နီတိကျမ်းလာ သံချိုကဗျာ

ဝီကီပီးဒီးယား မှ

နီတိကျမ်းလာ သံချိုကဗျာ ကဗျာကို မောင်းထောင်းဦးကျော်လှ ရေးသားခဲ့သည်။ သံချို ကဗျာအမျိုးအစားဖြစ်သည်။

အကြောင်းအရာ[ပြင်ဆင်ရန်]

၁၂၂၅ ခုနှစ်လောက်တွင် ဦးကျော်လှ မန္တလေးမြို့သို့ရောက်လာကာ အချို့သော သဘင်သည်များက တောသားအကောင်လေး ဘာစာရေးတတ်မှာလဲ မင်းတို့ တောအရပ်ကိုသာ ပြန်၍ ပြေးပြီး သင့်သလို အသက်မွေးချေ။ မြို့ကြီးပြကြီးများ၌ ကပြရန်မှာ အလွန်ဝန်လေးခက်ခဲကြောင်း ပြောဆိုကြသဖြင့် တောသားမြို့သား ကြီးသည်ငယ်သည်မှာ ပဓာနမဟုတ်၊ ပညာသာ ပဓာန ဖြစ်ကြောင်းကို ချက်ချင်းဖွဲ့ဆိုသော သံချိုကဗျာ ဖြစ်သည်။

နီတိကျမ်းလာ သံချိုကဗျာ[ပြင်ဆင်ရန်]

ဌာနေဌာနေနှင့် ပဏ္ဍိတေမရှိကြောင်း၊ ထုံးဟောင်းပါဌ်တော်တန်းခဲ့မယ် ကျမ်းနီတိ စာအလာ။

ဝနေနော် ဝနေပြောသော်လဲ၊ တောဆိုလျှင် မည်ကာပ၊ ပဏ္ဍုတေ စန္ဒကူးပေါက်ဘူးဗျ ဧကန်သာ။

ကျေးတောနေမြစ်နား၊ မြို့သားပင်ဖြစ်လေပြီးသော်လဲ၊ ကြီးသူနှင့် ငယ်သူမှာ ပညာသာ အကြောင်း။

သိန်းဒေဝန်း ကာမိန်းတို့ ယင်းအပေါ်၊ မင်းမဟော်ထုံးကဲ့သို့၊ နိဂုံးရွာသိန်က သုခမိန်ဂုဏ်၊ ရောင်လွန်းသော်ကြောင့်၊ ခုထက်တိုင် ဇမ္ဗုကျွန်းမှာ၊ ထွန်းရစ်စကောင်း။

ခက်ဆစ်[ပြင်ဆင်ရန်]

၁။ ပဏ္ဍုတေ = လောကနီတိကျမ်း အဆိုရဆိုလျှင် ပဗ္ဗတေဟု ရှိသင့်သည်။

မှတ်ချက်[ပြင်ဆင်ရန်]

ဤကဗျာခေါင်းစဉ်သည် မောင်းထောင်းဦးကျော်လှ ကိုယ်တိုင် ပေးခဲ့ခြင်း မဟုတ်ပါ။ သင့်တော်မည်ထင်သော ခေါင်းစဉ်ကို ပေးထားခြင်း ဖြစ်သည်။

ကိုးကား[ပြင်ဆင်ရန်]

  1. မောင်းထောင်းဦးကျော်လှ၏ သံချိုကဗျာပေါင်းချုပ်။ ယဉ်ကျေးမှုဝန်ကြီးဌာန၊ ယဉ်ကျေးမှုဗိမာန်ဌာန။ နိုဝင်ဘာ ၁၉၈၃။