ပါရဂူ၊ စာရေးဆရာ

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​

Template:Infobox စာရေး​ဆရာ အမည်​ရင်း ဦး​လှ​ကြိုင်​ဖြစ်​ပြီး​ဇာတိ​မှာ ဟင်္သာတ​ခ​ရိုင် သ​နွံ​သ​နော့​ရွာ​ဖြစ်​သည်။ ဒုတိယ​ကမ္ဘာ​စစ်​မ​ဖြစ်​ခင်​က ဘုန်းကြီး​ကျောင်း​တွင် ပညာသင်​ကြား​ခဲ့​ပြီး စစ်​အပြီး​တွင် ဟိန္ဒူ​တက္ကသိုလ်​၌ ပညာသင်​သည်။ စစ်​မ​ဖြစ်​မီ​ကာလ​က​စ​၍ တိုးတက်​ရေး​နှင့် ဒ​ဂုန်​မဂ္ဂဇင်း တွင် စာရေး​သည်။ ၁​၉​၅​၆ ခု​နှစ် အိန္ဒိယ​ပြည် န​ယူး​ဒေ​လီ​မြို့၊ အာ​ရှ​စာရေး​စရာ​များ​ညီလာခံ အတွင်း​ရေး​မှူး​များ​အဖွဲ့​၏ မြန်မာ​နိုင်ငံ ကိုယ်စားလှယ်၊ မြန်မာ​ပြည် တ​ဂိုးအသင်း​၏ အမှုဆောင်၊ မြန်မာ​ပြည် ဟိန္ဒူ​စာပေ​အသင်း​၏ ဒု​ဥက္က​ဠ၊ မြန်မာ​စာ အဖွဲ့​ဝင်၊ ပြည်ထောင်​စု ဆို​ရှယ်​လစ် သမ္မတ​မြန်မာ​နိုင်ငံ ပညာ​ရေး​ဝန်ကြီး​ဌာန တက္ကသိုလ်​များ​၏ အရှေ့​တိုင်း​စာပေ​တွင် လူကြီး​တာဝန်​များ ထမ်း​ဆောင်ခဲ့​သည်။

ကိုယ်​ရေး​ဖြစ်​စဉ်[ပြင်​ဆင်​ရန်​]

ဆရာ ပါ​ရ​ဂူ​သည် သန္ဗံ​သ​နော့​ရွာ မူလ​တန်း ကျောင်း​၌ စတုတ္ထ​တန်း အထိ ပညာ သင်ကြား ခဲ့​သည်။ ၁​၂ နှစ်​သား အရွယ်​တွင် သန္ဗံ​သ​နော့ ဘုန်းတော်​ကြီး ကျောင်း​၌ ကိုယ်​ရင် ဝတ်​သည်။ ဘွဲ့​အမည်​မှာ ရှင်​ပုဏ္ဍ​ရိ​က ဖြစ်​သည်။ ၁​၄ နှစ် အရွယ်​တွင် ဟင်္သာတ​မြို့ မြစ်​ကွေး ကျောင်းတိုက်​၌ ပညာ သင်​သည်။ ရှင်​ပုဏ္ဍ​ရိ​က ဘွဲ့​အမည်​ကို ရှင်​ပါ​ရ​ဂူ​ဘွဲ့ အမည် ပြောင်း​သည်။ ၁​၅ နှစ် အရွယ်​တွင် သန်​လျင် မြို့​နယ် လဟာ​ရက်​ရွာ ပထမပြန် စာ​သင်​တိုက်​မှ အစိုးရ ပထမပြန် စာ​မေး​ပွဲ ပထမ​ငယ်​တန်း အောင်မြင်​သည်။ ၁​၆ နှစ် အရွယ်​တွင် ပထမ​လတ်​တန်း၊ ၁​၇ နှစ် အရွယ်​တွင် ပထမ​ကြီး​တန်း တို့​ကို အောင်မြင်​သည်။ ထို​နှစ်​က ဟံ​သာ​ဝ​တီ တ​ခ​ရိုင်​လုံး ပထမ​ကြီး နှစ်​ပါး​တည်း အောင်မြင်​ရာ တ​ပါး​မှာ ရှင်​ပါ​ရ​ဂူ ဖြစ်​သည်။ ပထမပြန် စာ​မေး​ပွဲ သမိုင်း​၌ ထို​နှစ် ထို​အချိန်​ထိ ၁​၇ နှစ်​နှင့် ပထမ​ကြီး အောင်မြင်​သူ နှစ်​ပါး တည်း​သာ ရှိ​ရာ တ​ပါး​မှာ ရှင်​ပါ​ရ​ဂူ ဖြစ်​သည်။


