နိုင်မင်းကျော်

ဇေယျကျော်ထင်၊ ဦး နိုင်မင်းကျော်
နိုင်ငံခြားရေးဝန်ကြီးဌာန ဒုတိယဝန်ကြီး
တာဝန်ထမ်းဆောင်ဆဲ
တာဝန် စတင် ၁၀ ဧပြီ ၂၀၂၆ ကိုကိုကျော် နှင့်အတူ
ခန့်အပ်သူ	မင်းအောင်လှိုင်
ဝန်ကြီး	တင်မောင်ဆွေ
ယခင်လူ	ကိုယ်တိုင်
တာဝန်သက်တမ်း ၃၁ ဇူလိုင် ၂၀၂၅ – ၁၀ ဧပြီ ၂၀၂၆ ကိုကိုကျော် နှင့်အတူ
ခန့်အပ်သူ	အမျိုးသား ကာကွယ်ရေးနှင့် လုံခြုံရေးကောင်စီ
ဝန်ကြီး	ဦးသန်းဆွေ
ဝန်ကြီးချုပ်	ဦးညိုစော
ယခင်လူ	ဦးလွင်ဦး
ဆက်ခံသူ	ကိုယ်တိုင်
နိုင်ငံတော်ကာကွယ်ရေးတက္ကသိုလ် ကျောင်းအုပ်ကြီး
တာဝန်သက်တမ်း ၂၀၂၄ – ၂၀၂၅
ယခင်လူ	ဗိုလ်ချုပ် ဇော်မင်းလတ်
ကိုယ်ရေး အချက်အလက်များ
လူမျိုး	မြန်မာ
မိခင်ကျောင်း	စစ်တက္ကသိုလ်
စစ်မှုထမ်းခြင်း
သစ္စာခံနိုင်ငံ	မြန်မာ
တပ်/တပ်ဖွဲ့ခွဲ	တပ်မတော်(ရေ)
အမှုထမ်းကာလ	-၂၀၂၅
ရာထူး	ဗိုလ်ချုပ်

ဦးနိုင်မင်းကျော် သည် မြန်မာနိုင်ငံ စစ်မှုထမ်းဟောင်း တစ်ဦး ဖြစ်ပြီး လက်ရှိတွင် နိုင်ငံခြားရေးဝန်ကြီးဌာန ၏ ဒုတိယဝန်ကြီး အဖြစ် တာဝန်ထမ်းဆောင်နေသည်။ယင်းမတိုင်မီက သူသည် နိုင်ငံတော်ကာကွယ်ရေးတက္ကသိုလ် ၏ ကျောင်းအုပ်ကြီး ဖြစ်ခဲ့သည်။

စစ်မှုထမ်းခြင်း

ဗိုလ်ချုပ် နိုင်မင်းကျော် သည် ငယ်စဉ်က လူရည်ချွန်(၁၉၆၄-၁၉၈၈) တစ်ဦး ဖြစ်ခဲ့ပြီး စစ်တက္ကသိုလ် တက်ကာ တပ်မတော်(ရေ) တွင် နှစ်ရှည်လများ တာဝန်ထမ်းဆောင်ခဲ့သူ ဖြစ်သည်။၂၀၂၁ စစ်အာဏာသိမ်းပြီးနောက်ပိုင်း ဗိုလ်ချုပ်အဆင့်အထိ ရာထူးတိုးလာခဲ့ကာ နိုင်ငံတော်ကာကွယ်ရေးတက္ကသိုလ် အား အုပ်ချုပ်ရသည့် ကျောင်းအုပ်ကြီး တာဝန်အထိ ပေးအပ်ခံရသူလည်း ဖြစ်သည်။

