တော်လှန်ရေးအင်အားစုများအကြား လက်နက်ကိုင်ပဋိပက္ခများ (၂၀၂၁–လက်ရှိ)

တော်လှန်ရေးအင်အားစုများအကြား လက်နက်ကိုင်ပဋိပက္ခများ (၂၀၂၁–လက်ရှိ) မြန်မာ့ပြည်တွင်းစစ် (၂၀၂၁-လက်ရှိ)၏ တစ်စိတ်တစ်ပိုင်း တော်လှန်ရေးအင်အားစုများအကြား ပဋိပက္ခဖြစ်ပွားရာနေရာများ (   အဓိက ပဋိပက္ခဖြစ်စဉ်နေရာများ ) ရက်စွဲ ဖေဖော်ဝါရီ ၂၀၂၁ – လက်ရှိ နေရာ မြန်မာနိုင်ငံ ရလဒ် တင်းမာမှုများ ဖြစ်ပွားနေဆဲ စစ်ရင်ဆိုင်သူများ တော်လှန်ရေးအင်အားစုများ တော်လှန်ရေးအင်အားစုများ နယ်မြေပိုင်နက်နှင့် မူဝါဒကွဲလွဲမှုများအပေါ် အခြေခံ၍ ဖြစ်ပွားခြင်းဖြစ်သည်။

တော်လှန်ရေးအင်အားစုများအကြား လက်နက်ကိုင်ပဋိပက္ခများ (၂၀၂၁-လက်ရှိ) သည် ၂၀၂၁ ခုနှစ် မြန်မာနိုင်ငံတွင် စတင်ဖြစ်ပွားခဲ့သော မြန်မာ့ပြည်တွင်းစစ် (၂၀၂၁-လက်ရှိ) ကာလအတွင်း တပ်မတော် ကို ပူးတွဲခုခံတိုက်ခိုက်နေကြသည့် တော်လှန်ရေးအင်အားစုများအကြား ဖြစ်ပွားခဲ့သော လက်နက်ကိုင် ထိတွေ့ပဋိပက္ခများ ဖြစ်သည်။ ဤပဋိပက္ခများသည် နယ်မြေပိုင်နက် အငြင်းပွားမှုများ၊ အုပ်ချုပ်ရေးနှင့် အခွန်ကောက်ခံမှုဆိုင်ရာ မူဝါဒကွဲလွဲမှုများ၊ အဖွဲ့အစည်းအချင်းချင်းကြား သံသယဝင်မှုများနှင့် နားလည်မှုလွဲမှားခြင်းများမှ အဓိက စတင်ဖြစ်ပွားခဲ့ခြင်းဖြစ်သည်။

မြန်မာ့ပြည်တွင်းစစ် (၂၀၂၁-လက်ရှိ) ၏ အစိတ်အပိုင်းတစ်ခုအဖြစ် ပေါ်ပေါက်လာသည့် ဤပဋိပက္ခများသည် တော်လှန်ရေး၏ စည်းလုံးညီညွတ်မှုကို အဟန့်အတားဖြစ်စေသည့်အပြင်၊ ဒေသခံပြည်သူလူထု၏ လုံခြုံရေးနှင့် တော်လှန်ရေး၏ ရည်မှန်းချက်များကိုပါ ရိုက်ခတ်မှုများရှိခဲ့သည်။ ဖြစ်စဉ်အများစုတွင် ပြည်သူ့ကာကွယ်ရေးတပ်မတော် (PDF)၊ တိုင်းရင်းသားလက်နက်ကိုင်အဖွဲ့အစည်းများ (EAOs) နှင့် ဒေသအခြေစိုက် ကာကွယ်ရေးအဖွဲ့များ (LDFs) အကြား ထိတွေ့မှုများ ပါဝင်လေ့ရှိသည်။

