ပုဏ္ဏိယသုတ်

ပိဋကတ် သုံးပုံ
ဝိနယပိဋက
ပါရာဇိကဏ် ပါစိတ် မဟာဝဂ် စူဠဝါ ပရိဝါ
သုတ္တန်ပိဋကတ်
ဒီဃနိကာယ် မဇ္ဈိမနိကာယ် သံယုတ္တနိကာယ် အင်္ဂုတ္တရနိကာယ် ခုဒ္ဒကနိကာယ်
အဘိဓမ္မာပိဋကတ်
ဓမ္မသင်္ဂဏီ ဝိဘင်း ဓာတုကထာ ပုဂ္ဂလပညတ် ကထာဝတ္ထု ယမိုက် ပဋ္ဌာန်း

(၂)သုတ် ရှိပါသည်။

ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးနေတော်မူစဉ် ပုဏ္ဍိယရဟန်းက ဘုရားရှင်အား မေးလျှောက်ခြင်းကြောင့်-

-ရဟန်းသည် သဒ္ဓါတရားရှိသော်လည်း

-ဘုရားရှင်ထံ မချဉ်းကပ်၊ (အနီးသို့ရောက်အောင်မသွား)

-မဆည်းကပ်၊ (အထံတော်သို့ မကြာ မကြာ မသွားရောက်)

-သိလိုသောပြဿနာကို မမေးမြန်း မလျှောက်ထား။

-မိန့်ကြားတော်မူချက်များကို နားစိုက်၍မထောင်။

-တရားတော်ကို မနာယူ။

-နာယူပြီးသော တရားတော်ကို မမေ့မပျောက်အောင် ဆောင်မထား။

-ဆောင်ထားအပ်သောတရားတော်၏ အနက်အဓိပ္ပါယ်ကို မဆင်ခြင်။

-အနက်အဓိပ္ပါယ်(အကျိုး) ပါဠိ (အကြောင်း)ကို သိသည်။

-သိသည့်အတိုင်း ဓမ္မာနုဓမ္မပဋိပတ်ကို မကျင့်သုံးခြင်း။ ဟူသော ဘုရားရှင် (ဟောတော်မူသည့်) ဓမ္မဒေသနာဉာဏ်တော်အား မထင်ရှားသော အကြောင်းရှစ်မျိုးကိုလည်းကောင်း။

-သဒ္ဓါတရားရှိသော ရဟန်းတော်သည် ဘုရားရှင်ထံတော်သို့ ချဉ်းကပ်ခြင်း၊

-သိလိုသောပြဿနာကို မေးမြန်း လျှောက်ထားခြင်း၊

-မိန့်ကြားတော်မူချက်များကို ရိုသေစွာ နားစိုက်၍ထောင်ခြင်း။

-တရားတော်ကို နာယူခြင်း၊

-နာယူပြီးသော တရားတော်ကို မမေ့မပျောက်အောင် ဆောင်ထားခြင်း၊

-ဆောင်ထားအပ်သောတရားတော်၏ အနက်အဓိပ္ပါယ်ကို စိစစ်ဆင်ခြင်ခြင်း၊

-အနက်အဓိပ္ပါယ်(အကျိုး) ပါဠိ(အကြောင်း)ကို သိမြင်ခြင်း၊

-သိသည့်အတိုင်း ဓမ္မာနုဓမ္မပဋိပတ်အကျင့်ကို ကျင့်သုံးခြင်း-ဟူသော ဘုရားရှင် ဟောကြားတော်မူသည့် ဓမ္မဒေသနာဉာဏ်တော်အား ထင်ရှားသော အကြောင်းရှစ်မျိုးကိုလည်းကောင်း အရှင်ပုဏ္ဏယအား ဘုရားရှင် ဟောကြားတော်မူသည့်သုတ်။

---

ဘုရားရှင် ကောသလနိုင်ငံ သာဝတ္ထိမြို့၊ ဇေတဝန်ကျောင်းတော်၌ သီတင်းသုံးတော်မူစဉ် အရှင်ပုဏ္ဏိယထေရ်၏ မေးမြန်းလျှောက်ထားချက်အရ အထက်သုတ်တော်အတိုင်း ဘုရားရှင် ဟောကြားတော်မူသည့် တရားဒေသနာတော် ဉာဏ်၌ မထင်ခြင်းအကြောင်းရှစ်မျိုးတို့တွင်

-ယဉ်ကျေးလိမ္မာစွာ ပြောဆိုသောစကားကို မပြောဆိုခြင်း၊

-ကြည်လင်ပြတ်သားမှုမရှိသည့် အနက်အဓိပ္ပါယ်ကို သိလွယ်သောစကားသံ မဟုတ်ခြင်း၊

-သီတင်းသုံးဖော်တို့အား ပစ္စုပ်, သံသာ ကျိုးနှစ်ဖြာကို ထင်ရှားစွာ မပြနိုင်၊ ကုသိုလ်တရားတို့၌ မဆောက်တည်စေနိုင်၊ ကုသိုလ်တရားတို့၌ မထက်သန် စေနိုင်၊ ကုသိုလ်တရားတို့၌ ရွှင်လန်းအားတက်မှု မပြုနိုင်ခြင်းဟူသော အကြောင်းနှစ်ပါးကို ဖြည့်စွက်လျက်လည်းကောင်း၊

-ဉာဏ်၌ထင်ရှားစွာဖြစ်သော အကြောင်းရှစ်မျိုးတို့တွင်

-လိမ္မာယဉ်ကျေးသောစကားကို ပြောဆိုခြင်း၊

-ကြည်လင်ပြတ်သားစွာ, အနက်အဓိပ္ပါယ်ကိုသိလွယ်သော စကားသံဖြင့် ပြောဆိုခြင်း၊

-သီတင်းသုံးဖော်တို့အား ပစ္စုပ်, သံသာ ကျိုးနှစ်ဖြာကို ထင်ရှားစွာပြနိုင်, ကုသိုလ် တရားတို့၌ ဆောက်တည်စေနိုင်, ကုသိုလ်တရားတို့၌ ထက်သန်စေနိုင်, ကုသိုလ်တရားတို့၌ ရွှင်လန်းအားတက်စေနိုင်ခြင်းဟူသော အကြောင်းနှစ်ပါးကို ဖြည့်စွက်၍လည်းကောင်း အရှင်ပုဏ္ဏိယထေရ်အား ဘုရားရှင် ဟောကြားတော်မူသည့်သုတ်။