၁​၉​၃​၉ ခု​နှစ်​တွင် မျိုး​ညွန့်​နွယ် အမည်​ဖြင့် တိုးတက်​ရေး မဂ္ဂဇင်း၊ သာမဏေ ရှင်​ပါ​ရ​ဂူ အမည်​ဖြင့် ဒ​ဂုန် မဂ္ဂဇင်း တို့​တွင် ဆောင်းပါး​များ ရေး​သည်။ ၁​၉​၄​ဝ ပြည့်​နှစ်​တွင် ရန်ကုန်မြို့​၌ ကျင်းပ​သော အစိုးရ ဓမ္မာ​စရိယ စာ​မေး​ပွဲ​တွင် ဂုဏ်​ထူး သုံး​ကျမ်း​ဖြင့် အောင်မြင်​သည်။ တိုးတက်​ရေး မဂ္ဂဇင်း​တွင် ဘုန်းကြီး​ကျောင်းသား အမည်​ဖြင့် ဝိ​ပါက် ဝတ္ထု​နှင့် ရင်သွေး ဝတ္ထု တို့​ကို ရေး​သည်။


၁​၉​၄​၂ ခု​နှစ်​တွင် မြစ်​ကွေ့​ကျောင်းတိုက် စတုတ္ထ​ဆရာတော် ဦး​ပညာ​ဝံ​သ​ကို ဥပဇ္ဈာယ်​ဆရာ အရာ​ထား​ပြီး ဘ​ကြီးတော်​သူ ဦး​ဘိုး​သီ၊ ဒေါ်​စော​လေး တို့​က ရဟန်း​ဒါ​ယ​ကာ ပြု​လျက် ဥ​ပ​သမ္ပ​ကံ​ဆောင် ရဟန်း​အဖြစ် ရောက်​ရှိ​ခဲ့​သည်။ ၁​၉​၄​၄ ခု​နှစ်​တွင် သန်​လျင်​မြို့ ဂျပန် စာသင်ကျောင်း (ယခင် စိန်​ဂျော​ဂျက်)၌ ဂျပန်​စာ နှစ်​နှစ် သင်​သည်။ မြန်မာ​တ​နိုင်ငံ​လုံး​ရှိ ဂျပန် စာသင်ကျောင်း​များ​အတွက် ထုတ်​ဝေ​သော ဂျပန် စာစောင်​၌ ဂျပန်​ဘာသာ​ဆောင်းပါး ရေး​သည်။


အိန္ဒိယ သူဌေး​ကြီး ဗီ​ရ​လာ​၏ အရိ​ဓမ္မ ပ​ညာတော်​သင် ဆု​ဖြင့် ၁​၉​၄​၇ ခု​နှစ်​တွင် အိန္ဒိယ​နိုင်ငံ ဗာရာဏသီ​မြို့ ဗာရာဏသီ ဟိန္ဒူ တက္ကသိုလ်၊ အို​ရီ​ယမ်​တယ် ကော​လိပ်​၌ ဟိန္ဒီ​နှင့် သက္က​တ သင်​သည်။ ထို​အချိန်​တွင် မိဂဒါဝုန် မဟာ ဗော​ဓိ အသင်း​က ထုတ်​ဝေ​သော ဟိန္ဒီ​ဘာသာ ဓမ္မ​ဒူ​တ စာအုပ်​၌ ဟိန္ဒီ​ဘာသာ ဆောင်းပါး ရေး​သည်။ ဂျာ​နယ်ကျော် ၌​လည်း ရေး​သည်။ ၁​၉​၅​၂ တွင် မြန်မာ​နိုင်ငံ​သို့ ပြန်လာ​သည်။ ဝိဇ္ဇာ အမည်​ဖြင့် ဗော်​လ​ဂါ​မှ ဂင်္ဂါ​သို့ (ဒုတိယ​ပိုင်း) ရေး​သည်။ ၁​၉​၅​၄ ခု​နှစ်​တွင် ပါ​ရ​ဂူ အမည်​ဖြင့် ဗုဒ္ဓ​စကား ရေး​သည်။ ၁​၉​၅​၅ ခု​နှစ်​တွင် လူဝတ်လဲ​သည်။


