ဖာသုဝိဟာရသုတ်
| ပိဋကတ် သုံးပုံ |
|---|
| ဝိနယပိဋက |
| သုတ္တန်ပိဋကတ် |
| အဘိဓမ္မာပိဋကတ် |
(၃)သုတ် ရှိပါသည်။
[၁] ဘုရားရှင် ကောသလနိုင်ငံ ... သီတင်းသုံးနေတော်မူစဉ် ဝိဝေကနိဿိတ, ဝိရာဂနိဿိတ, နိရောဓနိဿိတ, ဝေါဿဂ္ဂ ပရိဏာမီဖြစ်အောင် အဋ္ဌိကသညာနှင့် တကွ ဗောဇ္ဈင်တစ်ပါးစီကို ပွားများအပ်, ကြိမ်ဖန်များစွာ အလေ့ အလာပြုအပ်သည်ရှိသော် များစွာသော ဖာသုဝိဟာရအကျိုးဖြစ်၏-ဟု ရဟန်းတို့အား ဘုရားရှင် အကျယ်ဟောတော်မူသည့်သုတ်။
[၂] ဘုရားရှင် ကောသလနိုင်ငံ ... သီတင်းသုံးနေတော်မူစဉ် ရူပါဝစရဈာန် လေးပါးကို ရရှိခြင်း၊ အရဟတ္တဖိုလ်ကို ရရှိခြင်းဟူသော ချမ်းသာစွာ နေနိုင်ကြောင်း “ဖာသုဝိဟာရတရားငါးပါးတို့ကို ရဟန်းတို့အား ဘုရားရှင် ဟောတော်မူသည့်သုတ်။
[၃] ဘုရားရှင် ကောသလနိုင်ငံ ... သီတင်းသုံးနေတော်မူစဉ် သီတင်းသုံး ဖေါ်တို့အပေါ်၌ မျက်မှောက်၌ဖြစ်စေ၊ မျက်ကွယ်၌ဖြစ်စေ မေတ္တာ ကာယကံ, မေတ္တာ ဝစီကံ, မေတ္တာမနောကံကို ရှေးရှုဖြစ်စေ (ပြုလုပ် ပြောဆို ပွားများခြင်း)ဖြင့် အခဏ္ဍ, အစ္ဆိဒ္ဒ, အသဗလ, အကမ္မာသ, ဘုဇိဿ, ဝိညုပသတ္ထ, အပရာမဋ္ဌ, သမာဓိ သံဝတ္တနိကသီလတို့ကို သီတင်းသုံးဖော်တို့နှင့် မျက်မှောက်, မျက်ကွယ်တို့၌ သီလအားဖြင့် တူမျှစွာနေခြင်း, သီတင်းသုံးဖော်တို့နှင့် မျက်မှောက်, မျက်ကွယ်တို့၌ အရိယ, နိယျာနိက, တက္ကရ, သမ္မာဒုက္ခက္ခယဂါမီဖြစ်သော အယူအားဖြင့် တူမျှစွာ နေခြင်းဟူသော ဖာသုဝိဟာရ-ချမ်းချမ်းသာသာနေနိုင်သော တရားငါးပါးတို့ကို ရဟန်းတို့အား ဘုရားရှင် ဟောတော်မူသည့်သုတ်။
အဋ္ဌကထာ, ဋီကာတို့၌ ဖွင့်ဆိုချက်များ ပါရှိပါသည်။ [၄]
ကိုးကား[ပြင်ဆင်ရန်]
- ↑ -သံ၊၃၊၁၁၅။ သံ၊မြန်၊၃၊၁၁၈+၉။ -သံယုတ္တနိကာယ၊ မဟာဝဂ္ဂသံယုတ္တ၊ ၂-ဗောဇ္ဈင်္ဂသံယုတ္တ၊ ၇-အာနာပါနဝဂ္ဂ၊ ပဌမသုတ်။
- ↑ -အံ၊၂၊၁၀၅။ အံ၊မြန်၊၂၊၁၂၈။ အံ၊ဋ္ဌ၊၃၊၄၀။ -အင်္ဂုတ္တရနိကာယ၊ ပဉ္စကနိပါတ၊ ၂-ဒုတိယပဏ္ဏာသက၊ (၁၀) ၅-ကကုဓဝဂ္ဂ၊ စတုတ္ထသုတ်။
- ↑ -အံ၊၂၊၁၁၆။ အံ၊မြန်၊၂၊၁၄၃။ အံ၊ဋ္ဌ၊၃၊၄၃-၄။ အံ၊ဋီ၊၃၊၃၉-၄၀။ -အင်္ဂုတ္တရနိကာယ၊ ပဉ္စကနိပါတ၊ ၃-တတိယပဏ္ဏာသက၊ (၁၁)၁-ဖာသုဝိဟာရဝဂ္ဂ၊ ပဉ္စမသုတ်။
- ↑ ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