၂၀၂၂ ခုနှစ် နောက်ပိုင်းတွင် တပ်မတော် (ရေ) တွင် ဗိုလ်ချုပ်ရာထူးတိုးကာ ရေတပ်လေ့ကျင့်ရေးဌာနချုပ် ဌာနချုပ်မှူး ဖြစ်လာခဲ့သည်။ ယင်းနောက် ၂၀၂၄ ခုနှစ် နောက်ပိုင်းတွင် နိုင်ငံတော်ကာကွယ်ရေးတက္ကသိုလ် ၏ ကျောင်းအုပ်ကြီး ဖြစ်လာသည်။

စစ်မှုထမ်းကာလ စွမ်းဆောင်ချက်များ

ဗိုလ်မှူးချုပ် နိုင်မင်းကျော် သည် ၂၀၂၁ ခုနှစ် ဖေဖော်ဝါရီ ၁၅ ရက် မှ ၂၃ ရက် အထိ မလေးရှားနိုင်ငံရောက် မြန်မာနိုင်ငံသား (၁၀၈၆)ဦးအား ပြန်လည်ခေါ်ယူရေးအတွက် ဦးဆောင်ခဲ့သည်။ စစ်ရေယာဉ်(မုတ္တမ)၊ ပင်လယ်သွား ဆေးရုံ ရေယာဉ်(သံလွင်)နှင့် စစ်ရေယာဉ် (ဆင်ဖြူရှင်)တို့ဖြင့် ပြည်တွင်းသို့ ခေါ်ဆောင်လာခဲ့သည်။

ဒုဝန်ကြီးဘဝ

၂၀၂၅ ခုနှစ် ဇူလိုင် ၃၁ ရက် တွင် အမျိုးသား ကာကွယ်ရေးနှင့်လုံခြုံရေးကောင်စီသည် ဦးညိုစော ဦးဆောင်သည့် ပြည်ထောင်စုအစိုးရအဖွဲ့အား ပြန်လည်ဖွဲ့စည်းစဉ် သူသည် နိုင်ငံခြားရေးဝန်ကြီးဌာန ၏ ဒုတိယဝန်ကြီး အဖြစ် တာဝန်ပေးအပ်ခံရသည်။ထိုသို့တာဝန်ပေးအပ်ခံရသည့် နေ့တွင်ပင် စစ်မှုထမ်းခြင်းမှ တစ်ပါတည်း အငြိမ်းစားယူ နုတ်ထွက်ခဲ့ပြီး အရပ်ဝတ်သို့ ပြောင်းလဲခဲ့သည်။

၂၀၂၆ ခုနှစ် ဧပြီလ ၁၀ ရက်တွင် သမ္မတဦးမင်းအောင်လှိုင် ဦးဆောင်သည့် ပြည်ထောင်စုအစိုးရအဖွဲ့သစ်၌ နိုင်ငံခြားရေးဝန်ကြီးဌာန ၏ ဒုတိယဝန်ကြီး အဖြစ် ဦးကိုကိုကျော်နှင့်အတူ ဆက်လက်ပါဝင်ထမ်းဆောင်သည်။

ရရှိသောဆု

၂၀၂၅ ခုနှစ် ဇန်နဝါရီ ၄ ရက် တွင် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ က ၎င်းအား တပ်မတော်ဆိုင်ရာစွမ်းဆောင်မှုဆိုင်ရာဂုဏ်ထူးဆောင်ဘွဲ့တစ်ခုဖြစ်သည့် ဇေယျကျော်ထင်ဘွဲ့ အား အပ်နှင်းချီးမြှင့်သည်။

၂၀၂၆ ခုနှစ်၊ မတ်လ (၂) ရက်နေ့တွင် အမိန့်ကြော်ငြာစာအမှတ် ၄၄/၂၀၂၆ ဖြင့် စွမ်းဆောင်မှုဆိုင်ရာဂုဏ်ထူးဆောင်ဘွဲ့ ဖြစ်သော ဝဏ္ဏကျော်ထင်ဘွဲ့ကို ဗိုလ်ချုပ်မှူးကြီး မင်းအောင်လှိုင်က ချီးမြှင့်အပ်နှင်းခဲ့သည်။