၁​၉​၅​၆ ခု​နှစ်​တွင် န​ယူး​ဒေ​လီ​မြို့ အာ​ရှ စာရေး ဆရာ​များ ညီလာခံ အတွင်း​ရေး​မှူး အဖွဲ့​သို့ မြန်မာ စာရေး ဆရာ ကိုယ်စားလှယ် အဖြစ် တက်​ရောက်​သည်။ ၁​၉​၅​၇ - ၆​၁ အထိ မြန်မာ နိုင်ငံ​ရှိ အိန္ဒိယ သံ​ရုံး ပြန်ကြား​ရေး ဘာသာ​ပြန် အရာရှိ အဖြစ် တာဝန် ထမ်း​ဆောင် ခဲ့​သည်။ ၁​၉​၅​၈ မှ ၁​၉​၆​၁ အထိ မြန်မာ​နိုင်ငံ စာရေး ဆရာ အသင်း​တွင် အမှုဆောင် တာဝန် ထမ်း​ဆောင်​သည်။ ၁​၉​၆​၃ ခု​နှစ်​တွင် သုန္ဒ​ရာ​နန္ဒ ခေါ် ညီတော် မင်း​နန် စာအုပ်​ဖြင့် အနု​ပညာ ဆိုင်​ရာ ဘာသာ​ပြန် စာပေ​ဆု ချီးမြှင့်​ခြင်း ခံ​ရ​သည်။


၁​၉​၆​၃ မှ ၁​၉​၆​၅ အထိ မြန်မာ​နိုင်ငံ စာရေး ဆရာ သမဂ္ဂ အသင်း အမှုဆောင်၊ မြန်မာ​နိုင်ငံ စာပေ ပြန့်​ပွား​ရေး အသင်း အမှုဆောင်၊ ၁​၉​၇​၁ မှ ၁​၉​၇​၅ အထိ မြန်မာ​စာ ကော်​မရှင် အဖွဲ့ အဖွဲ့​ဝင် တာဝန် များ​ကို ထမ်း​ဆောင် ခဲ့​သည်။ ၁​၉​၈​၅ ခု​နှစ်​တွင် မြန်မာ​နိုင်ငံ ကော​လိပ်​နှင့် တက္ကသိုလ် များ​၏ အရှေ့​တိုင်း စာပေ သင်ကြား​ရေး အဖွဲ့ အဖွဲ့​ဝင် အဖြစ် စတင် ဆောင်ရွက်​သည်။ အိန္ဒိယ​နိုင်ငံ ဗာရာဏသီ​မြို့ ဟိန္ဒီ​ဘာသာ​ဖြင့် ထုတ်​ဝေ​သော အာဂ်ျ(AJ)နေ့စဉ် သတင်းစာ​တွင် ပါ​ရ​ဂူ အမည်​ဖြင့် ဗာ​ရာ​မာ​ကီ​ကျိတ္တိ (မြန်မာ​ပြည်​မှ ပေး​စာ​များ) ရေး​သော ပင်တိုင် ဆောင်းပါး​ရှင် ဖြစ်​သည်။ က​ရာ​ချိ​မှ အင်္ဂလိပ် ဘာသာ​ဖြင့် ထုတ်​ဝေ​သော ယူ​နက်​စ​ကို န​ယူးစ်​လက်​တား​တွင် လှ​ကြိုင် အမည်​ဖြင့် မြန်မာ​နိုင်ငံ စာပေ ယဉ်ကျေး​မှု သ​တင်း ဆောင်းပါး​များ ရေး​သည်။


