ဆေးဆိုးပန်းရိုက်ခြင်း

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်

ဆေးဆိုးပန်းရိုက်ခြင်း (အင်္ဂလိပ်: Silk-screen printing) ဆိုသည်မှာ ပိုးမျက်နှာပြင်ပုံနှိပ် နည်းပညာတစ်ခု ဖြစ်သည်။ ပိုးဇာဘောင် ပုံနှိပ်ခြင်းဟုလည်းခေါ်ပါသည်။ ပုံနှိပ်ခြင်းနည်းများထဲမှ ပိုးဇာခေါ် နိုင်လွန်စကာ စ ပိတ်ပါးစများ ၊(အင်္ဂလိပ်: Squeegee) ဘိပြားခေါ် စကေဘာ ပြားများ အသုံးပြုကာ ပလက်စတစ်၊သစ်သား၊ အင်္ကျီ၊ ဖန်ခွက် စသည့် လူအသုံးဆောင်ပစ္စည်းများပေါ်တွင် လိုချင်သည့် ဒီဇိုင်းအား ပုံနှိပ်ခြင်း ဖြစ်သည်။

နည်းလမ်း[ပြင်ဆင်ရန်]

ဆေးဆိုးပန်းရိုက်ခြင်း
A.ရိုက်ဆေး B.စကေဘာ ဘိပြား C.ဒီဇိုင်းပုံ D.ဘောင်ကူးဆေး E.ဆေးရိုက်ဘောင် F.ပုံနှိပ်ထားသော ဒီဇိုင်းပုံ

သစ်သား ဖြင့် ပြုလုပ်ထားသော လေးထောင့်ဘောင် အလွတ်ပေါ်တွင် အပေါက်ငယ်များ ပါဝင်သည့် နိုင်လွန်ပိတ်ပါးစဖြင့် တင်းအောင် ကျပ်ထားသော ဆေးရိုက်ဘောင်တစ်ခုကို အလိုရှိသော အတိုင်းအတာကို ပြုလုပ်ထားရပါသည်။ ၎င်းဘောင်ပေါ်တွင် အလိုရှိသော ရုပ်ပုံအား (ဘောင်ကူးခြင်း) ပုံဖော်ပြီး အပေါ်မှ ဆိုးဆေးကို ဘိပြား အသုံးပြု၍ ဖိချခြင်းဖြင့် ပုံနှိပ်လိုသည့် အရာပေါ်သို့ ပုံထင်စေခြင်းဖြစ်ပါသည်။ ဆေးရိုက်ဘာင်တွင် ပုံဖော်ခြင်း (ဘောင်ကူးခြင်း) ဆိုသည်မှာ ဆေးရိုက်ဘောင်ပေါ်၌ ပုံဖော်ဆေး (သို့) ဆိုးဆေး ယိုမဆင်းနိုင်သည့် အရာများကို သုံးပြီး ကာထားခြင်း၊ ဖွင့်ပေးခြင်းဖြစ်ပါသည်။ ဆေး မထင်စေသော နေရာများကို ကာထားခြင်း၊ ဆေးထင်စေခြင်သောနေရာများကို ဖွင့်ထားခြင်းအားဖြင့် ဆိုးဆေးများမှာ ပုံဖော် ဖွင့်ထားသည့်အတိုင်း ဘောင်မျက်နှာပြင် အပေါက်ပါ နိုင်လွန်စပေါ်မှ ဖြတ်သန်းပြီးပုံရိပ် ထင်လာခြင်းဖြစ်သည်။