ဖလမ်းတိုက်ပွဲ

ဖလမ်းတိုက်ပွဲ မြန်မာ့ပြည်တွင်းစစ်မှ ချင်း စစ်မြေပြင်၏ တစ်စိတ်တစ်ပိုင်း တိုက်ပွဲမြေပုံ ရက်စွဲ ၉ နိုဝင်ဘာ ၂၀၂၄ – ၈ ဧပြီ ၂၀၂၅ နေရာ ဖလမ်းမြို့၊ ချင်းပြည်နယ် ရလဒ် တော်လှန်ရေးအဖွဲ့များ အနိုင်ရ နယ်နမိတ် ပြောင်းလဲမှုများ ချင်းညီနောင်နှင့် မဟာမိတ်အဖွဲ့များ ဖလမ်းမြို့အား သိမ်းပိုက် စစ်ရင်ဆိုင်သူများ နိုင်ငံတော်စီမံအုပ်ချုပ်ရေးကောင်စီ ချင်းညီနောင် ချင်းအမျိုးသားကာကွယ်ရေးတပ်ဖွဲ့ PDF Zoland CDF မင်းတပ် CDF ကန်ပက်လက် အခြား မဟာမိတ်အဖွဲများ: 96 Soldiers PDF ဖက်ဆစ်ဆန့်ကျင်ရေး နိုင်ငံတကာတပ်ဦး မြန်မာ့တော်ဝင်နဂါးတပ်တော် Burmese Revolutionary Technical Front Generation Z Army Giant Revolution Force Harmonious Norther Brothers Kalay Revolution Force Kalay Urban Guerrilla Myingyan Black Tiger အမျိုးသားလွတ်မြောက်ရေးတပ်မတော် Revolution Ambulance Wolf Sagaing Federal Troop Yaw Defense force Zo Army စစ်အင်အား ၄၀၀ ခန့် ၆၀၀ ခန့် အသေအပျောက် မသိရှိရ 100+ captured ၈၉ ဦးသေဆုံး 500+ wounded

ဖလမ်းတိုက်ပွဲ (ခေါ် "ဂျေရုဆလင် စစ်ဆင်ရေး") သည် မြန်မာ့ပြည်တွင်းစစ်အတွင်း ချင်းပြည်နယ်၊ ဖလမ်းမြို့ကို သိမ်းပိုက်ရန်အတွက် ချင်းညီနောင်အဖွဲ့နှင့် အခြားစစ်အာဏာရှင်ဆန့်ကျင်ရေး အင်အားစုများ ပူးပေါင်းကာ ဆင်နွှဲခဲ့သည့် ထိုးစစ်တစ်ခုဖြစ်သည်။ ၂၀၂၁ ခုနှစ် ပြည်တွင်းစစ်ကာလမတိုင်မီ ဖွဲ့စည်းထားသည့် တိုင်းရင်းသားလက်နက်ကိုင်အဖွဲ့အစည်းများ မြေပြင်တွင် ပါဝင်ပတ်သက်ခြင်းမရှိဘဲ မြို့တစ်မြို့ကို သိမ်းပိုက်နိုင်ခဲ့သည့် ပထမဆုံး အဓိကတိုက်ပွဲဖြစ်ကြောင်း သိရသည်။

နောက်ခံအခြေအနေ

ဖလမ်းမြို့သည် ချင်းပြည်နယ်၏ ဒုတိယအကြီးဆုံးမြို့ဖြစ်ပြီး ယခင်ပြည်နယ်မြို့တော်လည်းဖြစ်သည်။ ၎င်းသည် တပ်မတော်၏ ဒေသကွပ်ကဲမှုစစ်ဌာနချုပ်(ကလေး) (စစ်ကိုင်းတိုင်းဒေသကြီး) နှင့် ဟားခါးမြို့ အကြား လမ်းကြောင်းပေါ်တွင် မဟာဗျူဟာမြောက်စွာ တည်ရှိသည်။

