ရူပဗေဒ၊ နက္ခတ္တဗေဒ၊ သင်္ချာ၊ ပထဝီ၊ ဇီဝဗေဒ၊ ဘာသာဗေဒ၊ သမိုင်း၊ နိုင်ငံရေး၊ မနုဿဗေဒနဲ့ ကွန်ပျူတာနည်းပညာ အမျိုးမျိုး ကို စိတ်ဝင်စားပြီး အဲဒါတွေနဲ့ ပတ်သက်တဲ့ အကြောင်းအရာတွေမှာ ဝင်ရောက် ရေးသားဖို့ ရည်ရွယ်ပါတယ်။ ဆန္ဒအရ အချိန်အတော်များများ ပေးပြီး ရေးချင်ပေမယ့် အခြေအနေအရ တခါတရံ အားလပ်ချိန်အချို့မှာသာ ဝင်ရောက်ရေးသားနိုင်ပါတယ်။ မြန်မာဝီကီ ပိုင်းက ဆောင်းပါးတွေကို အင်္ဂလိပ်ဆောင်းပါးတွေလို Neutral Point Of View ကနေ ဘက်လိုက်မှုနဲ့ အစွဲအလမ်း ကင်းပြီး အချက်အလက်ပေးတဲ့ ဆောင်းပါးမျိုးတွေ ဖြစ်စေချင်တယ်။ ဒါကြောင့် များသောအားဖြင့် အင်္ဂလိပ်ဘာသာ ဆောင်းပါးတွေကို မြန်မာဘာသာပြန်တာ အဓိကထားပြီးလုပ်တယ်။ အထူးသဖြင့် နည်းပညာ Terms တွေမှာ ကောင်းမွန်တဲ့ မြန်မာမှုပြုတာတွေ၊ စကားလုံးတွေ အချိတ်အဆက်မိပြီး ရှေ့နောက်ညီညွတ်ဖို့အတွက် စိတ်အားထက်သန်တယ်။ ဝီကီသုံးတာ ကျွမ်းကျင်မှု သိပ်မရှိသေးပါဘူး။ ကျွန်တော့် ဆောင်ရွက်ချက်တွေမှာ မှားတာတွေ လိုအပ်တာတွေရှိရင် ပိုကောင်းအောင် ဖြည့်စွက်ပြင်ဆင်ပေးနိုင်ပါတယ်။
