တင်အောင်စိုး (ပန်းမြို့တော်)

တင်အောင်စိုး(ပန်းမြို့တော်)
မွေးဖွား	(၁၉၇၀-0၉-၂၆) စက်တင်ဘာ ၂၆၊ ၁၉၇၀ ပြင်ဦးလွင်မြို့၊ မန္တလေးတိုင်း
အလုပ်အကိုင်	စာရေးဆရာ၊ ဒါရိုက်တာ
အိမ်ထောင်ဖက်(များ)	ဒေါ်ယဉ်ယဉ်နွဲ့
သားသမီး	၃ ဦး

တင်အောင်စိုး(ပန်းမြို့တော်) သည် မြန်မာ အမျိုးသား စာရေးဆရာနှင့် ဒါရိုက်တာတစ်ဦး ဖြစ်သည်။ ၁၉၇၀ ခုနှစ် စက်တင်ဘာလ ၂၆ ရက်တွင် ပြင်ဦးလွင်မြို့၌မွေးဖွားသည်။ ၂၀၀၂ခုနှစ်တွင် စာပေလောကသို့ စတင်ဝင်ရောက်လာခဲ့ပြီး မြဝတီမဂ္ဂဇင်းတွင် အယ်ဒီတာအဖြစ် ၆ နှစ်မျှထမ်းဆောင်ခဲ့သည်။ ၂၀၀၇ ခုနှစ်တွင် ရုပ်ရှင်နယ်သို့ ဝင်ရောက်လာခဲ့ပြီး ဇာတ်လမ်း ဇာတ်ညွှန်းများစတင်ရေးသားခဲ့သည်။

လုံးချင်းဝတ္ထု ၂ အုပ်နှင့်အတူ ဝတ္ထုတို ဝတ္ထုရှည် နှင့် အနုပညာဆိုင်ရာဆောင်းပါးပေါင်း ၂၀၀ ခန့်ရေးသားခဲ့သည်။ ထင်ရှားသောလုံးချင်းဝတ္ထုများမှာ ကျွန်းတစ်ထောင်နှလုံးသား (၂၀၀၅)၊ နေမင်းသံလွင် လမင်းသံလွင် (၂၀၀၆) တို့ ဖြစ်သည်။

ဒါရိုက်တာအဖြစ် ရိုက်ကူးခဲ့ပြီး ထင်ရှားသော ရုပ်ရှင်ဇာတ်ကားများမှာ အလင်းရောင် (၂၀၁၀)၊ အညတရမိုးကောင်းကင် (၂၀၁၆)၊ ပြည်ထောင်စုသစ္စာ (၂၀၁၇)၊ စစ်ကိုမုန်း၍တိုက်ခဲ့သည် (၂၀၁၈)၊ နာရီတစ်ရာ့တစ်ဆယ် (၂၀၁၉)၊ တစစ်တမက် ကိုယ်နှင့်သက်ကို (Legends Of Warriors) (၂၀၂၀) တို့ ဖြစ်သည်။ ၂၀၂၁ ခုနှစ်အတွင်းရိုက်ကူးခဲ့သောကြယ်နှင့်အတူ ဇာတ်လမ်းတွဲ ၊ ၂၀၂၂ ခုနှစ်တွင် အနောက်မြောက်ယွန်းယွန်းမှသည်တိမ်ယံဆီသို ဇာတ်ကားများ ဆက်တိုက်ရိုက်ကူးခဲ့သည် ။ ကြယ်နှင့်အတူ ဇာတ်လမ်းတွဲမှာ အထူးအောင်မြင်ခဲ့ပြီး လူမှုထူးချွန်တံဆိပ်( တတိယအဆင့်) အား ချီးမြှင့်ခံခဲ့ရသည် ။

လက်ရှိအချိန်တွင် မြဝတီရုပ်မြင်သံကြားတွင်ဌာနမှူးအဖြစ်ထမ်းဆောင်လျက်ရှိသည်။ ဇနီး ဒေါ်ယဉ်ယဉ်နွဲ့ နှင့်အတူ သားသမီး ၃ ဦးထွန်းကားခဲ့သည်။