၂၀၂၄ ခုနှစ်နှောင်းပိုင်းတွင် တော်လှန်ရေးအဖွဲ့များက ချင်းပြည်နယ်၏ ၈၅% ခန့်ကို ထိန်းချုပ်ထားကြောင်း၊ ဖလမ်းမြို့မှာမူ ဒေသတွင်း စစ်ကောင်စီအဖွဲ့၏ နောက်ဆုံးခံတပ်ကြီးများထဲမှ တစ်ခုအဖြစ် ကျန်ရှိနေခဲ့သည်။

တိုက်ပွဲ

တိုက်ပွဲသည် ၂၀၂၄ ခုနှစ် နိုဝင်ဘာလ ၉ ရက်နေ့တွင် စတင်ခဲ့သည်။ ဇိုမီးဖက်ဒရယ်ယူနီယံ၊ ချင်းအမျိုးသားအဖွဲ့ချုပ်၊ မင်းတပ်ချင်းအမျိုးသားကောင်စီ၊ မာရာလန်းနှင့် ကန်ပက်လက်ချင်းကာကွယ်ရေးတပ်ဖွဲ့များ၊ မတူပီ CDF တပ်ရင်း ၁ တို့ ပါဝင်သော ချင်းညီနောင်အဖွဲ့က "ချင်းညီနောင် စစ်ဆင်ရေး" ကို စတင်ခဲ့သည်။

ချင်းညီနောင်အဖွဲ့၏ အစိတ်အပိုင်းဖြစ်သည့် CNDF သည်လည်း တိုက်ပွဲဝင်ခဲ့ပြီး ရခိုင်ပြည်နယ်မှ အာရက္ခတပ်တော် အပါအဝင် မဟာမိတ်ခုခံရေးအဖွဲ့များက အကူအညီပေးသည်ဟု သတင်းများထွက်ပေါ်ခဲ့သည်။

နိုဝင်ဘာ ၉ ရက်နေ့တွင် ချင်းညီနောင်အဖွဲ့တပ်ဖွဲ့ဝင်များသည် ဖလမ်းမြို့ရှိ စစ်ကောင်စီ ခံတပ်များဖြစ်သော ရဲစခန်း၊ အထွေထွေအုပ်ချုပ်ရေးဦးစီးဌာန၊ ဆောက်လုပ်ရေးဦးစီးဌာနနှင့် ဆေးရုံတောင်ကုန်းတို့ကို ပစ်မှတ်ထားကာ ပူးပေါင်းတိုက်ခိုက်မှုများ ပြုလုပ်ခဲ့သည်။ တော်လှန်ရေးအဖွဲ့များသည် မြို့သို့သွားရာ ထောက်ပံ့ရေးလမ်းကြောင်းများကိုလည်း ပိတ်ဆို့ခဲ့ပြီး ခြေလျင်တပ်ရင်း ၂၆၈ ကို ထိရောက်စွာ ပိတ်ဆို့ထားခဲ့သည်။ တုံ့ပြန်သည့်အနေဖြင့် စစ်ကောင်စီသည် ၎င်းတို့၏ စစ်ရေးနေရာများကို ကာကွယ်ရန်အတွက် စစ်လေယာဉ်များ၊ ဒရုန်းများနှင့် အမြောက်များကို အသုံးပြု၍ လေကြောင်းတိုက်ခိုက်မှုများ ပြင်းထန်စွာ ပြုလုပ်ခဲ့သည်။

နိုဝင်ဘာလလယ်တွင် ချင်းညီနောင်အဖွဲ့သည် ရဲစခန်းနှင့် အုပ်ချုပ်ရေးရုံးများကို ထိန်းချုပ်နိုင်ခဲ့ပြီး တပ်ရင်း ၂၆၈ သာလျှင် နောက်ဆုံးအရေးပါသည့် နေရာအဖြစ် ကျန်ရှိခဲ့သည်။ ဤကာလအတွင်း စစ်ကောင်စီမှ စစ်သား ၄၅ ဦးခန့် လက်နက်ချခဲ့ပြီး ထိုးစစ်စတင်ချိန်မှစ၍ တော်လှန်ရေးအဖွဲ့များက အကျဉ်းသား ၁၃၀ ခန့်ကို ဖမ်းဆီးရမိခဲ့သည်။

