ဇော်မင်းထွန်း

ဇော်မင်းထွန်း အမည်ရှိ အခြားပုဂ္ဂိုလ်များအတွက် ဇော်မင်းထွန်း (သံတူကြောင်းကွဲ) ကို ကြည့်ပါ။

ပြည်ထောင်စုစည်သူသင်္ဂဟ စည်သူ ဗိုလ်ချုပ် ဇော်မင်းထွန်း
၂၀၁၉ ခုနှစ် ဇန်နဝါရီလတွင် တပ်မတော်သတင်းမှန်ပြန်ကြားရေးအဖွဲ့ သတင်းစာရှင်းလင်းပွဲတွင် တွေ့ရှိရသော ဗိုလ်မှူးချုပ် ဇော်မင်းထွန်း
မြန်မာနိုင်ငံပြန်ကြားရေးဌာန ဒုတိယဝန်ကြီး
တာဝန်ထမ်းဆောင်ဆဲ
တာဝန် စတင် ၇ ဖေဖော်ဝါရီ ၂၀၂၁
သမ္မတ	ဗိုလ်ချုပ်မှူးကြီး မင်းအောင်လှိုင် (တာဝန်ထမ်း) ဦးမြင့်ဆွေ
ဝန်ကြီးချုပ်	‌ဗိုလ်ချုပ်ကြီး ညိုစော ဗိုလ်ချုပ်မှုးကြီး မင်းအောင်လှိုင်
လက်ထောက်	ဒုတိယဗိုလ်ချုပ်မှူးကြီး စိုးဝင်း
ယခင်လူ	အောင်လှထွန်း
နိုင်ငံတော်စီမံအုပ်ချုပ်ရေးကောင်စီ သတင်းအဖွဲ့ခေါင်းဆောင်
တာဝန်သက်တမ်း ၅ ဖေဖော်ဝါရီ ၂၀၂၁ – ၃၁ ဇူလိုင် ၂၀၂၅
ခေါင်းဆောင်	ဗိုဘ်ချုပ်မှူးကြီး မင်းအောင်လှိုင်
ယခင်လူ	ရာထူးတည်ထောင်ခြင်း
တပ်မတော်သတင်းမှန်ပြန်ကြားရေးအဖွဲ့ ဥက္ကဋ္ဌ
တာဝန်သက်တမ်း ၅ ဖေဖော်ဝါရီ ၂၀၂၁ – ၂၀၂၁
ယခင်လူ	ဗိုလ်ချုပ် စိုးနိုင်ဦး
ဆက်ခံသူ	ရာထူးဖျက်သိမ်းခြင်း
မြန်မာတပ်မတော် ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူး
တာဝန်ထမ်းဆောင်ဆဲ
တာဝန် စတင် ၂၀၂၁ ဖေဖော်ဝါရီ
ယခင်လူ	ရာထူးတည်ထောင်ခြင်း
အမျိုးသားကာကွယ်ရေးနှင့်လုံခြုံရေးကောင်စီ သတင်းအဖွဲ့ခေါင်းဆောင်
တာဝန်ထမ်းဆောင်ဆဲ
တာဝန် စတင် ၃ စက်တင်ဘာ ၂၀၂၅
ဝန်ကြီးချုပ်	ဗိုလ်ချုပ်ကြီး ညိုစော
ခေါင်းဆောင်	ဗိုလ်ချုပ်မှုးကြီး မင်းအောင်လှိုင်
ယခင်လူ	ရာထူးတည်ထောင်ခြင်း
ကိုယ်ရေး အချက်အလက်များ
မွေးဖွား	မကွေးတိုင်းဒေသကြီး၊ ရေနံချောင်း၊ မြန်မာနိုင်ငံ
နိုင်ငံသား	မြန်မာ
လူမျိုး	မြန်မာ
ကြင်ဖော်	သင်းသင်းအောင်
သားသမီး	သားထက်ထွန်း
မိခင်ကျောင်း	စစ်တက္ကသိုလ် (၃၇ လက်ဝဲ)
အလုပ်အကိုင်	တပ်မတော်ဗိုလ်ချုပ်၊ အဆင့်မြင့်ပြောရေးဆိုခွင့်ရှိသူ၊ အစိုးရဝန်ကြီး
ဆုတံဆိပ်များ	ပြည်ထောင်စုစည်သူသင်္ဂဟ စည်သူ
ဝက်ဘ်ဆိုဒ်	မြန်မာနိုင်ငံ ပြန်ကြားရေးဝန်ကြီးဌာန
စစ်မှုထမ်းခြင်း
သစ္စာခံနိုင်ငံ	တပ်မတော်
တပ်/တပ်ဖွဲ့ခွဲ	တပ်မတော် (ကြည်း)
အမှုထမ်းကာလ	၁၉၉၀–ယနေ့အထိ
ရာထူး	ဗိုလ်ချုပ်
တိုက်ပွဲ/စစ်ပွဲများ	မြန်မာ့ပြည်တွင်းစစ် (၂၀၂၁-လက်ရှိ) ၂၀၂၁ မြန်မာစစ်အာဏာသိမ်းမှု ၁၀၂၇ စစ်ဆင်ရေး ဆိန်တောင် စစ်ပွဲ လားရှို စစ်ပွဲ ရိုဟင်ဂျာ ပဋိပက္ခ

