တစ်တောစောင့်သည် ခြေတိုင်ကုပ်ကား၊ တစ်အိုင်စောင့်သည် ငါးရံ့တင်ပြောက်
တစ်တောစောင့်သည် ခြေတိုင်ကုပ်ကား၊ တစ်အိုင်စောင့်သည် ငါ့ရံ့တင်ပြောက် ဟူသည်မှာ မြန်မာစကားပုံတစ်ခု ဖြစ်သည်။
ရှင်းလင်းချက်[ပြင်ဆင်ရန်]
ကေသရာဇာခြင်္သေ့မင်း တာဝန်ပေးသဖြင့် တောကို စောင့်သော ခြေတိုင်ကုပ်ကားကိုလည်းကောင်း၊ အိုင်ကို စောင့်သော ငါးရံ့တင်ပြောက်ကိုလည်းကောင်း အခြားသတ္တဝါများက လေးစားရသကဲ့သို့ အကြီးအကဲက သင့်လျော်သောသဖြင့် တာဝန်ပေးသည်ကို ကျန်လူအများက လေးစားရသည်။ [၁]
ရှေးအခါက ကေသရာဇာခြင်္သေ့မင်းသည် ခြေတိုင်ကုပ်ကားအား တောတစ်တောကို စောင့်ရန်၊ ငါးရံ့တင်ပြောက်အား အိုင်တစ်အိုင်ကို စောင့်ရန် အသီးသီးတာဝန်ပေးလေသည်။ ထိုအခါ ထိုတောထိုအိုင်ရှိ အခြားသတ္တဝါများက မကျေမနပ်ဖြစ်ကြသဖြင့် ခြေတိုင်ကုပ်ကားနှင့် ငါးရံ့တင်ပြောက်တို့အား မခန့်မညားရှိကြသည်။ ကေသရာဇာခခြင်္သေ့မင်းသည် ထိုအကြောင်းကို သိသောအခါ အခြားသတ္တဝါများကို စည်းဝေး၍ တာဝန်ရှိသူအား လေးစားရန် ဆုံးမစကားပြောဆိုလျက် ခြေတိုင်ကုပ်ကားနှင့် ငါ့ရံ့တင်ပြောက်အား ပေးမြဲတာဝန်ပေးလေသည်။ လောကပညတ္တိ။ ၅။
ဝေါဟာရအနက်[ပြင်ဆင်ရန်]
- ခြေတိုင်ကုပ်ကား = ခြေခွင်သော သတ္တဝါတစ်မျိုး ဖြစ်သည်။
- ငါးရံ့တင်ပြောက် = ငါးရံ့နှင့် ဆင်တူပြီး အသားနည်းသော ငါး ဖြစ်သည်။ [၁]