ကန့်ချုပ်ဖြူပင်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

ကန့်ချုပ်ဖြူပင်
Plumbago zeylanica1MTFL.jpg
သိပ္ပံနည်းကျ အမျိုးအစားခွဲခြင်း
လောက:
(unranked):
(unranked):
(unranked):
မျိုးစဉ်:
မျိုးရင်း:
မျိုးစု:
မျိုးစိတ်:
P. zeylanica
ဒွိနာမ
Plumbago zeylanica
Synonyms

Plumbago scandens L.[၁]

Ceylon Leadwort; White Leadwort (ကန့်ချုပ်ဖြူ)[ပြင်ဆင်ရန်]

  • Botany Term : Plumbago zeylanica Linn
  • Species/Family : Plumbaginaceae


ပုံသဏ္ဌာန် : အပင် နှစ်ကြာခံ သစ်ပျော့ပင်မျိုးဖြစ်၍ နွယ်ယောင်ပင်ယောင်ဖြစ်သည်။ ၂ ပေမှ ၄ ပေ ထိ မြင့်သည်။ ပင်စည်ပေါ်တွင် အစင်းကြောင်းကလေးများရှိ၍ အမွေးမဲ့သည်။ အရွက် ရွက်လွှဲထွက်သည်။ ရွက်ဖျားချွန်၍ ရွက်ရင်းသို့ သွယ်ပြီး ရွက်ညှာသည် ပင်စည်ကို ကုပ်ထား၏ ။ အရွက် ၂ လက်မမှ ၃ လက်မထိရှည်သည်။ ရွက်ပြားပါး၍ ချောပြီး ရွက်နား လှိုင်းတွန့် ရှိသည်။ အပွင့် ပန်းခိုင်ရှည်လျားသည်။ အဖိုပွင့် အမပွင့် ရှိသည်။ ပန်းပွင့် အဖြူရောင်ရှိ၍ သေးသွယ်သော ပြွန်ပုံသဏ္ဌာန်ဖြစ်သည်။ အမွေးနုကလေးများတွင် တော်သလင်းလ အတွင်း ပွင့်သည်။ အသီး ငှက်တောင်ပုံသဏ္ဌာန်ရှိ၍ ထိပ်ချွန်သည်။ အသီးခွံအောက်ပိုင်း ပါးလွှာ၍ အထက်ပိုင်း မာကျောသည်။ အသီးကို တည်မြဲသော ပွင့်ချပ်ဖြင့် ဖုံးအုပ်နေ၏ ။ အသီး ရင့်မှည့်က အက်ကွဲသည်။ ဆောင်းရာသီ တွင် သီးမှည့်သည်။ အသုံးပြုနိုင်သည့် အစိတ်အပိုင်းများ : အပင် ၊ အမြစ် ၊ အစေး။ မြန်မာနိုင်ငံတွင် တွေ့နိုင်သောနေရာများ : မြန်မာနိုင်ငံ အနှံ့အပြား၌ ပေါက်ရောက်သည်။ ပေါက်ရောက်ပုံ ။ ။ သဘာ၀အလျောက် ပေါက်ရောက်သည်။ အသုံးဝင်ပုံ : မြန်မာဆေးကျမ်းများအလိုအရ အပင်သည် အစာကြေညက်စေသည်။ ခံတွင်းကောင်းစေသည်။ အမြစ်သည် လေ သလိပ် သည်းခြေတို့ကို နိုင်သည်။ အရွက်သည် ချို၏။ အနည်းငယ် ပူ၏ ။ လေသလိပ် သည်းခြေတို့ကို နိုင်သည်။ အရွက်သည် ချို၏။ အနည်းငယ် ပူ၏။ လေသလိပ်တို့ကို ကြေစေ၏။ အရသာ စပ်ရှားရှား ရှိ၏ ။ အသုံးပြုပုံ- အပင် ၁ ။ အပင်ကို ဝမ်းသွားရောဂါ ၊ ပင်လယ်အူလျှောက်ရောဂါ ၊ အစာအိမ်ရောဂါပျောက်ဆေးများ ဖော်စပ်ရာတွင် သုံးသည်။ အမြစ် ၁ ။ အမြစ်ကို သန်ချဆေး ၊ သွေးသန့်ဆေးအဖြစ် သုံးသည်။ အမြစ်သည် ဝမ်းကိုက်ရောဂါ၊ ခရုသင်းရောဂါ ၊ အဆုတ်ရောဂါ ၊ ရေဖျဉ်းရောဂါ ၊ အဆစ်အမျက်ကိုက်ရောဂါနှင့် ပွေး ၊ ဝဲနာများကို ပျောက်ကင်းစေသည်။ ၂ ။ အမြစ်ကိုကြိတ်၍ နွားနို့ ၊ ရှာလကာရည် သို့မဟုတ် ဆားရည်နှင့် နယ်ပြီး ကုဋ္ဌနူနာနှင့် အခြားအရေပြားရောဂါများကို လိမ်းကျံပေးခြင်းဖြင့် ပျောက်ကင်းစေ၏ ။ ၃ ။ အမြစ်အရည်ကို ချွေးထုတ်ဆေးအဖြစ် အသုံးပြုသည်။ ၄ ။ အမြစ်ကို အခြားဆေးများနှင့် ရောစပ်၍ အနာစားဆေးအဖြစ် အသုံးပြုသည်။ အစေး ၁ ။နို့နှင့် တူသော အစေးကို ဝဲခြောက်နှင့် ပြည်တည်နာများ သုတ်လိမ်းလျှင် ပျောက်ကင်းစေသည်။[၂]

ကိုးကား[ပြင်ဆင်ရန်]

  1. Plumbago zeylanica Linnaeus, Sp. Pl. 1: 151. 1753.Flora of North America။ eFloras.org။ 2011-06-30 တွင် ပြန်စစ်ပြီး။
  2. http://arogyamonline.com/commodity/materials/?raw=34