ဗိုလ်ချုပ် ဇော်မင်းထွန်း သည် မြန်မာ့တပ်မတော်၏ ဗိုလ်ချုပ်နှင့် အဆင့်မြင့်ပြောရေးဆိုခွင့်ရှိသူဖြစ်ပြီး ၂၀၂၁ ခုနှစ် ဖေဖော်ဝါရီလ ၇ ရက်မှစ၍ ပြန်ကြားရေးဝန်ကြီးဌာန ဒုတိယဝန်ကြီးအဖြစ် တာဝန်ထမ်းဆောင်လျက်ရှိသည်။ ဇော်မင်းထွန်းသည် အမျိုးသားကာကွယ်ရေးနှင့် လုံခြုံရေးကောင်စီ (NDSC) ၏ သတင်းအဖွဲ့ခေါင်းဆောင်နှင့် မြန်မာ့တပ်မတော်၏ ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူးအဖြစ်လည်း တာဝန်ယူထားသည်။ ၂၀၂၁ စစ်တပ်အာဏာသိမ်းမှုနောက်ပိုင်းတွင် ဖွဲ့စည်းခဲ့သည့် နိုင်ငံတော်စီမံအုပ်ချုပ်ရေးကောင်စီ (SAC) ၏ သတင်းအဖွဲ့ခေါင်းဆောင်အဖြစ်လည်း ၂၀၂၅ ခုနှစ် ဇူလိုင်လ ၃၁ ရက်အထိ ထမ်းဆောင်ခဲ့သည်။

ငယ်စဉ်ဘဝနှင့် ပညာရေး

ဇော်မင်းထွန်းသည် မြန်မာနိုင်ငံ အလယ်ပိုင်း မကွေးတိုင်းဒေသကြီး၊ ရေနံချောင်းမြို့ တွင် မွေးဖွားခဲ့သည်။ ဇော်မင်းထွန်းသည် စစ်တက္ကသိုလ် (Defence Services Academy) အပတ်စဉ် ၃၇ မှ ဘွဲ့ရရှိခဲ့ပြီး ခေါင်းဆောင်မှု၊ မဟာဗျူဟာနှင့် ဆက်သွယ်ရေးဆိုင်ရာ လေ့ကျင့်မှုများကို ခံယူခဲ့သည်။ သတင်းရင်းမြစ်အရ၊ ထိုလေ့ကျင့်သင်ကြားမှုများသည် ၎င်း၏ စစ်ရေးနှင့် သတင်းဆက်သွယ်ရေးဆိုင်ရာ အခြေခံအဖြစ် သက်ရောက်ခဲ့သည်။ ထိုကဲ့သို့ ကျောင်းပြီးခဲ့သဖြင့် စစ်တပ်တွင် ရာထူးတက်မြန်ခဲ့သည်။ ဇော်မင်းထွန်းသည် ၂၀၂၁ စစ်တပ်မှ အာဏာသိမ်းမှု မဖြစ်ခင်က တရားဝင်ရွေးကောက်ခံ အစိုးရဖြစ်သည့် အမျိုးသားဒီမိုကရေစီအဖွဲ့ချုပ် (NLD) အစိုးရ၏ ပြောရေးဆိုခွင့်ရှိသူဟောင်း ဗိုလ်မှူး ဦးဇော်ဌေးနှင့် ထိတွေ့ဆက်ဆံမှုများ ရှိခဲ့သည်။ မကွေးမှ ဦးဇော်ဌေးနှင့် အညာသားဖြစ်ကြသော်လည်း ၎င်းတို့အမြင်ကွဲပြားသည်။

