ကရုန်ထိုင်းဘဏ်

ကရုန်ထိုင်းဘဏ် ရုံးချုပ်အဆောက်အအုံ၊ ၂၀၂၁ ခုနှစ် မေလ

ကရုန်ထိုင်းဘဏ် (ထိုင်း: ธนาคารกรุงไทย) သည် တရားဝင်အမည်အားဖြင့် Krungthai Bank Public Company Limited ဖြစ်ပြီး အတိုကောက်အားဖြင့် KTB ဟု လူသိများသည်။ ကရုန်ဘဏ်သည်ထိုင်းနိုင်ငံ ဘဏ္ဍာရေးဝန်ကြီးဌာနက ထုတ်ပေးသော လိုင်စင်ဖြင့် လုပ်ငန်းလည်ပတ်နေသည့် နိုင်ငံပိုင်ဘဏ်တစ်ခု ဖြစ်သည်။ ခရုန်ထိုင်းဘဏ်၏ SWIFT ကုဒ်မှာ KRTHTHBK ဖြစ်သည်။

သမိုင်းကြောင်း

ကရုန်ထိုင်းဘဏ်ကို ၁၉၆၆ ခုနှစ် မတ်လ ၁၄ ရက်နေ့တွင် အစိုးရပိုင်ဘဏ်နှစ်ခုဖြစ်သော Kaset Bank နှင့် Monton Bank တို့ကို ပေါင်းစည်းခြင်းဖြင့် စတင်တည်ထောင်ခဲ့သည်။ ပေါင်းစည်းပြီးနောက် ခရုန်ထိုင်းဘဏ် ဟု အမည်ပေးခဲ့သည်။

ဘဏ်၏ အမှတ်တံဆိပ်အဖြစ် ဝါယုပက္ခငှက် (Vayupaksa bird) ၏ ရုပ်ပုံကို အသုံးပြုထားသည်။ ဝါယုပက္ခငှက်သည် လေကို အစာအဖြစ် စားသုံးသည်ဟု ယုံကြည်ကြသည့် ဒဏ္ဍာရီလာ သတ္တဝါတစ်မျိုးဖြစ်ပြီး ထိုအမှတ်တံဆိပ်ကို ထိုင်းနိုင်ငံ ဘဏ္ဍာရေးဝန်ကြီးဌာနကလည်း အသုံးပြုထားသည်။