ထိတွေ့ပစ်ခတ်မှုများနှင့် ဖမ်းဆီးမှုများ

၂၀၂၁ ခုနှစ် စစ်အာဏာသိမ်းပြီးနောက်ပိုင်း အချို့သော နယ်မြေများတွင် တော်လှန်ရေးအဖွဲ့အချင်းချင်းကြား၌ နယ်မြေစိုးမိုးရေး၊ အကျိုးစီးပွားဆိုင်ရာ ပဋိပက္ခများနှင့် အမိန့်ပေးစနစ် ကွဲလွဲမှုများကြောင့် အပြန်အလှန် ပစ်ခတ်မှုများ ဖြစ်ပွားခဲ့ပြီး အင်အားစုအချို့ ထိခိုက်သေဆုံးမှုများ ရှိခဲ့သည်။ထင်ရှားသည့် ဖြစ်စဉ်များကို အောက်ပါအတိုင်း ဖြစ်သည် -

လက်နက်ကိုင်အဖွဲ့အချင်းချင်းကြား ထိတွေ့ပစ်ခတ်မှုနှင့် သေဆုံးမှုမှတ်တမ်းများ

စဉ်	ဖြစ်စဉ်အမည်	ခုနှစ်	လ/ရက်	တည်နေရာ	ပါဝင်သည့် အဖွဲ့အစည်းများ	သေဆုံး/ကျဆုံး	ဖြစ်စဉ်အကျဉ်းနှင့် နောက်ဆက်တွဲ
၁	၂၀၂၂ မူဆယ် လက်နက်ကိုင်အချင်းချင်း ပစ်ခတ်မှု	၂၀၂၂	နိုဝင်ဘာ ၂၃	မူဆယ်မြို့	ရှမ်းပြည်နယ်မြောက်ပိုင်း (PSDA) အချင်းချင်း	၆ ဦး	တပ်ဖွဲ့အတွင်း အချင်းချင်း ပစ်ခတ်မှုဖြစ်သည်။
၂	ပုလဲမောင် သေဆုံးမှု (၂၀၂၄)	၂၀၂၄	မေ ၂၃	ပုလဲမြို့နယ်	ပအဖ/ပလဖ နှင့် BNRA	၁ ဦး	ပလဖ ပြန်ကြားရေးတာဝန်ခံ သေဆုံးခဲ့သည်။
၃	ချင်းလက်နက်ကိုင်အချင်းချင်း တိုက်ပွဲ (၂၀၂၄-၂၀၂၅)	၂၀၂၄	ဇွန် ၂၁	မတူပီမြို့/ထန်တလန်/ဖလမ်း	CNA ဦးဆောင်သော ချင်းပြည်ကောင်စီ နှင့် ချင်းညီနောင်	နှစ်ဖက် ထိခိုက်သေဆုံးမှုရှိ	မတူပီမြို့သိမ်းတိုက်ပွဲအတွင်း ပဋိပက္ခ ဖြစ်သည်။
၄	၂၀၂၆ ကွတ်ခိုင်မြို့ တိုက်ပွဲ	၂၀၂၆	မတ် ၁၆	ကွတ်ခိုင်မြို့	MNDAA နှင့် TNLA	မသိရှိရ	အကြီးစား နယ်မြေစိုးမိုးရေးတိုက်ပွဲ ဖြစ်သည်။
၅	၂၀၂၆ ယောဒေသ တော်လှန်ရေးအင်အားစု အချင်းချင်း ပစ်ခတ်မှု	၂၀၂၆	မတ် ၂၂	ဂန့်ဂေါမြို့နယ်၊ ညောင်လယ်ရွာ	ယောကာကွယ်ရေးတပ် (YDF - ဗဟို) နှင့် YDF စစ်ဒေသရုံး (ခွဲထွက်)	၁ ဦး	YDF ဗဟိုနှင့် ခွဲထွက်အဖွဲ့တို့အကြား အပြန်အလှန် ပစ်ခတ်မှုဖြစ်သည်။
၆	၂၀၂၆ မိုးဗြဲတော်လှန်ရေးအင်အားစုအချင်းချင်း ပစ်ခတ်မှု	၂၀၂၆	ဧပြီ ၂၄	မိုးဗြဲမြို့အနောက်ခြမ်း	မိုးဗြဲ Local PDF နှင့် အမှတ် (၁) အယ်လ်ဖာစစ်ဒေသ (မိုးဗြဲနယ်)	၉ ဦး	အသေအပျောက် အများဆုံးဖြစ်စဉ်တစ်ခု ဖြစ်သည်။
၇	မြင်းခြံခရိုင် တော်လှန်ရေးအင်အားစုများအကြား ပဋိပက္ခ	၂၀၂၆	မေ - ဇွန်	မြင်းခြံခရိုင်	NUG နှင့် PLA	၄ ဦး	အင်အားကြီးအဖွဲ့များ၏ ပွတ်တိုက်မှုဖြစ်သည်
၈	ယင်းမာပင်ခရိုင် တပ်ရင်းမှူး ပုလဲမောင် (ခ) ပီတာ လုပ်ကြံသတ်ဖြတ်ခံရမှု	၂၀၂၆	ဇွန် ၂၆	ယင်းမာပင်ခရိုင်	ယင်းမာပင် တပ်ရင်း (၆) နှင့် PA ရဲဘော်ငဖြိုး	၁ ဦး	တပ်ရင်းမှူးအား လုပ်ကြံသတ်ဖြတ်ခံရသည်။
၉	မုံရွာ တော်လှန်ရေးအင်အားစုများအကြား ပဋိပက္ခ	၂၀၂၆	ဇွန် ၂၉	မုံရွာမြို့နယ်	ပလဖ နှင့် NUG	၆ ဦး သေဆုံး	မုံရွာမြို့နယ်ပြည်သူ့လုံခြုံရေးအဖွဲ့(ပလဖ)စခန်း အပါအဝင် တိုက်နယ် ၄ ပလဖစခန်းအပါအဝင် နေရာ ၃ နေရာအား NUG ၏ မုံရွာခရိုင်တပ်ရင်း ၅ ရင်းပေါင်းပြီး စီးနင်းခဲ့ခြင်းဖြစ်သည်။