စစ်ကောင်စီ၏ လေတပ်သည် နိုဝင်ဘာလလယ် (စနေနေ့) တစ်ရက်တည်းတွင် ဖလမ်းမြို့ပေါ်သို့ ဗုံး ၁၅၀ ကျော် ကြဲချခဲ့ပြီး တော်လှန်ရေးအဖွဲ့များ၏ နေရာများနှင့် အရပ်ဘက်ဧရိယာများကို ပစ်မှတ်ထားခဲ့ကြောင်း ဒေသခံများက ပြောကြားခဲ့သည်။ တစ်ပတ်အတွင်း ကြဲချခဲ့သည့် ဗုံးအလုံးရေမှာ ၅၀၀ ကျော်ရှိခဲ့သည်။ အနီးရှိ တလန်ဇားရွာမှ ခရစ်ယာန်ဘုရားရှိခိုးကျောင်းတစ်ခု ပျက်စီးခဲ့ပြီး ဒေသခံ ၁၀,၀၀၀ ကျော်မှာ အနီးအနားရှိ ရွာများ၊ ကလေးမြို့နယ်၊ ရန်ကုန်မြို့နှင့် အိန္ဒိယနိုင်ငံ မီဇိုရမ်ပြည်နယ်သို့ တိမ်းရှောင်ခဲ့ရသည်။

၂၀၂၄ ခုနှစ် ဒီဇင်ဘာလတွင် ချင်းညီနောင်အဖွဲ့သည် ဖလမ်းမြို့နယ်၏ ၉၀% ကို သိမ်းပိုက်ရရှိပြီဟု ကြေညာခဲ့ပြီး စစ်ကောင်စီ တပ်ဖွဲ့ဝင်များမှာ တပ်ရင်း ၂၆၈ တွင်သာ ပိတ်မိနေခဲ့သည်။

၂၀၂၅ ခုနှစ် မတ်လ ၁၁ ရက်နေ့တွင် စစ်ကောင်စီတပ်များသည် ဝိုင်းရံထားခြင်းကို ဖောက်ထွက်ရန်အတွက် တပ်ရင်း ၂၆၈ သို့ စစ်သား ၄၀-၅၀ ဦးကို စေလွှတ်ကာ တန်ပြန်ထိုးစစ်ဆင်ခဲ့သည်။ စစ်ကောင်စီသည် လေကြောင်းတိုက်ခိုက်မှုများကိုသာ အားထားနေရခြင်းမှာ ၎င်းတို့၏ တပ်အင်အား လျော့နည်းလာခြင်းနှင့် စိတ်ဓာတ်ကျဆင်းနေခြင်းတို့ကြောင့် မြေပြင်စစ်ဆင်ရေးများကို ထိရောက်စွာ မလုပ်ဆောင်နိုင်ခြင်းကို ပြသနေကြောင်း CNDF က သတင်းထုတ်ပြန်ခဲ့သည်။

၂၀၂၅ ခုနှစ် ဧပြီလ ၈ ရက်နေ့တွင် ချင်းညီနောင်အဖွဲ့နှင့် မဟာမိတ်တပ်ဖွဲ့များသည် ဖလမ်းမြို့ရှိ စစ်ကောင်စီ၏ နောက်ဆုံးခံတပ်ဖြစ်သော ခြေလျင်တပ်ရင်း ၂၆၈ ကို သိမ်းပိုက်နိုင်ခဲ့သည်။

နောက်ဆက်တွဲအခြေအနေ

စစ်ကောင်စီသည် ဖလမ်းမြို့ကို သိမ်းပိုက်ခံရပြီးနောက် နေ့စဉ် လေကြောင်းတိုက်ခိုက်မှုများ ပြုလုပ်ကာ ဖလမ်းမြို့ကို ပြန်လည်ထိန်းချုပ်ရန် ကြိုးပမ်းခဲ့ရာ ဂျက်တိုက်လေယာဉ်များနှင့် Mi-35 ရဟတ်ယာဉ်များကဲ့သို့သော လေယာဉ်အမျိုးမျိုးကို အသုံးပြုခဲ့သော်လည်း မအောင်မြင်ခဲ့ပေ။

ဆက်စပ်ဖတ်ရှုရန်

• မောင်တောတိုက်ပွဲ
• လောက်ကိုင်တိုက်ပွဲ