တိုခုရှိမခရိုင်

တိုခုရှိမခရိုင်
တိုခုရှိမခရိုင်; 徳島県
	Prefecture
Japanese စာသားဖြင့် ဖော်ပြခြင်း
• Japanese	徳島県
• Rōmaji	Tokushima-ken
	Naruto whirlpools and Naruto suspension bridge Awa Odori Dual-mode vehicle in Asatō Line Kazura waddle bridge in Iya Valley Naruto Museum of Art Oboke gorge and pleasure boat On the top of Mount Tsurugi Hoodoo in Dochū-Kōtsu Prefectural Natural Park
; အလံတော်	; Symbol
	အထိမ်းအမှတ်သီချင်း: Tokushima kenmin no uta
Country	Japan
Region	Shikoku
Island	Shikoku
Capital	Tokushima
Subdivisions	Districts: 8, Municipalities: 24
အစိုးရ
• Governor	Masazumi Gotoda
ဧရိယာ
• စုစုပေါင်း	၄၁၄၆.၈၀ စတုရန်းကီလိုမီတာ (၁၆၀၁.၀၉ စတုရန်းမိုင်)
ဧရိယာအဆင့်	36th
လူဦးရေ (February 1, 2025)
• စုစုပေါင်း	၆၈၂၄၃၉
• အဆင့်	44th
• သိပ်သည်းမှု	၁၆၅/km၂ (၄၃၀/sq mi)
GDP
• Total	JP¥ 3,266 billion; US$ 24.1 billion (2022)
ISO 3166 ကုဒ်	JP-36
ဝဘ်ဆိုက်	pref.tokushima.jp/english/

တိုခုရှိမခရိုင် (徳島県, တိုခုရှိမခန်း) သည် ဂျပန်နိုင်ငံ၊ ရှိခိုခုကျွန်းတွင်ရှိသည့် ခရိုင်တစ်ခု ဖြစ်သည်။ ၂၀၂၅ ခုနှစ်၊ ဖေဖော်ဝါရီလ ၁ ရက်နေ့တွင် လူဦးရေ ၆၈၂,၄၃၉ ဦး ရှိသည်။ ဧရိယာ ၄,၁၄၆ စတုရန်းကီလိုမီတာ (၁၆၀၁ စတုရန်းမိုင်) ကျယ်ဝန်းသည်။ မြောက်ဘက်တွင် ခဂဝခရိုင်၊ အနောက်ဘက်တွင် အဲဟိမဲခရိုင်၊ အနောက်တောင်ဘက်တွင် ခိုးချိခရိုင်တို့နှင့် နယ်နိမိတ်ချင်း ထိစပ်နေသည်။

တိုခုရှိမမြို့သည် ခရိုင်မြို့တော်နှင့် အကြီးဆုံးမြို့ ဖြစ်သည်။ အခြားအဓိကမြို့များမှာ အနန်းမြို့၊ နရုတိုမြို့၊ ယောရှိနိုဂဝမြို့တို့ ဖြစ်သည်။ တိုခုရှိမခရိုင်သည် ခိအိရေလက်ကြားတွင် တည်ရှိသည်။ ခိအိရေလက်ကြားသည် ဆဲတိုကုန်းတွင်းပင်လယ်နှင့် ပစိဖိတ်သမုဒ္ဒရာကို ဆက်သွယ်ပေးသည့် ရေလက်ကြားတစ်ခု ဖြစ်သည်။ တိုခုရှိမခရိုင်သည် နရုတိုရေလက်ကြားကို ဖြတ်သန်းဖောက်လုပ်ထားသည့် အိုးနရုတိုတံတားဖြင့် အဝဂျိကျွန်းနှင့် ဆက်သွယ်ထားသည်။ ထိုတံတားသည် ခိုးဘဲ - အဝဂျိ - နရုတိုအဝေးပြေးလမ်းမ၏ အစိတ်အပိုင်းတစ်ခု ဖြစ်သည်။ တိုခုရှိမခရိုင်နှင့် ခိုးဘဲမြို့ကို ချိတ်ဆက်ပေးထားသည့်တံတား ဖြစ်သည်။

