ခက်ကောင်းတဲ့ ခက်လိမ့်မယ်

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်

ခက်ကောင်းတဲ့ ခက်လိမ့်မယ် ကဗျာကို မောင်းထောင်းဦးကျော်လှ ရေးသားခဲ့သည်။ သံချို ကဗျာအမျိုးအစားဖြစ်သည်။

အကြောင်းအရာ[ပြင်ဆင်ရန်]

ရာဟုဂြုဟ်က လ ကို ဖောက်ထွင်းကြောင်း (၉) ခုနှစ် အကျိုးအပြစ်ကို ဖွဲ့ဆိုထားသည်။

ခက်ကောင်းတဲ့ ခက်လိမ့်မယ်[ပြင်ဆင်ရန်]

များဗိုလ်ခြေ၊ သတ္တဝါအပေါင်းရယ်တို့၊ နှစ်ကောဇာသင်္ကြန်ပြောင်းလျှင်ဖြင့်၊ ခက်ကောင်းတဲ့ ခက်လိမ့်မယ်။

ရာဟုဂြိုဟ် စန်းကိုဖောက်ပါလို့၊ အနောက်မှာ ကြယ်တံခွန်နှင့်၊ ဇေတဝန်မြပုထိုး၊ တန်ခိုးရောင်ခြည်မြူးလိမ့်မတဲ့၊ ထူးတဲ့ခေတ်ဝယ်။

တန်ကူးကုန် ကဆုန်ဆန်းလျှင်လ၊ နှမ်းဥသျှစ် ပုံပမာသို့၊ သည်တော့ခါ ရှောင်မကွင်းနိုင်ဘု၊ ရှမ်း ကရင် တရုပ် ချင်းရယ်တို့၊ မန်းပြည်အကုန်ဆင်းလိမ့်မတဲ့၊ ဆန်ကောအတွင်းတွင်၊ ဇီးဖြူသီးလုံးလိုပ၊ စုရုံးကာ အနေကြပ်သည့်ပြင်၊ ခုလပ်မှာ ဓားစာဖြစ်ပါလိမ့်၊ စင်စစ်အမှန်ဆိုကြတော့၊ လပြာသိုတပို့တွဲ၊ အမြဲဧကန်ပ၊ အင်္ဂါနံ ဆန်ဆီပျောက်သည့်ပြင်၊ ဓားမိုးပေါက်ရွာလိမ့်မယ်၊ မှန်ဘွယ်ကွဲ့မလွဲ။

ငါးပါးပဉ္စသီနှင့်၊ အဋ္ဌင်္ဂိ မောင်မယ်တို့မြဲနိုင်မှ၊ ကပ်ထဲသီသီဝေးကြလိမ့်၊ ဟိုရှေးတဘောင်လာမတော့၊ မရှောင်သာလမ်းမြှောင်ကြားမှာလ၊ ယောက်ျားအိမ်မှာနဲတာကြောင့်၊ ကိန်းအခြေပြောင်း၍လွဲပုံက၊ ခါးတောင်းတဲကာ၊ မိန်းမတွေတစုရယ်တို့၊ အမှုမဆင်ခြင်ဓမ္မအမြင်၊ သို့မရှုနိုင်ဘု၊ လူ့တခွင်၊ အဓမ္မအထင်ကို တုပါလို့၊ သူ့လင်ကို ငါ့လင်ဟုလုကြမကွယ့်၊ (၉) ခုနှစ်ဘဲ။

ခက်ဆစ်[ပြင်ဆင်ရန်]

၁။ ဇေတဝန် = ဘုန်းတော်ကြီကျောင်းဟု ဆိုလိုသည်။

၂။ မြပုထိုး = ဘုရားစေတီ။

၃။ နှမ်းဥသျှစ် = နှမ်းတစ်တင်း ဥသျှစ်တစ်တင်း ပမာဏ။

၄။ ပဉ္စသီ = ငါးပါးသီလ။

၅။ အဋ္ဌင်္ဂီ = ရှစ်ပါးသီလ။

၆။ ဓမ္မအမြင် = တရားနည်းလမ်း ကျသောအမြင်။

၇။ အဓမ္မအမြင် = တရားနည်းလမ်း မကျသောအမြင်။


မှတ်ချက်[ပြင်ဆင်ရန်]

ဤကဗျာခေါင်းစဉ်သည် မောင်းထောင်းဦးကျော်လှ ကိုယ်တိုင် နာမည်ပေးခဲ့ခြင်း မဟုတ်ပါ။ သင့်တော်မည်ထင်သော နာမည်ကို ပေးထားခြင်း ဖြစ်သည်။

ကိုးကား[ပြင်ဆင်ရန်]

  1. (၁၉၈၃ခု၊ နိုဝင်ဘာလ) မောင်းထောင်းဦးကျော်လှ၏ သံချိုကဗျာပေါင်းချုပ်. ယဉ်ကျေးမှုဝန်ကြီးဌာန၊ ယဉ်ကျေးမှုဗိမာန်ဌာန.