တရုတ် စွမ်းအင် ရင်းနှီးမြှုပ်နှံမှု ကော်ပိုရေးရှင်း

တရုတ် စွမ်းအင် ရင်းနှီးမြှုပ်နှံမှု ကော်ပိုရေးရှင်း (အင်္ဂလိပ်: China Power Investment Corporation) သို့မဟုတ် CPI Group သည် တရုတ်ပြည်မကြီးရှိ အကြီးဆုံး နိုင်ငံပိုင် လျှပ်စစ်ဓာတ်အားထုတ်လုပ်ကော်ပိုရေးရှင်း ငါးခုအနက် တစ်ခုဖြစ်သည်။ ၎င်းကို နိုင်ငံတော်ကောင်စီ လက်အောက်ရှိ နိုင်ငံပိုင်ပစ္စည်းကြီးကြပ်ရေးနှင့် စီမံခန့်ခွဲရေးကော်မရှင် (SASAC) က အုပ်ချုပ်ခဲ့သည်။ ၎င်းသည် တရုတ်ပြည်နယ် ၂၇ ခုတွင် ဓာတ်အားပေးစက်ရုံများနှင့် ဓာတ်အားထုတ်လုပ်ခြင်းဆိုင်ရာ ဖွံ့ဖြိုးတိုးတက်ရေး၊ ရင်းနှီးမြှုပ်နှံမှု၊ တည်ဆောက်ရေး၊ လုပ်ငန်းလည်ပတ်ရေးနှင့် စီမံခန့်ခွဲရေးတို့ကို လုပ်ကိုင်ခဲ့သည်။ နိုင်ငံ၏ လျှပ်စစ်ဓာတ်အား ၁၀ ရာခိုင်နှုန်းခန့်ကို ထောက်ပံ့ပေးခဲ့သည်။

၂၀၁၅ ခုနှစ်တွင် ၎င်းသည် နိုင်ငံတော် နျူကလီးယားစွမ်းအင်နည်းပညာ ကော်ပိုရေးရှင်း (State Nuclear Power Technology Corporation) နှင့် ပူးပေါင်းကာ နိုင်ငံတော် စွမ်းအင် ရင်းနှီးမြှုပ်နှံမှု ကော်ပိုရေးရှင်း (State Power Investment Corporation) အဖြစ် ဖွဲ့စည်းခဲ့သည်။

စီပီအိုင်၏ကုမ္ပဏီခွဲတစ်ခုဖြစ်သော စီပီအိုင်ယူနန်ကုမ္ပဏီသည်မြန်မာနိုင်ငံဧရာဝတီမြစ်ဝှမ်းစီမံကိန်းများဟုခေါ်တွင်သော မေခနှင့်မလိခမြစ်များပေါ်တွင်ဆည်နှင့်ရေအားလျှပ်စစ်စက်ရုံစီမံကိန်းများတွင်ရင်းနှီးမြုပ်နှံထားသည်။