၁​၉​၈​၆ တွင် ဂေါ​ရီ စာအုပ်​ဖြင့် ၁​၉​၈​၆ ခု​နှစ် အမျိုးသား စာပေ ဘာသာ​ပြန်​ဆု ချီးမြှင့်​ခြင်း ခံ​ရ​သည်။ ၁​၉​၈​၉ ခု​နှစ်​တွင် မြန်မာ​ပြည် တ​ဂိုး​အသင်း ဥက္ကဋ္ဌ၊ မြန်မာ​ပြည် ဟိန္ဒီ​အသင်း ဥက္ကဋ္ဌ၊ ၁​၉⁠၉​၈ ခု​နှစ် မြန်မာ​နိုင်ငံ ယဉ်ကျေး​မှု တက္ကသိုလ် ပညာ​ရေး အဖွဲ့ အဖွဲ့​ဝင်၊ အပြည်​ပြည် ဆိုင်​ရာ ဓမ္မ​ဂီ​ရိ ဝိပဿနာ အဖွဲ့ (ဓမ္မ​ဇောတိ) အမှုဆောင်၊ မင်္ဂလာ​ဗျူဟာ ပရဟိတ အဖွဲ့ ဥက္ကဋ္ဌ တာဝန်​များ ထမ်း​ဆောင် ခဲ့​သည်။


၂​ဝ⁠ဝ​ဝ ပြည့်​နှစ်​တွင် ပြန်ကြား​ရေး ဝန်ကြီး ဌာန မြန်မာ ရည်ညွှန်း​ကျမ်း စီစဉ်​ရေး အဖွဲ့ အဖွဲ့​ဝင်၊ နော်​ဝေ​ရောက် အိန္ဒိယ အမျိုးသား​များ အင်္ဂလိပ် - ဟိန္ဒီ နှစ်​ဘာသာ​ဖြင့် ထုတ်​ဝေ​သော သျှံ​တိ​ဒူ​တ မဂ္ဂဇင်း​၏ အကြံပေး တာဝန် ထမ်း​ဆောင်​သည်။

၂​ဝ⁠ဝ​၁ ခု​နှစ်၊ ပ​ခုက္ကူ ဦး​အုန်း​ဖေ​၏ တ​သက်​တာ စာပေ​ဆု ချီးမြှင့်​ခြင်း ခံ​ရ​သည်။ ဆရာ ပါ​ရ​ဂူ​သည် ၂​ဝ⁠ဝ​၁ ခု​နှစ် အသက် (၈​ဝ) ပြည့်​ချိန်​တွင် လုံး​ချင်း စာအုပ် ၁​ဝ​ဝ အထိ ပုံနှိပ် ထုတ်​ဝေ ခဲ့​သည်။ ဆရာ​ကြီး​သည် ယခု​အခါ အမှတ် ၃၊ ငါး​ထပ်​ကြီး ဘုရား​လမ်း ဗ​ဟန်း မြို့​နယ်​တွင် နေထိုင်​လျက် ရှိ​သည်။ [၁]

ဆရာ​ပါ​ရ​ဂူ​သည် ဗ​ဟန်း​မှ ခြံ​အမှတ်​၉⁠၉​၈၊ ၉⁠၉​ဝ၊ ဦး​ပု​ည​လမ်း၊ ၁​၆​ရပ်​ကွက်၊ ရွှေ​ပေါက်​ကံ​သို့ ပြောင်း​သွား​ပါ​သည်။ သူ​၏ အိမ်​တွင် သျှန်​တိ​နိ​ကေ​တန် စာကြည့်​တိုက်ကြီး​ကို တည်ထောင်​ထား​သည်။ ဆရာ​ပါ​ရ​ဂူ​သည် အိမ်ထောင်​မ​ရှိ​သူ လူပျိုကြီး ဖြစ်​သည်။

ကွယ်​လွန်​ခြင်း[ပြင်​ဆင်​ရန်​]

ဆရာ​ပါ​ရ​ဂူ​သည် (၉​၀ နှစ်) ၂​၀​၁⁠၁​ခု​နှစ်၊ ဧပြီ​လ၊ ၉​ရက်​နေ့​တွင် နှလုံး​ရောဂါ​ဖြင့် ရွှေ​ဂုံ​တိုင်​အထူး​ကု​ဆေး​ခန်း​တွင် ကွယ်​လွန်သွား​ခဲ့​သည်။

ရ​ရှိ​ခဲ့​သော​ဆု​များ[ပြင်​ဆင်​ရန်​]

