- သြော် . .. .
- လူ့ပြည်လောက၊ လူ့ဘဝကား၊
- အိုရနာရ၊ သေရဦးမည်၊
- မှန်ပေသည်တည့်။
- သို့တပြီးကား၊ သင်သေသွားသော်၊
- သင်ဖွားသောမြေ၊ သင်တို့မြေသည်၊
- အခြေတိုးမြင့်၊ ကျန်ကောင်းသင့်၏။
- သင်၏မျိုးသား၊ စာစကားလည်း၊
- ကြီးပွားတက်မြင့်၊ ကျန်ကောင်းသင့်၏။
- သင်ဦးချ၍၊ အမျှေဝေရာစေတီသာနှင့်၊ သစ္စာအရောင်ဉာဏ်တန်ဆောင်လည်း၊
- ပြောင်လျက်ဝင်းလျက်ကျန်စေသတည်း။
ဆရာကြီး ဇော်ဂျီ
မြန်မာဝီကီပီဒီးယားအပေါ်ခံယူချက်[ပြင်ဆင်ရန်]
- ကျွန်တော်တို့ မြန်မာတွေ အချင်းချင်း အသိပညာ ဗဟုသုတတွေ ဖလှယ်ရာ ပညာ့ဗိမ္မာန် ဗဟုသုတဘဏ်တိုက်ကြီး၊ စာကြည့်တိုက်ကြီး တစ်ခုလို့ မြင်တယ်။
- အင်္ဂလိပ်ဝီကီမှာလိုမျိုး ဖတ်စရာ ဆောင်းပါးတွေ သန်းချီပြီး ရှိစေချင်တယ်။
- အဲလိုရှိနိုင်ဖို့ကတော့ မြန်မာတွေအားလုံး တစ်ယောက်ကို တစ်ပါတ်မှာ ဆောင်းပါး တစ်ပုဒ် စီ လာတင်ပေးနိုင်ရင်တောင် ဖြစ်လာမှာပါ။
- အခမဲ့ ပညာဆည်းပူးနိုင်တဲ့ မြန်မာဝီကီမှာ အခြားနိုင်ငံတွေနဲ့ နှိုင်းစာရင် ဆောင်းပါးအရေအတွက် နည်းနေတာရယ်၊ အသုံးပြုသူ၊ ပါဝင်ရေးသားသူ နည်းနေသေးတာတွေရယ်ဟာ မြန်မာနိုင်ငံရဲ့ ပညာရေးဖွံ့ဖြိုးမှုအခြေအနေနဲ့ အနာဂတ် ပညာရေးအလားအလာတွေကို ရောင်ပြန်ဟပ်နေတယ် လို့ မြင်တယ်။
- ဒါကြောင့် ကိုယ်တတ်နိုင်သလောက် နိုင်ရာနိုင်ရာ ကဏ္ဍလေးကနေ အုတ်တစ်ချပ်၊ သဲတစ်ပွင့် ပါဝင်ကူညီရေးသားရင်း၊ မြန်မာ့ပညာရေးကို မြင့်မားတိုးတက်စေလိုတဲ့ စိတ်အရင်းခံပြီး မြန်မာဝီကီကို နေ့ချင်းညချင်း အလျင်အမြန် ကြီးထွားလာစေချင်တဲ့စိတ်ဆန္ဒ ပြင်းပြစွာရှိနေတယ်။
- ပါဝင်ရေးသားနေကြတဲ့ ဝီကီအဖွဲ့သား အားလုံးကို ကျေးဇူးတင်ပါတယ်။
- ကျွန်တော်တို့အခုလုပ်နေတာသည် တကယ်လို့များ ကျွန်တော်တို့ သိပ်မခံစားရတော့ဘူး ဆိုခဲ့ရင်တောင်မှ ကျွန်တော်တို့ရဲ့ နောင်လာနောက်သားတွေအတွက် တကယ် အကျိုးများမယ့် ပရဟိတ လုပ်ငန်းတစ်ခုလို့ အလေးအနက် ခံယူထားပါတယ်။
- ကျွန်တော်လည်း အားလပ်ချိန်ရရင် ရသလို အမြဲတမ်း ရေရှည် အားဖြည့်သွားမှာပါ။
- မိတ်ဆွေသစ်များကိုလည်း ဝိုင်းဝန်းအားဖြည့်ကြဖို့ လေးစားစွာဖိတ်ခေါ်အပ်ပါတယ်။
-- သုတေသီ ၁၀:၀၆၊ ၁၁ နိုဝင်ဘာ ၂၀၁၁ (UTC)