တော်လှန်ရေးအဖွဲ့များကြား ဖမ်းဆီးခံရမှု မှတ်တမ်းများ

စဉ်	ဖြစ်စဉ်အမည်	ခုနှစ်	လ/ရက်	တည်နေရာ	ဖမ်းဆီးသည့်အဖွဲ့	ဖမ်းဆီးခံရသူများ
၁	စစ်ကိုင်းပြည်သူ့ကာကွယ်ရေးတပ်မတော် ခေါင်းဆောင်နှင့် အဖွဲ့ဝင်များ ဖမ်းဆီးခံရမှု	၂၀၂၆	ဇွန် ၁၅	အင်းတော်	NUG နှင့် စစ်ကိုင်းPDF	စစ်ကိုင်း PDF ခေါင်းဆောင်နှင့် အဖွဲ့ဝင်များ
၂	၂၀၂၆ ကျောင်းသားတော်လှန်ရေးတပ်တော် အဖွဲ့ဝင်များ ဖမ်းဆီးခံရမှု	၂၀၂၆	မေ ၂၆	မင်းကင်း	NUG နှင့် ကျောင်းသားတော်လှန်ရေးတပ်	ကျောင်းသားတော်လှန်ရေးတပ်တော် (SRF) အဖွဲ့ဝင်များ
၃	၂၀၂၆ အမျိုးသားလွတ်မြောက်ရေးတပ်တော် အဖွဲ့ဝင်များ ဖမ်းဆီးခံရမှု	၂၀၂၆	မတ် ၆	တမူး	NUG နှင့် အမျိုးသားလွတ်မြောက်ရေးတပ်	အမျိုးသားလွတ်မြောက်ရေးတပ်တော် (NLA) အဖွဲ့ဝင်များ