၁​၉​၆​၃​ခု​နှစ်​တွင် ညီတော်​မင်း​နန် စာအုပ်​ဖြင့် အနု​ပညာ​စာပေ​ဆု (ဘာသာ​ပြန်​ပထမ​ဆု) ရ​ခဲ့​သည်။

၁​၉​၆​၇​ခု​နှစ်​တွင် မြန်မာ​နိုင်ငံ ဟိန္ဒ​စာပေ​အသင်း​၏ စာပေ​ရွှေ​တံဆိပ်​ဆု၊

၁​၉​၈​၆​ခု​နှစ်​တွင် ဂေါ​ရီ စာအုပ်​ဖြင့်​အမျိုးသား​စာပေ​ဆု ( ဘာသာ​ပြန်​ရသ​ဆု ) ရ​ရှိ​ခဲ့​ကာ

၂​၀⁠၀​၁​ခု​နှစ်​အတွက်​အမျိုးသား​စာပေ တစ်​သက်​တာ​ဆု ရ​ရှိ​ခဲ့​ပါ​သည်။

ရေးသား ထုတ်​ဝေ​ခဲ့​သော စာအုပ်​များ[ပြင်​ဆင်​ရန်​]

  1. ကဗျာ​ဆရာ​၏ အသိုက် ၂​ဝ⁠ဝ​ဝ ပြည့်​နှစ်
  2. ကာ​ဓမ္ဗ​ရီ​နှင့် အခြား ဝတ္ထု​များ
  3. ကျန်းမာ​ရေး သ​ဝဏ်​လွှာ
  4. ကွန်​မြူ​နစ် ဝါဒ သာ​လျှင် အဘယ်​ကြောင့်
  5. ခေါ​မ​ဒ​ဿ​န ပညာ​ရှင် ၁​၉⁠၉​၆ ခု​နှစ်
  6. ဂါမ​ဏိ
  7. ဂါမ​တီ
  8. ဂေါ​ရီ ၁​၉​၈​၅ ခု​နှစ်
  9. ဂင်္ဂါ​နှင့် ဧရာဝတီ ၁​၉⁠၉​၅ ခု​နှစ်
  10. ဂျ​လ​ရာမ်
  11. ငှက်​ဓမ္မ​သဘင် ၂​ဝ⁠ဝ​ဝ ပြည့်​နှစ်
  12. စ​ကရ ၁​၉⁠၉​၉ ခု​နှစ်
  13. စကားပြော​သော ရုပ်တု​များ ၁​၉⁠၉​ဝ ပြည့်​နှစ်
  14. စာပေ ခရီးသည် ၁​၉⁠၉​၈ ခု​နှစ်
  15. စိတ္တ​ရ​လေ​ခါ ၁​၉​၇​၉ ခု​နှစ်
  16. ဆို​ရှည်​လစ်​ဝါဒ ၁​၉​၆​၄ ခု​နှစ်
  17. ဆည်းဆာ​ကြယ်​နှင့် အခြား ဝတ္ထု​တို​များ
  18. ဈင်​ဗုဒ္ဓ​ဘာသာ
  19. ညီတော်​မင်း​နန် ၁​၉​၈​၉ ခု​နှစ်
  20. တ​ဂိုး​၏ တံလျှပ်​ရေ​ထင် ရွှေ​သမင်​ဥပမာ​နှင့် အခြား ဝတ္ထု​တို​များ
  21. တ​ဂိုး​၏ ရာဇ​ကု​မာ​ရီ​နှင့် အခြား​ဝတ္ထု​တို​များ
  22. တ​ဂိုး​၏ ဝတ္ထု​တို ပေါင်းချုပ် ၁​၉​၇​၅ ခု​နှစ်
  23. တ​ဂိုး​၏ ဝတ္ထု​တို​များ ၁​၉⁠၉​၇ ခု​နှစ်
  24. တ​ဂိုး​၏ သံသယ​နှင့် အခြား ဝတ္ထု​တို​များ
  25. တရား​ရေစီး​ကြောင်း ၁​၉⁠၉​ဝ ပြည့်​နှစ်
  26. တော်​လှန်​သော အတွေး​အခေါ်​များ