ဇော်မင်းထွန်း (လက်ယာစွန်း) မှ ၂၀၁၉ ခုနှစ် ဖေဖော်ဝါရီလ ၂၃ ရက်နေ့ တပ်မတော်သတင်းမှန်ပြန်ကြားရေးအဖွဲ့ အစည်းအဝေးတွင်တွေ့ရှီရသော

စစ်မှုထမ်းဘဝ

‌

၂၀၂၁ ခုနှစ် ဇန်နဝါရီလ ၂၆ ရက်နေ့တွင် တပ်မတော် သတင်းမှန်ပြန်ကြားရေးအဖွဲ့ သတင်းစာရှင်းလင်းပွဲတွင် ဇော်မင်းထွန်း မေးမြန်းခန်းတွင် မိန့်ခွန်းပြောနေ

ဇော်မင်းထွန်းသည် စစ်တက္ကသိုလ်မှ ဘွဲ့ရပြီးနောက် မြန်မာ့တပ်မတော် တွင် စစ်မှုထမ်းဘဝကို စတင်ခဲ့ပြီး သတင်းနှင့် ဆက်သွယ်ရေးကဏ္ဍများတွင် အဓိကတာဝန်များကို ထမ်းဆောင်လာခဲ့သည်။ ၂၀၁၈ ခုနှစ်မှစ၍ တပ်မတော် သတင်းမှန်ပြန်ကြားရေးအဖွဲ့ ကို ဦးဆောင်ခဲ့ပြီး ၂၀၁၉ ခုနှစ်နှင့် နောက်ပိုင်းကာလများတွင်လည်း ပြောရေးဆိုခွင့်ရှိသူအဖြစ် ဆက်လက် ထမ်းဆောင်ခဲ့သည်။

၂၀၂၁ ခုနှစ် ဖေဖော်ဝါရီလ ၁ ရက်နေ့ စစ်တပ်အာဏာသိမ်းမှု နောက်ပိုင်းတွင် ၎င်းအား ဖေဖော်ဝါရီလ ၅ ရက်နေ့တွင် နိုင်ငံတော်စီမံအုပ်ချုပ်ရေးကောင်စီ၏ သတင်းအဖွဲ့ခေါင်းဆောင် အဖြစ် ခန့်အပ်ခဲ့ပြီး ဖေဖော်ဝါရီလ ၇ ရက်နေ့တွင် ပြန်ကြားရေးဝန်ကြီးဌာန ဒုတိယဝန်ကြီးအဖြစ် ထပ်မံခန့်အပ်ခဲ့သည်။ ထိုကာလအတွင်း မြန်မာ့တပ်မတော်၏ ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူးအဖြစ်လည်း တာဝန်ယူခဲ့ပြီး နိုင်ငံတွင်းနှင့် နိုင်ငံတကာသို့ တရားဝင် သတင်းထုတ်ပြန်မှုများကို ကြီးကြပ်ခဲ့သည်။

၂၀၂၁ ခုနှစ် ဇန်နဝါရီလ ၂၆ ရက်နေ့တွင် တပ်မတော်သတင်းစာရှင်းလင်းပွဲတွင် ပြည်သူ့မီဒီယာရှေ့မှ ဇော်မင်းထွန်း မိန့်ခွန်းပြောနေစဉ်

