ချင်းညီနောင်

ချင်းညီနောင်
Seal of Chin Brotherhood
တည်ထောင်ခြင်း	၃၀ ဒီဇင်ဘာ ၂၀၂၃
စတင်လှုပ်ရှားခြင်း	၃၀ ဒီဇင်ဘာ ၂၀၂၃–လက်ရှိ
အုပ်စု(များ)	ချင်းအမျိုးသားကာကွယ်ရေးတပ်ဖွဲ့ ချင်းဒေသကာကွယ်ရေးတပ်မတော်-ကန်ပက်လက် ချင်းဒေသကာကွယ်ရေးတပ်မတော်-မတူပီ (တပ်မဟာ ၁) ချင်းဒေသကာကွယ်ရေးတပ်မတော်-မင်းတပ် မရာလန်း ကာကွယ်ရေးတပ်မတော် ဇိုလန်းကာကွယ်ရေးတပ်မတော်
လှုပ်ရှားနယ်မြေ	ချင်းပြည်နယ် မကွေးတိုင်းဒေသကြီး စစ်ကိုင်းတိုင်းဒေသကြီး မြန်မာ-အိန္ဒိယ နယ်စပ်
မဟာမိတ်	နိုင်ငံ မဟာမိတ်များ အမျိုးသားညီညွတ်ရေးအစိုးရ နိုင်ငံမဟုတ်သော မဟာမိတ်များ အာရက္ခတပ်တော် ဗမာပြည်သူ့လွတ်မြောက်ရေးတပ်တော် ပြည်သူ့ကာကွယ်ရေးတပ်မတော်
ပြိုင်ဘက်များ	နိုင်ငံ ပြိုင်ဘက်များ မြန်မာ (နိုင်ငံတော်စီမံအုပ်ချုပ်ရေးကောင်စီ) တပ်မတော် တပ်မတော် (ကြည်း) အနောက်မြောက်တိုင်းစစ်ဌာနချုပ် အနောက်ပိုင်းတိုင်းစစ်ဌာနချုပ် တပ်မတော်(လေ) မြန်မာနိုင်ငံရဲတပ်ဖွဲ့ နယ်ခြားစောင့်ရဲတပ်ဖွဲ့ နိုင်ငံမဟုတ်သော ပြိုင်ဘက်များ ချင်းပြည်ကောင်စီ ချင်းအမျိုးသားတပ်ဦး ချင်းအမျိုးသားတပ်မတော် ဇိုမီးတော်လှန်ရေးတပ်
စစ်ပွဲနှင့် တိုက်ပွဲများ	မြန်မာ့ပြည်တွင်းပဋိပက္ခများ မြန်မာ့ပြည်တွင်းစစ် (၂၀၂၁-လက်ရှိ) ၁၀၂၇ စစ်ဆင်ရေး ကျင်ဒွေးတိုက်ပွဲ

ချင်းညီနောင် (အင်္ဂလိပ်: Chin Brotherhood) သည် မြန်မာနိုင်ငံ၊ ချင်းပြည်နယ်ရှိ တိုင်းရင်းသားလက်နက်ကိုင်အဖွဲ့အစည်းများ၏ စစ်ရေးနှင့် နိုင်ငံရေးမဟာမိတ်အဖွဲ့ ဖြစ်သည်။ မြန်မာ့ပြည်တွင်းစစ်ကာလ ၂၀၂၃ ခုနှစ် ဒီဇင်ဘာလ ၃၀ ရက်နေ့တွင် ဖွဲ့စည်းခဲ့သည်။ ချင်းပြည်ကောင်စီနှင့် ချင်းပြည် ဖွဲ့စည်းပုံ ထူထောင်မှုသည် "ဒီမိုကရေစီစံနှုန်းများနှင့် မကိုက်ညီခြင်း၊ တန်းတူမရှိခြင်းနှင့် ချင်းတိုင်းရင်းသားအုပ်စုအားလုံး၏ ညီညွတ်မှုကို မထင်ဟပ်" ဟု ယုံကြည်ကြသော ချင်းဒေသခံ ပြည်သူ့ကာကွယ်ရေးတပ်မတော်များ ပူးပေါင်းကာ မဟာမိတ်အဖွဲ့ကို ဖွဲ့စည်းခဲ့ခြင်း ဖြစ်သည်။