  27. တမ္ဗ​ပဏ္ဏိ ၁​၉⁠၉​၉ ခု​နှစ်
  28. ဒ​ဂုန် ဦး​ထွန်း​မြင့်
  29. ဒိ​ဗျာ
  30. ဒေသစာရီ ဝေ​သာ​လီ
  31. ဒေါ​ဏ​၏ အတ္တ​က​ထာ (ပထမ​တွဲ) ၁​၉⁠၉​၅ ခု​နှစ်
  32. ဒေါ​ဏ​၏ အတ္တ​က​ထာ (ဒုတိယ​တွဲ)
  33. ဒို​ဟာ​ဓမ္မ ကဗျာ ၁​၉⁠၉​ဝ ပြည့်​နှစ်
  34. ဓမ္မ​စကား ၁​၉​၇​၄ ခု​နှစ်
  35. ဓမ္မ ဘဝ​တ​လျှောက် နေ​သွား​နည်း အတတ်​ပညာ ၁​၉​၈​ဝ ပြည့်​နှစ်
  36. နီ​တိ ပုံပြင်​များ ၁​၉⁠၉​၃ ခု​နှစ်
  37. နေရာ​နှင့် အခြား ဝတ္ထု​များ
  38. နေ​ရူး​၏ သမီး​ထံ ပေး​စာ
  39. နိုင်ငံ​ရေး ဒ​ဿ​န
  40. နိဗ္ဗာန် ၁​၉​၆​၉ ခု​နှစ်
  41. နှစ်​ဆယ့်​နှစ်​ရာ​စု
  42. ပ​ရ​က​ထာ (တ​စေ့​တ​စောင်း စာရေး ဆရာ​များ အကြောင်း) ၁​၉​၈​၉ ခု​နှစ်
  43. ပ​လေ​တို
  44. ပီ​ယ​ဒ​ဿီ ၁​၉​၈​၅ ခု​နှစ်
  45. ပုဂံ ခရီးသည်
  46. ပုဂံ ခရီးသည် (အင်္ဂလိပ်)
  47. ပုဂံ​ဈေး​နှင့် အခြား ဝတ္ထု​တို​များ
  48. ပဉ္စ​တန္ဈ​ရ ၁​၉​၆​၅ ခု​နှစ်
  49. ပဉ္စာ​က​ထာ ၂​ဝ⁠ဝ​၁ ခု​နှစ်
  50. ပဏ္ဍိတ​က​ထာ ၁​၉⁠၉​၇ ခု​နှစ်
  51. ပန်းပု​ဆရာ
  52. ဖော်​မဲ့​ဟင်္သာ ၁​၉⁠၉​၄ ခု​နှစ်
  53. ဗာ⁠ဗာ​ဒို​ဟာ
  54. ဗော်​လ​ဂါ​မှ ဂင်္ဂါ​သို့(ဦး​ဆန်း​ထွန်း​နှင့်)
  55. ဗော်​လ​ဂါ​မှ ဂင်္ဂါ​သို့ (ဒုတိယ​ပိုင်း)
  56. ဗုဒ္ဓ​ဂု​ဏ​ဝန္ဒနာ
  57. ဗုဒ္ဓ​စကား ၁​၉​၅​၄ ခု​နှစ်
  58. ဗုဒ္ဓ​ဒိုင်​ယာ​ရီ ၁​၉​၆​၄ ခု​နှစ်
  59. ဗုဒ္ဓ​နှင့် ဆို​ရှယ်​လစ်​ဝါဒ
  60. ဗုဒ္ဓ​ဘာသာ​နှင့် မာ့က်စ်​ဝါဒ
  61. ဗုဒ္ဓ​မြတ်​စွာ ၁​၉⁠၉​၅ ခု​နှစ်
  62. ဗုဒ္ဓ​ယဉ်ကျေး​မှု ပြ​ဇာတ်​များ ၂​ဝ⁠ဝ​၁ ခု​နှစ်
  63. ဗုဒ္ဓ​သာသနာ စည်ပင် ပြန့်​ပွား​ပုံ သမိုင်း
  64. ဘဝ ခရီးသည် ၁​၉⁠၉​၆ ခု​နှစ်
  65. ဘဝ မင်္ဂလာ
  66. ဘုရား​ကျောင်း တံမြက်လှည်း​သမား​နှင့် အခြား ဓမ္မ​ဝတ္ထု​များ
