့်မှာမူ လက်နက်များယူဆောင်ကာ ထွက်ပြေးသွားခဲ့ကြသည်။

သိမ်းဆည်းရမိမှု

အဆိုပါစခန်းသိမ်းပိုက်မှုအတွင်း ချေမှုန်းရေးရိုင်ဖယ်နှင့် ပစ္စတိုများ အပါအဝင် လက်နက်ပေါင်း ၂၂ လက်၊ ကျည်ဆန် ၁၄,၀၀၀ ကျော်နှင့် ကျည်ကတ်များစွာကို သိမ်းဆည်းရမိခဲ့သည်။ ဤဖြစ်စဉ်သည် ချင်းပြည်နယ်အတွင်း တော်လှန်ရေးခရီးစဉ်အတွက် အောင်မြင်သော အစောဆုံးမြို့သိမ်းတိုက်ပွဲတစ်ခုအဖြစ် မှတ်တမ်းဝင်ခဲ့သည်။