စစ်ကိုင်းပြည်သူ့ကာကွယ်ရေးတပ်မတော်

စစ်ကိုင်းပြည်သူ့ကာကွယ်ရေးတပ်မတော် Sagaing PDF
စစ်ကိုင်းပြည်သူ့ကာကွယ်ရေးတပ်မတော်၏ အမှတ်တံဆိပ်
ခေါင်းဆောင်	စုပေါင်းဖွဲ့စည်းမှု
စတင်လှုပ်ရှားခြင်း	၁၈ ဇူလိုင် ၂၀၂၁ (၂၀၂၁-၀၇-၁၈) – လက်ရှိ
ဌာနချုပ်	စစ်ကိုင်းတိုင်းဒေသကြီး
လှုပ်ရှားနယ်မြေ	စစ်ကိုင်းတိုင်းဒေသကြီး
အရွယ်အစား	မထုတ်ပြန်
မဟာမိတ်	ကချင်လွတ်လပ်ရေးတပ်မတော် တအာင်း အမျိုးသား လွတ်မြောက်ရေး တပ်မတော် အမျိုးသားညီညွတ်ရေးအစိုးရ နွေဦးတော်လှန်ရေး မဟာမိတ် တပ်ပေါင်းစု
ပြိုင်ဘက်များ	မြန်မာနိုင်ငံ (နိုင်ငံတော်စီမံအုပ်ချုပ်ရေးကောင်စီ) နိုင်ငံတော်လုံခြုံရေးနှင့်အေးချမ်းသာယာရေးကော်မရှင် တပ်မတော်
စစ်ပွဲနှင့် တိုက်ပွဲများ	မြန်မာ့ပြည်တွင်းပဋိပက္ခများ နိုင်ငံအလယ်ပိုင်းစစ်ဆင်ရေးများ

စစ်ကိုင်းပြည်သူ့ကာကွယ်ရေးတပ်မတော် (အင်္ဂလိပ်: Sagaing People's Defence Force၊ အတိုကောက် Sagaing PDF ) သည် မြန်မာနိုင်ငံရှိတိုင်းရင်းသား လက်နက်ကိုင်အဖွဲ့အစည်းတစ်ခုဖြစ်သည်။၎င်းအဖွဲ့သည် အမျိုးသားညီညွတ်ရေးအစိုးရ (NUG)၊ကာကွယ်ရေးဝန်ကြီးဌာန၏ တိုက်ရိုက်ကွပ်ကဲမှုအောက်တွင် မပါဝင်ဘဲ သီးခြားအုပ်ချုပ်ရေးနှင့် သီးခြားစစ်ရေးဖွဲ့စည်းပုံဖြင့် လှုပ်ရှားနေသော လက်နက်ကိုင်အဖွဲ့တစ်ခုလည်း ဖြစ်သည်။

သမိုင်းအကျဉ်း

၂၀၂၁ ခုနှစ်၊ဖေဖော်ဝါရီ ၁ ရက် တွင် မြန်မာနိုင်ငံစစ်အာဏာသိမ်းမှုဖြစ်ပွားခဲ့သည်။လက်နက်ကိုင်လမ်းစဉ်ကို ရွေးချယ်ခဲ့ကြသည့် လူငယ်များသည် တိုင်းရင်းသားလက်နက်ကိုင်အဖွဲ့များထံ သွားရောက်၍ စစ်ပညာသင်ကြားခဲ့ကြသည်။

စစ်ပညာသွားရောက်သင်ကြားခဲ့ကြသည့် လူငယ်များဦးဆောင်ပြီး Sagaing PDF ကို ၂၀၂၁ ခုနှစ်၊ ဇူလိုင် ၁၈ ရက် တွင် စတင် စုဖွဲ့ခဲ့ကြသည်။စတင်စုဖွဲ့ချိန် Sagaing PDF ဖြစ်လာမည့် အမြုတေ ရဲဘော်များသည် ကချင်လွတ်လပ်ရေးတပ်မတော် KIA ၏ တပ်မဟာ ၈ သင်တန်း၌ တက်ရောက်ခဲ့ကြသူများဖြစ်ပြီး၊ဆက်လက်၍ စစ်ကိုင်းတိုင်းအတွင်းတွင် ဆင့်ပွားသင်တန်း၊ အခြေခံစစ်ပညာသင်တန်းဖြင့် တပ်ဖွဲ့ကို တိုးချဲ့ခဲ့ကြခြင်းဖြစ်သည်။

စစ်ကိုင်းပြည်သူ့ကာကွယ်ရေးတပ်မတော် သည် မြောက်ပိုင်းညီနောင်မဟာမိတ် သုံးဖွဲ့ထဲမှ တအောင်းအမျိုးသားလွတ်မြောက်ရေး တပ်မတော် TNLA နှင့် နီးကပ်သည့် ဆက်ဆံရေးအား ထားရှိကာ၊TNLA ဘက်မှလည်း ထောက်ပံ့ကူညီမှုများ ပြုလုပ်သည်။

ခေါင်းဆောင် ဖမ်းဆီးခံရခြင်း

အကျယ်တဝင့် ဖော်ပြထားသောဆောင်းပါး - စစ်ကိုင်းပြည်သူ့ကာကွယ်ရေးတပ်မတော် ခေါင်းဆောင်နှင့် အဖွဲ့ဝင်များ ဖမ်းဆီးခံရမှု

၂၀၂၆ ခုနှစ် ဇွန်လ ၁၅ ရက် ညပိုင်းတွင် စစ်ကိုင်းတိုင်း နှင့် ကချင်ပြည်နယ်အစပ်၊ အင်းတော်မြို့နယ်အတွင်း၌ စစ်ကိုင်း PDF ခေါင်းဆောင်အပါအဝင် ရဲဘော် ၄ ဦးသည် အမှတ် ၁ စစ်ဒေသမှူး ဒူပအောင်ဒွဲ ၏ အမိန့်စေခိုင်းချက် အရ ဖမ်းဆီးခြင်းကို ခံခဲ့ရသည်။