ဒြာဝိဒိယန်လူမျိုး
 ဒြာဝိဒိယန်မျိုးနွယ်စုများ အဓိကပျံ့နှံ့နေထိုင်ရာ ဒေသများ | |
| လူဦးရေ စုစုပေါင်း | |
|---|---|
| ၂၄၀ သန်း ကျော်[၁] | |
| အများစု နေထိုင်သည့် နေရာ | |
| အိန္ဒိယတောင်ပိုင်း၊ သီရိလင်္ကာ၊ ပါကစ္စတန် (Brahui) | |
| ဘာသာစကား | |
| ဒြာဝိဒိယန် ဘာသာစကားများ (တမီးလ်၊ တယ်လဂူ၊ ကန်နာဒါ၊ မလေးယာလမ်) | |
| ကိုးကွယ်မှု | |
| အများအားဖြင့် ဟိန္ဒူဘာသာ၊ အစ္စလာမ်ဘာသာ၊ ခရစ်ယာန်ဘာသာ | |
| ဆက်စပ် တိုင်းရင်းသား အုပ်စုများ | |
| အိန္ဒုမြစ်ဝှမ်းယဉ်ကျေးမှု (ယူဆချက်) |
ဒြာဝိဒိယန် သို့မဟုတ် ဒြာဗီဒီယန် လူမျိုးဆိုသည်မှာ ဒြာဝိဒိယန်နွယ်ဝင်ဘာသာစကားများဖြစ်သော အာရှတိုက်တောင်ပိုင်း၏ ဒေသိယ ဘာသာစကားများကို ပြောဆိုသုံးစွဲကြသော ဒေသခံ မျိုးနွယ်စုဝင်များပင်ဖြစ်သည်။ ကမ္ဘာတစ်ဝန်းတွင် ဒြာဝိဒိယန်နွယ်ဝင်ဘာသာစကား ပြောဆိုသူ ၂၅၀ သန်းခန့် ရှိသည်။[၂] ၎င်းတို့အနက် လူဦးရေ သန်း ၉၀ ခန့် ပြောဆိုကြသော တမီလ် နှင့် တယ်လဂူ ဘာသာစကားများသည် အကြီးဆုံး ဖြစ်သည်။ ကျန်အဓိက ဘာသာစကားများမှာ ကန်နာဒါ (၄၄ သန်း) နှင့် မလေးယာလမ် (၄၀ သန်း) တို့ ဖြစ်ကြသည်။
မူလဇစ်မြစ်နှင့် သမိုင်းကြောင်း
[ပြင်ဆင်ရန်]ဒြာဝိဒိယန်တို့၏ မူလဇစ်မြစ်နှင့် ပတ်သက်၍ သမိုင်းပညာရှင်များအကြား ငြင်းခုံမှုများ ရှိနေဆဲ ဖြစ်သည်။ ၎င်းတို့ကို အိန္ဒိယတိုက်ငယ်၏ မူလဌာနေတိုင်းရင်းသားများဟု မှတ်ယူကြသော်လည်း၊ ဘီစီ ၂၀၀၀ ခန့်က ပျက်သုဉ်းသွားခဲ့သည့် အိန္ဒုမြစ်ဝှမ်းယဉ်ကျေးမှု (Indus Valley Civilization) နှင့် ဆက်နွယ်မှုရှိသည်ဟု ယူဆချက်များစွာ ရှိသည်။[၃] အင်ဒို-အာရိယန်လူမျိုးများ ဝင်ရောက်လာပြီးနောက် ဒြာဝိဒိယန်တို့သည် တောင်ဘက်သို့ တဖြည်းဖြည်း ရွှေ့ပြောင်းအခြေချခဲ့ကြသည်ဟု ယူဆကြသည်။
ယဉ်ကျေးမှုနှင့် အနုပညာ
[ပြင်ဆင်ရန်]ဒြာဝိဒိယန်တို့သည် ကိုယ်ပိုင်ထူးခြားသော ဗိသုကာလက်ရာများ ရှိပြီး ၎င်းတို့ကို တောင်အိန္ဒိယရှိ ဘုရားကျောင်းများတွင် ထင်ရှားစွာ တွေ့မြင်နိုင်သည်။
- ဗိသုကာလက်ရာ: "ဂိုပူရမ်" (Gopuram) ဟုခေါ်သော အဆင့်ဆင့်မြင့်တက်သွားသည့် ဘုရားကျောင်းဝင်ပေါက် မျှော်စင်ကြီးများသည် ဒြာဝိဒိယန် ဗိသုကာပညာ၏ အမှတ်အသား ဖြစ်သည်။
- အကြီးဆုံးဘုရားကျောင်း: တမီးလ်နာဒူပြည်နယ်ရှိ "သီရိ ရန်ဂါနာသာဆွာမီ" (Sri Ranganathaswamy) ဘုရားကျောင်းသည် ဧရိယာ ၁၅၆ ဧက ကျယ်ဝန်းပြီး ကမ္ဘာ့အကြီးဆုံး ဟိန္ဒူဘုရားကျောင်းများထဲတွင် တစ်ခုအပါအဝင် ဖြစ်သည်။[၄]
မျိုးရိုးဗီဇနှင့် လူမျိုးစုပျံ့နှံ့မှု
[ပြင်ဆင်ရန်]မျိုးရိုးဗီဇ (DNA) လေ့လာချက်များအရ ခေတ်သစ် ဒြာဝိဒိယန်များသည် ရှေးခေတ် အိန္ဒုမြစ်ဝှမ်းရှိ လူများနှင့် အိန္ဒိယတောင်ပိုင်းမှ မူလမုဆိုးစုဆောင်းသူများ ရောနှောရာမှ ဆင်းသက်လာခြင်း ဖြစ်သည်။[၅] လက်ရှိတွင် အိန္ဒိယတောင်ပိုင်းပြည်နယ်များအပြင် သီရိလင်္ကာ၊ ပါကစ္စတန်၊ မလေးရှား နှင့် စင်ကာပူနိုင်ငံတို့တွင်လည်း ပျံ့နှံ့နေထိုင်ကြသည်။
ဒဏ္ဍာရီ
[ပြင်ဆင်ရန်]မြန်မာစာရေးဆရာကြီး ချစ်ဦးညို၏ လက်ရာမွန်တစ်ခုဖြစ်သော လင်္ကာဒီပချစ်သူ လုံးချင်းဝတ္တုတွင် ဂန္ထဝင် ရာမယဏဇာတ်တော်လာ ဇာတ်ကောင်ဖြစ်သော ဒဿဂီရိဘီလူးမင်းအား ဒြာဝိဒိယန်မျိုးနွယ်စု ဘုရင်တစ်ပါးအနေဖြင့် သရုပ်ဖော်ထားသည်။[၆]
ကိုးကား
[ပြင်ဆင်ရန်]- ↑ Encyclopaedia Britannica, "Dravidian peoples", Britannica.com
- ↑ The Dravidian languages။ 2019။ p. 1။
- ↑ Samuel, Geoffrey (2008). The Origins of Yoga and Tantra. Cambridge University Press.
- ↑ Tiruvarangam Divya Desam, indiantemples.com
- ↑ Narasimhan et al. (2019). "The formation of human populations in South and Central Asia". Science.
- ↑ ချစ်ဦးညို (၂၀၂၄)။ လင်္ကာဒီပချစ်သူ (pdf) (၁၉ ကြိမ် ed.)။ လင်္ကာဒီပစာပေ။