ပိုလီနီးရှားလူမျိုးများ

ပိုလီနီးရှားလူမျိုးများသည် ပစိဖိတ်သမုဒ္ဒရာ ရှိ ပိုလီနီးရှားတြိဂံ အတွင်းရှိ ကျွန်းများပါဝင်သော ပိုလီနီးရှား ဒေသတွင် မူလနေထိုင်ပြီး အချင်းချင်း နီးကပ်စွာ ဆက်နွယ်နေသော လူမျိုးစုများ ပါဝင်သည့် လူမျိုးရေးဘာသာစကားဆိုင်ရာ အုပ်စုတစ်ခုဖြစ်သည်။အစောပိုင်း သမိုင်းမတင်မီခေတ် မူလအစကို အရှေ့တောင်အာရှမှ စတင်ခဲ့ပြီး ထိုင်ဝမ်တွင် Urheimat နှင့်အတူ ပိုကြီးသော အော်စထြိုနီးရှား လူမျိုးစု၏ အစိတ်အပိုင်းတစ်ခု ဖြစ်သည်။ထိုလူမျိုးများသည် အော်စထရိုနီးရှားဘာသာစကားမိသားစုထဲက သမုဒ္ဒရာနွယ်ဖွား ဘာသာစကားခွဲဖြစ်တဲ့ ပိုလီနီးရှားဘာသာစကားများကို ပြောဆိုကြသည်။နယူးဇီလန်၏ ဌာနေတိုင်းရင်းသား မော်ရီ လူမျိုးများသည် အများဆုံး ပိုလီနီးရှားလူဦးရေဖြစ်ပြီး ၎င်းနောက်တွင် ဆာမိုအာလူမျိုး၊ ဌာနေဟာဝိုင်အီလူမျိုး၊ တဟီတီလူမျိုး၊ တွန်ဂါလူမျိုး နှင့် ကွတ်ခ်ကျွန်းစု မော်ရီလူမျိုး တို့ အသီးသီး ရှိကြသည်။

ပိုလီနီးရှားလူမျိုးများ
(Polynesian people)

ပိုလီနီးရှားလူမျိုးစုများ၏ ပုံရိပ်ကော်လာဂျ်
လူဦးရေ စုစုပေါင်း
(အကြမ်းဖျင်း ၂ သန်း ကျော်)
အများစု နေထိုင်သည့် နေရာ
ပိုလီနီးရှား (ပိုလီနီးရှားတြိဂံ) (နယူးဇီလန်၊ ဆာမိုအာ၊ ဟာဝိုင်အီ၊ တဟီတီ၊ တွန်ဂါ၊ ကွတ်ခ်ကျွန်းစု၊ ရာပါနူး)
ဘာသာစကား
ပိုလီနီးရှားဘာသာစကားများ (အော်စထရိုနီးရှန်း ဘာသာစကားများ)
ကိုးကွယ်မှု
ခရစ်ယာန်ဘာသာ၊ ရိုးရာပိုလီနီးရှားဘာသာ
ဆက်စပ် တိုင်းရင်းသား အုပ်စုများ
ထိုင်ဝမ်တိုင်းရင်းသားများ၊ မိုက်ခရိုနီးရှားလူမျိုးများ၊ မီလာနီးရှားလူမျိုးများ (အော်စထရိုနီးရှားလူမျိုးစုများ)

ပိုလီနီးရှားလူမျိုးများ၏ လှေများသည် ပစိဖိတ်သမုဒ္ဒရာ၏ အဝေးဆုံးထောင့်များသို့ ရောက်ရှိပြီး ဟာဝိုင်အီ၊ ရာပါနူး (အီစတာကျွန်း) နှင့် အာအိုတေရိုအာ (နယူးဇီလန်) ကဲ့သို့သော ဝေးလံသောကျွန်းများအထိ အခြေချနေထိုင်နိုင်ခဲ့သောကြောင့် ရေကြောင်းသွားလာရေးတွင် ထူးချွန်သောဂုဏ်သတင်းကို ရရှိခဲ့သည်။ ပိုလီနီးရှားလူမျိုးများသည် ကြယ်များ၊ ရေစီးကြောင်းများ၊ မိုးတိမ်များနှင့် ငှက်များ၏ ရွေ့လျားမှုများကို ဖတ်ရှုခြင်းအပါအဝင် ရှေးဟောင်း ရေကြောင်းသွားလာမှုစွမ်းရည်များကို အသုံးပြု၍ ဤရေကြောင်းခရီးစဉ်ကို ပြီးမြောက်အောင်မြင်ခဲ့ပြီး ယင်းစွမ်းရည်များကို မျိုးဆက်အဆက်ဆက်မှ ယနေ့တိုင် လက်ဆင့်ကမ်းပေးခဲ့ကြသည်။