ပထဝီသွင်ပြင်

ခရိုင်၏ မြောက်ဘက်ပိုင်းနယ်နိမိတ်တလျောက်တွင် ဆနုခိတောင်တန်း တည်ရှိသည်။

၂၀၁၂ ခုနှစ်၊ ဧပြီလ ၁ ရက်နေ့အရ ခရိုင်ကုန်းမြေဧရိယာ၏ ၉ ရာခိုင်နှုန်းသည် အမျိုးသားဥယျာဉ်များ ဖြစ်ကြသည်။ ၎င်းတို့မှာ ဆဲတိုနိုင်းခိုင်းအမျိုးသားဥယျာဉ်၊ မုရိုတို - အနန်းခိုင်းဂန်းနှင့် ဆွတ်ရုဂိဆန်အမျိုးသားဥယျာဉ်၊ ချူးဘုဆန်းခဲ၊ ဒိုချူး - ခိုးဆွတ်၊ ဟရှိခုရ၊ ဟိဂရှိဆန်းခဲ၊ အိုခုမိယဂဝ - အုချိဒနိ၊ အိုးအဆယမခရိုင်အမျိုးသားဥယျာဉ်များတို့ ဖြစ်သည်။^[၂]

မြို့များ

တိုခုရှိမခရိုင်တွင် မြို့ ၈ ခု တည်ရှိသည်။

အမည်		ဧရိယာ (km²)	လူဦးရေ	မြေပုံ
ရိုမဂျိ	ခန်းဂျိ	ဧရိယာ (km²)	လူဦးရေ	မြေပုံ
Anan	阿南市	279.25	70,405
Awa	阿波市	191.11	35,294
Komatsushima	小松島市	45.37	36,817
Mima	美馬市	367.14	28,689
Miyoshi	三好市	721.42	24,368
Naruto	鳴門市	135.66	56,222
Tokushima (capital)	徳島市	191	258,554
Yoshinogawa	吉野川市	144.14	39,405

မြို့ငယ်နှင့် ရွာများ

တိုခုရှိမခရိုင်အတွင်းရှိ ဒေသများတွင် အောက်ပါမြို့ငယ်များနှင့် ရွာများလည်း တည်ရှိသည်။

အမည်		ဧရိယာ (km²)	လူဦးရေ	ဒေသ	အမျိုးအစား	မြေပုံ
ရိုမဂျိ	ခန်းဂျိ	ဧရိယာ (km²)	လူဦးရေ	ဒေသ	အမျိုးအစား	မြေပုံ
Aizumi	藍住町	16.27	35,054	Itano District	Town
Higashimiyoshi	東みよし町	122.48	14,025	Miyoshi District	Town
Ishii	石井町	28.85	25,062	Myōzai District	Town
Itano	板野町	36.22	13,183	Itano District	Town
Kaiyō	海陽町	327.65	8,578	Kaifu District	Town
Kamiita	上板町	34.58	11,562	Itano District	Town
Kamikatsu	上勝町	109.63	1,344	Katsuura District	Town
Kamiyama	神山町	173.3	4,724	Myōzai District	Town
Katsuura	勝浦町	69.83	5,131	Katsuura District	Town
Kitajima	北島町	8.74	22,645	Itano District	Town
Matsushige	松茂町	14.24	14,819	Itano District	Town
Minami	美波町	140.8	6,433	Kaifu District	Town
Mugi	牟岐町	56.62	3,852	Kaifu District	Town
Naka	那賀町	694.98	7,549	Naka District	Town
Sanagōchi	佐那河内村	42.28	2,106	Myōdō District	Village
Tsurugi	つるぎ町	194.84	7,877	Mima District	Town