၂၀၂၅ ခုနှစ် စက်တင်ဘာလ ၃ ရက်နေ့တွင် အမျိုးသားကာကွယ်ရေးနှင့် လုံခြုံရေးကောင်စီ (NDSC) ၏ သတင်းအဖွဲ့ခေါင်းဆောင်အဖြစ် ခန့်အပ်ခံရပြီး ကောင်စီ၏ တရားဝင်ကြေညာချက်များ၊ သတင်းစာရှင်းလင်းပွဲများနှင့် မီဒီယာဆက်သွယ်ရေးလုပ်ငန်းများကို စီမံခန့်ခွဲလျက်ရှိသည်။

ဇော်မင်းထွန်းသည် ၁၀၂၇ စစ်ဆင်ရေး (Operation 1027) အပါအဝင် မြောက်ရှမ်းပြည်နယ်အတွင်း ဖြစ်ပွားခဲ့သည့် စစ်ဆင်ရေးများနှင့် ပဋိပက္ခများအကြောင်း သတင်းစာရှင်းလင်းပွဲများတွင် မကြာခဏ ထွက်ပေါ်ပြောကြားခဲ့သည်။ ထို့အပြင် ရုရှားနှင့် ပူးပေါင်းဆောင်ရွက်မှုများ၊ BIMSTEC အစည်းအဝေးများနှင့် နိုင်ငံတကာ၏ ရွေးကောက်ပွဲနှင့် အုပ်ချုပ်ရေးဆိုင်ရာ စိုးရိမ်ပူပန်မှုများအပေါ် တပ်မတော်၏ အမြင်များကို ကိုယ်စားပြု ပြောကြားခဲ့သည်။ ထို့အပြင်၊ သူ၏ ညီအစ်မတို့သားသမီး၊ ဒုတိယဗိုလ်ချုပ် သက်ပိုင်ထွန်း၏ သေဆုံးမှုကိုလည်း သတင်းစာရှင်းလင်းပွဲများတွင် ဖော်ပြခဲ့သည်။ ဇော်မင်းထွန်းသည် အာရက္ခတပ်တော် (AA) မှ တောင်းခံထားသော ထောင်ချိတ်လဲမှု အစီအစဉ်များကို ငြင်းဆန်ခဲ့ပြီး၊ နိုင်ငံတကာမှ ဆန့်ကျင်မှုများ ရှိခဲ့သည့် အစိုးရလှုပ်ရှားမှုများကို ကာကွယ်ပြောကြားခဲ့သည်။

၂၀၂၄ ခုနှစ် တွင် ဝင်းနိမ္မိတာရုံဆရာတော် အား စစ်တပ်မှ ပစ်သတ်မှုတွင် ပြည်သူ့ကာကွယ်ရေးတပ်မတော် မှ မိုင်းဆွဲသည်ဟု သတင်းထုတ်ပြန်ခဲ့သော်ငြား ဆရာတော် နှင့် အတူလိုက်ပါခဲ့သည့်  ကန်သုံးဆင့်ကျောင်း ဆရာ‌တော် ဘဒ္ဒန္တဂုဏိကာဘိဝံသက စစ်ဗိုလ်စစ်သားများက လုပ်ဆောင်ခဲ့သည်ဟု မိန့်ကြားခဲ့သည်။ ၂၀၂၄ ခုနှစ် ဇွန် ၂၁ ရက် တွင် ဇော်မင်းထွန်းသည် စစ်ကောင်စီတပ်သားများမှ ပြစ်မှုကျူးလွန်ခဲ့ကြောင်း အင်တာဗျူးတွင် လက်အုပ်ချီကာ တောင်းပန်ခဲ့ရပြီး လက်သည်ကို အရေးယူမည်ဟုဆိုခဲ့သည်။

