နစ်တန်းဒိုး

နစ်တန်းဒိုး ကုမ္ပဏီလီမိတက်
Nintendo Co., Ltd.

၂၀၁၆ ခုနှစ်မှစ၍ အသုံးပြုသော အနီရောင်နောက်ခံပေါ်တွင်အဖြူရောင်ချယ်သထားသည့် အမှတ်တံဆိပ်
ဂျပန်နိုင်ငံ၊ ကျိုတိုမြို့ရှိ နစ်တန်းဒိုး ရုံးဌာနချုပ်
အမျိုးအစား	ကဘူရှီကိ ဂိုင်ရှ (အများပိုင်)
လုပ်ငန်း	ဗီဒီယိုဂိမ်း ထုတ်လုပ်ရေး အီလက်ထရောနစ်ပစ္စည်းများ(သုံးစွဲသူများအတွက်)
တည်ထောင်သူများ	ဖူဆဂျီရို ယာမအုချိ
ဝန်ဆောင်မှု ဧရိယာ	ကမ္ဘာအနှံ့
အရေးပါ ပုဂ္ဂိုလ်များ	သျွှန်းတာရို (အလုပ်အမှုဆောင်) သျှီဂဲရု မိယမိုတို (အပေါင်းအပါ)
ထုတ်ကုန်ပစ္စည်း	ထုတ်လုပ်သည့် ပစ္စည်းများ စာရင်း
ထုတ်ကုန်ပမာဏ	ဟာ့ဒ်ဝဲ: ၂၈.၈၃ မီလီယံ ဆော့ဖ်ဝဲ: ၂၃၀.၈၈ မီလီယံ
ဝန်ဆောင်မှု	Nintendo eShop My Nintendo Nintendo Switch Online
ဝင်ငွေ	¥ ၁.၇၅၉ ထရီလီယံ (၂၀၂၁)
အခွန်မဆောင်မှီ ဝင်ငွေ	¥ ၆၄၀.၆၃၄ ဘီလီယံ (၂၀၂၁)
အသားတင် ဝင်ငွေ	¥ ၄၈၀.၃၇၆ ထရီလီယံ (၂၀၂၁)
ရင်းနှီးမြှုပ်နှံမှု	¥ ၂.၄၄၇ ထရီလီယံ (၂၀၂၁)
စုစုပေါင်း ရှယ်ယာတန်ဖိုး	¥ ၁.၈၇၅ ထရီလီယံ (၂၀၂၁)
အလုပ်သမားဦးရေ	၆၅၄၇ ဦး (၂၀၂၁)
ဌာနခွဲများ	ဖျော်ဖြေရေး စီမံကိန်း နှင့် ဖွံ့ဖြိုးရေး ပလက်ဖောင်းနည်းပညာ ဖွံ့ဖြိုးတိုးတက်ရေး စီးပွားရေး ဖွံ့ဖြိုးမှု
ကုမ္ပဏီခွဲ	ကုမ္ပဏီခွဲများ စာရင်း 1-Up စတူဒီယို iQue မာရီယို အသင်း Monolith Soft NDcube တဆင့်မြင့် ဂိမ်းများ နစ်တန်းဒိုး ဥရောပဆိုင်ရာ သုတေသနနှင့် ဖွံ့ဖြိုးရေး နစ်တန်းဒိုး အရောင်းဌာန နစ်တန်းဒိုး ဆော့ဖ်ဝဲ နည်းပညာ နစ်တန်းဒိုး နည်းပညာဖွံ့ဖြိုးတိုးတက်ရေး ပြန်လည်ဆန်းသစ်ပေးသည့် စတူဒီယိုများ
ကိုးကား

နစ်တန်းဒိုး ကုမ္ပဏီသည် ဂျပန်နိုင်ငံရှိ လျှပ်စစ်လူသုံးကုန်နှင့် ဗီဒီယိုဂိမ်း ထုတ်လုပ်သည့် ကုမ္ပဏီ ဖြစ်သည်။ တိုကျိုမြို့တွင် အခြေစိုက်သည်။ နစ်တန်းဒိုးသည် ကမ္ဘာ့ဈေးကွက်အမြတ်အစွန်း အများဆုံး ကုမ္ပဏီတစ်ခု ဖြစ်သည်။ ထို့ပြင် မာရီယို၊ The Legend of Zelda နှင့် ပိုကီမွန် တို့ကဲ့သို့သော ထင်ရှားကျော်ကြားပြီး ရောင်းအားအကောင်းဆုံး ဗီဒီယိုဂိမ်းများကို ထုတ်လုပ်ဖန်တီးခဲ့သည့် ကုမ္ပဏီလည်း ဖြစ်သည်။