ဒေသပေါင်းစပ်မှုများ

စီးပွားရေးနှင့် လုပ်ငန်းများ

တိုခုရှိမခရိုင်သည် စိုက်ပျိုးရေး၊ သစ်လုပ်ငန်းနှင့် ငါးဖမ်းလုပ်ငန်းတို့အပေါ်တွင် မှီခိုလျက်ရှိသည်။ စိုက်ပျိုးရေးနှင့် ထုတ်လုပ်ရေးလုပ်ငန်းလုပ်သားအရေအတွက်ရာခိုင်နှုန်းသည် ခိုးချိခရိုင်ပြီးပါက ရှိခိုခုကျွန်းတွင် ဒုတိယအများဆုံး ဖြစ်သည်။ ယောရှိနိုမြစ်၏ အောက်ဘက်ပိုင်းဒေသတွင် စပါးစိုက်ခင်းများ ရှိသည်။ ထိုမြစ်၏ ကမ်းခြေတလျောက်တွင် သေးငယ်၍ ကျဉ်းမြောင်းသည့် လွင်ပြင်များစွာ ရှိသည်။ ကျန်ရှိနေသည့် မြေအများစုကို ဟင်းသီးဟင်းရွက်နှင့် ပန်းစိုက်ပျိုးရန် အသုံးပြုကြသည်။ တိုခုရှိမခရိုင်သည် ဂျပန်နိုင်ငံတွင် အကြီးမားဆုံး ပန်းဂေါ်ဖီနှင့် ကြာစွယ် ထုတ်လုပ်သည့် ခရိုင်ဖြစ်သည်။ ထို့အပြင် လေးခုမြောက် မုန်လာဥနီ ထုတ်လုပ်သည့်ခရိုင် ဖြစ်သည်။ ဂျပန် indigo ပန်းကို ဤခရိုင်တွင်သာ စိုက်ပျိုးကြသည်။

အခရှိရေလက်ကြားတံတား ပြီးစီးခဲ့မှုနှင့်အတူ တိုခုရှိမခရိုင်မြောက်ပိုင်းသည်လည်း အရှိန်အဟုန်ဖြင့် တိုးတက်လာခဲ့သည်။ ဤတံတားသည် တိုခုရှိမခရိုင်နှင့် ခိုးဘဲမြို့တို့ကို ချိတ်ဆက်ပေးထားသည်။ တိုခုရှိမမြို့နှင့် နရုတိုဒေသများ၏ ပတ်ဝန်းကျင်တွင် စက်မှုလုပ်ငန်းများ တိုးတက်ဖြစ်ပေါ်လာခဲ့သည်။ အထူးသဖြင့် အဇုမိမြို့၊ အိတနိုဒေသနှင့် ခိတဂျိမမြို့တို့သည် လျင်မြန်စွာတိုးတက်ခဲ့ကြသည်။

၂၀၂၃ ခုနှစ်၊ ဧပြီလတွင် ဂျပန်နိုင်ငံတွင် ပထမဆုံးဖြစ်သည့် နည်းပညာစွန့်ဦးတီထွင်ကျောင်းကို ခမိယမဒေသ၏ တိုခုရှိမမြို့တွင် စတင်ဖွင့်လှစ်ခဲ့သည်။ အသက် ၁၅ နှစ်မှ ၂၀ နှစ်ရှိ ကျောင်းသားများသည် အင်ဂျင်နီယာ၊ ပရိုဂရမ်းမင်းနှင့် ဒီဇိုင်း၊ စီးပွားရေးကျွမ်းကျင်မှု၊ ဈေးကွက်ဆိုင်ရာပညာရပ်များကို လေ့လာကြရသည်။ ဤကျောင်းတွင် ကျောင်းသားများသည် စီးပွားရေးစီမံကိန်းများအကြောင်းသင်ကြားကြရသည်။^[၃]

စိုက်ပျိုးရေး

တိုခုရှိမခရိုင်တွင် အမျိုးမျိုသော ဟင်းသီးဟင်းရွက်များကို စိုက်ပျိုးနိုင်သည့် မြေအရင်းအမြစ် များစွာ ရှိသည်။ ယောရှိနိုမြစ်မြောက်ဘက်ပိုင်းရှိ လွင်ပြင်သည် မြေဩဇာကြွယ်ဝသည်။ ထိုနေရာတွင် စိုက်ပျိုးသည့် ဟင်းသီးဟင်းရွက်များကို ဂျပန်နိုင်ငံ၏ ပင်မကုန်းမြေဖြစ်သည့် ခိုးဘဲ၊ အိုဆာကာနှင့် ကျိုတိုမြို့များသို့ ပို့ဆောင်ရောင်းချသည်။ တိုခုရှိမခရိုင်မှ ထွက်ကုန်များသည် ခန်းဆိုင်းဒေသဈေးကွက်တွင် အမြဲတမ်း ထိပ်တမ်းဈေးကွက်ဝေစုကို ရယူထားသည်။ အထူးသဖြင့် ထင်ရှားသည့် ထွက်ကုန်သည် နရုတိုကန်စွန်းဥ၊ ဆုဒချိ (Sudachi)၊ ကြာမြစ်နှင့် စတော်ဘယ်ရီသီးများ ဖြစ်သည်။