၂၀၂၅ ခုနှစ်၊ မေ ၁၃ ရက်နေ့တွင် ချင်းကာကွယ်ရေးတပ်ဖွဲ့ ၆ ဖွဲ့ ပေါင်းစည်းထားသော ချင်းညီနောင်အဖွဲ့ကို ချင်းပြည်နှင့် ချင်းတမျိုးသားလုံးကို အကာအကွယ် ပေးနိုင်သည့် တပ်မတော်တစ်ရပ်အဖြစ် တိုးမြှင့်ဖွဲ့စည်းနိုင်ရေး စတင်လုပ်ဆောင်နေပြီဟု ချင်းညီနောင်အဖွဲ့က ကြေညာသည်။

အခြား ချင်းအဖွဲ့များနှင့် ပဋိပက္ခများ

၂၀၂၄ ခုနှစ် ဇန်နဝါရီလ ၃၁ ရက်နေ့တွင် CDF-မရာလန်း၊ CDF-ပလက်ဝ၊ CDF-ထန်တလန်၊ CDF–ဇိုဖေ၊ CDF-လောက်တူ၊ နှင့် CDF–ဆယ်ထန်တို့သည် ချင်းအမျိုးသားတပ်မတော်နှင့် အတူ ချင်းညီနောင်အဖွဲ့ဝင် မရာလန်းကာကွယ်ရေးတပ်မတော်အား ထိုးစစ်ဆင်ခဲ့ရာ ချင်းအမျိုးသားတပ်မတော်မှ တစ်ဦးကျဆုံးပြီး CDF-မရာလန်းအဖွဲ့ဝင်များ ဖမ်းဆီးခံခဲ့ရသည်။ တစ်လခန့်အကြာတွင် မရာလန်းကာကွယ်ရေးတပ်မတော်နှင့် ချင်းအမျိုးသားတပ်မတော်တို့ ပလက်ဝမြို့နယ်တွင် ထိတွေ့တိုက်ပွဲ ဖြစ်ပွားခဲ့သည်။

မေလအစောပိုင်းတွင် ချင်းညီနောင်အဖွဲ့က ကျင်ဒွေးမြို့အား သိမ်းပိုက်ပြီးနောက် ချင်းပြည်ကောင်စီနှင့် ချင်းအမျိုးသားတပ်ဦးတို့သည် နယ်မြေချဲ့ထွင်ရန် ကြိုးပမ်းသည့်အနေဖြင့် ကျင်ဒွေးမြို့အား ရယူရန် ကြိုးပမ်းခဲ့သည်ဟု မဟာမိတ်အဖွဲ့က စွပ်စွဲထားသည်။

အဖွဲ့ဝင်များ

တည်ထောင်အဖွဲ့ဝင်များ

• ချင်းအမျိုးသားအဖွဲ့ချုပ် (ချင်းအမျိုးသားကာကွယ်ရေးတပ်ဖွဲ့)
• ချင်းအမျိုးသားကောင်စီ (ချင်းဒေသကာကွယ်ရေးတပ်မတော်-မင်းတပ်)
• ဇိုမီးဖက်ဒရယ်ယူနီယံ (ဇိုလန်းကာကွယ်ရေးတပ်မတော်)

နောက်ပိုင်း အဖွဲ့ဝင်များ

• မရာနယ်မြေကော်မတီ (မရာလန်းကာကွယ်ရေးတပ်မတော်)
• ချင်းဒေသကာကွယ်ရေးတပ်မတော်-မတူပီ (တပ်မဟာ ၁)
• ချင်းဒေသကာကွယ်ရေးတပ်မတော်-ကန်ပက်လက်