  67. မဟာ ခရီးသည်
  68. မဟာ လူ​သား​ဗုဒ္ဓ ၁​၉​၈​၉ ခု​နှစ်
  69. မင်း​နှင့် ပြည်​သူ
  70. မဇ္ဓျိ​မ​ပ​ဋိ​ပ​ဒါ​နှင့် ဓမ္မ​ဝတ္ထု​တို​များ ၁​၉⁠၉​၅ ခု​နှစ်
  71. မြန်မာ သီ​ရိ​လင်္ကာ သာသနာ ဆက်​သွယ်​ရေး
  72. ယ​ယာ​တီ
  73. ယော​ဂီ​၏ ဘဝ​ဂါထာ ၁​၉⁠၉​၂ ခု​နှစ်
  74. ရာဇာ​နှင့် ဘိသိက် ၁​၉​၈​၂ ခု​နှစ်
  75. ရာဇာ​နှင့် သာသနာ
  76. ရာဟုလာ​သံ​ကိစ္စည်း ၁​၉​၇​၇ ခု​နှစ်
  77. ရေစီး​ကြောင်း (စာပေ/ယဉ်ကျေး​မှု) ၁​၉⁠၉​၃ ခု​နှစ်
  78. လူ့ဘောင်​သစ်
  79. လယ်တီ​ပဏ္ဍိတ ဦး​မောင်ကြီး ၁​၉⁠၉​၅ ခု​နှစ်
  80. ဝေ​တာ​လ ဝတ္ထု ၁​၉​၈​ဝ ပြည့်​နှစ်
  81. ဝေဒနာ
  82. ဝေ​သာ​လီ
  83. ဝတ္ထု​သမုဒ္ဒရာ ၁​၉​၆​၆ ခု​နှစ်
  84. သာ​လ​ဝ​တ​နှင့် အခြား ဝတ္ထု​တို​များ ၁​၉⁠၉​ဝ ပြည့်​နှစ်
  85. သားတော် ရာဟုလာ ၁​၉​ရ​ဝ ပြည့်​နှစ်
  86. သီ​ပေါ​၏ မ​ဟေ​သီ ၁​၉​၇​၂ ခု​နှစ်
  87. သီ​ဟ​သေ​နာ​ပတိ
  88. သူ​လို​လူ ၁​၉​၈​၁ ခု​နှစ်
  89. သိဒ္ဓတ္ထ ၁​၉​၆​၄ ခု​နှစ်
  90. ဟိ​တော​ပ​ဒေသ ၁​၉​၅​၅ ခု​နှစ်
  91. အညမည သဘော​တရား​နှင့် ဗုဒ္ဓ​အဘိ​ဓမ္မာ
  92. အရစ္စ​တို​တယ် ၁​၉⁠၉​၅ ခု​နှစ်
  93. အမေ့​ခံ ခရီးသည် ၁​၉​၇​၇ ခု​နှစ်
  94. အမ္ဗ​ပါ​လီ ၁​၉​၇​၆ ခု​နှစ်
  95. အိန္ဒိယ ခရီးသည် ၁​၉⁠၉​၆ ခု​နှစ်
  96. အိန္ဒိယ ရုပ်တု​နှင့် မြန်မာ ရုပ်တု စကား​ဆွေးနွေး​ခန်း
  97. ဥတ္တရ ခရီးသည်

ကိုး​ကား[ပြင်​ဆင်​ရန်​]

  1. ပြန်ကြား​ရေး​နှင့် ပြည်​သူ့ ဆက်ဆံ​ရေး ဦးစီး ဌာန (ရုံး​ချုပ်) စာတည်း အဖွဲ့​က စုဆောင်း ပြုစု​တဲ့ 'နှစ်​ဆယ် ရာ​စု မြန်မာ စာရေး ဆရာ များ​နှင့် စာ​စု စာရင်း' စာအုပ် (ပညာ​ရွှေ​တောင် စာအုပ်​တိုက်)၂​ဝ⁠ဝ​၃ ခု​နှစ်၊ ဧပြီ​လ(ပထမ အကြိမ်)