ဇော်မင်းထွန်းသည် နိုင်ငံတဝန်း အွန်လိုင်းလိမ်လည်မှုကွန်ယက်များ ဖျက်ဆီးရန် လုပ်ဆောင်ချက်များအပေါ် သတင်းစာရှင်းလင်းပွဲများကိုလည်း ဦးဆောင်ခဲ့သည်။ ၎င်းအတွင်း ကရင်ပြည်နယ်တွင် လုပ်ငန်းစဉ်များ၊ နိုင်ငံခြားသားသန်းချီများ ဖမ်းဆီးခြင်းနှင့် နိုင်ငံတကာအာဏာပိုင်များနှင့် ပူးပေါင်းဆောင်ရွက်မှုများအပေါ် အချက်အလက်များကို တင်ပြခဲ့သည်။

၂၀၂၅ ခုနှစ် ဒီဇင်ဘာလတွင် ဂျပန်နိုင်ငံ NHK သတင်းဌာနနှင့် တွေ့ဆုံမေးမြန်းရာတွင် ၂၀၂၅–၂၆ အထွေထွေရွေးကောက်ပွဲကို နိုင်ငံတကာအသိအမှတ်ပြုမှုရရန် မဟုတ်ဘဲ ပြည်သူများအတွက် ကျင်းပခြင်းဖြစ်ကြောင်း၊ ပါဝင်မှုမှာ ဆန္ဒအလျောက်ဖြစ်ကြောင်းကို ဇော်မင်းထွန်းမှပြောကြားခဲ့သည်။

၂၀၂၆ ခုနှစ် ဇန်နဝါရီ ၄ ရက်နေ့တွင် ဇော်မင်းထွန်းသည် မြန်မာနိုင်ငံ၏ အထက်တန်းပြည်သူ့ဂုဏ်ထူးဆောင်ဘွဲ့များဖြစ်သည့် ပြည်ထောင်စုစည်သူသင်္ဂဟဘွဲ့နှင့် စည်သူဘွဲ့ကို မြန်မာနိုင်ငံ လွတ်လပ်ရေးနေ့ပွဲအခမ်းအနားတွင် လက်ခံရရှိခဲ့သည်။

၂၀၁၉ ခုနှစ် ဇန်နဝါရီလ ၁၈ ရက်နေ့၊ တပ်မတော် သတင်းမှန်ပြန်ကြားရေးအဖွဲ့ သတင်းစာရှင်းလင်းပွဲတွင် (လက်ယာစွန်း) ဇော်မင်းထွန်းကို တွေ့ရသည်။

၂၀၂၁ ခုနှစ် ဇန်နဝါရီလ ၂၆ ရက်နေ့၊ တပ်မတော်သတင်းစာရှင်းလင်းပွဲတွင် ဇော်မင်းထွန်းသည် အများပြည်သူမီဒီယာထံ ပြောကြားနေစဉ်

၂၀၂၁ ခုနှစ် ဇန်နဝါရီလ ၂၆ ရက်နေ့၊ တပ်မတော်သတင်းစာရှင်းလင်းပွဲတွင် ဇော်မင်းထွန်း ပြောကြားနေစဉ်

ဂုဏ်ထူးဆောင်ဘွဲ့များ

၂၀၂၆ ခုနှစ် ဇန်နဝါရီလ ၄ ရက်နေ့တွင် ဇော်မင်းထွန်းသည် ပြည်ထောင်စုစည်သူသင်္ဂဟဘွဲ့နှင့် စည်သူဘွဲ့တို့ကို မြန်မာနိုင်ငံ၏ မြန်မာနိုင်ငံလွတ်လပ်ရေးနေ့အခမ်းအနားတွင် လက်ခံရရှိခဲ့သည်။

ကိုယ်ပိုင်ဘဝ

ဇော်မင်းထွန်းသည် သင်းသင်းအောင်နှင့် လက်ထပ်ထားပြီး သားတစ်ဦး (သားထက်ထွန်း) ရှိသည်။ မိသားစုသည် အများပြည်သူရှေ့တွင် အလွန်မထင်ရှားစေရန် ထိန်းသိမ်းထားသော်လည်း အချို့အခါ စစ်ရေးနှင့် အစိုးရအခမ်းအနားများတွင် အတူတကွ တွေ့မြင်ရတတ်သည်။