ကုမ္ပဏီကို ၁၈၈၉ ခုနှစ်၊ စက်တင်ဘာလ ၂၃ ရက်နေ့တွင် ဖူဆဂ်ဂျိရို ယာမအုချိ (Fusajiro Yamauchi) က တည်ထောင်ခဲ့သည်။ မူလက ဟနဖုဒဟု ခေါ်သည့် ဖဲကစားနည်းတွင် အသုံးပြုသည့် ကဒ်များကို လက်ဖြစ် (လူဖြင့် ပြုလုပ်) ပြုလုပ်သည့် အလုပ်ဖြစ်သည်။ ၁၉၆၃ ခုနှစ်တွင် တက္ကစီဝန်ဆောင်မှုလုပ်ငန်းများ၊ love hotels များ စသည်တို့ကဲ့သို့သော စီးပွားရေးလုပ်ငန်းအသေးများစွာကို ပြုလုပ်ခဲ့သည်။ ၁၉၆၀ ခုနှစ်တွင် အများ၏ ထောက်ခံမှုကို ရရှိခဲ့သည် ယခင်က တီထွင်ပြုလုပ်မှုများကို စွန့်လွှတ်ကာ ကုမ္ပဏီသည် ၁၉၇၀ ခုနှစ်တွင် ဗီဒီယိုဂိမ်းတစ်ခုကို တီထွင်ခဲ့သည်။

၁၉၈၀ ခုနှစ် ရောက်သောအခါတွင် နစ်တန်းဒိုးသည် အမေရိကနှင့် ဥရောပတွင် အဓိကဌာနခွဲများကို တိုးချခဲ့ခဲ့ပြီး ၎င်းသည် အဆုံးတွင် အရှိန်အဝါအကြီးမားဆုံး လုပ်ငန်းနှင့် ဂျပန်နိုင်ငံရှိ ကုမ္ပဏီများတွင် ၂၀၁၈ ခုနှစ်၌ ဒေါ်လာ ၃၇ဘီလီယံကျော် ဈေးကွက်တန်ဖိုးရှိလာခဲ့ပြီး တန်ဖိုးအရှိဆုံးကုမ္ပဏီတစ်ခု ဖြစ်လာခဲ့သည်။

သမိုင်း

၁၈၈၉ - ၁၉၅၆ ကဒ်ကုမ္ပဏီတစ်ခု အဖြစ်

နစ်တန်းဒိုးကို ကတ် ကုမ္ပဏီတစ်ခုအဖြစ် ဖုဆဂျရိုယာမအိချိသည် ၁၈၈၉ ခုနှစ်၊ စက်တင်ဘလ၊ ၂၃ ရက်နေ့တွင် တည်ထောင်ခဲ့သည်။ ကုမ္ပဏီသည် ကျိုတိုတွင် အခြေစိုက်ပြီး လုပ်ငန်းသည် ဟနဖုဒ (hanafuda) ကတ်များကို ထုတ်လုပ်ပြီး ဈေးကွက်တွင် ရောင်းချခဲ့သည်။ လက်ဖြင့် ပြုလုပ်သည့် ကတ်များသည် မကြာမီပင် လူသိများထင်ရှားလာခဲ့ပြီး ယာမအိချိသည် အကူများကို ငှားရမ်းကာ ကတ်များကို များစွာထုတ်လုပ်ခဲ့ပြီး ဝယ်လိုအားကို ဖြည့်ဆည်းခဲ့သည်။ ကုမ္ပဏီကို ပုံမှန်ပင် ယာမအုချိ နစ်တန်းဒိုး နှင့် ကုမ္ပဏီလိမိတက်ဟု အမည်တပ်ကာ ၁၉၉၃ ခုနှစ်တွင် တည်ထောင်ခဲ့သည်။ ၎င်းသည် ကုမ္ပဏီ၏ အမည်ကို ၁၉၅၁ ခုနှစ်တွင် Nintendo Playing Card Co.Ltd ဟု ပြောင်းလဲခဲ့ပြန်သည်။ နစ်တန်းဒိုးသည် ကတ်များထုတ်လုပ်မှုကို ဆက်လက်ကာ ပြုလုပ်ခဲ့ပြီး “Nintendo Cup” ပြိုင်ပွဲကို ကျင်းပပေးခဲ့သည်။ နစ်တန်းဒိုး(Nintendo) ဟူသည့် စကားလုံးကို “Leave luck to heaven” ဟု ဘာသာပြန်နိုင်သည်။