အတွင်းလောင် အင်ဂျင်

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​

အတွင်းတွင် ပေါက်ကွဲသော အင်ဂျင် (Internal combustion engine)ဆိုသည်မှာ လောင်စာများ လေနှင့် အတူ ပေါက်ကွဲလောင်ကျွမ်းခြင်းသည် အင်ဂျင်အတွင်း ပေါက်ကွဲရာ ချိန်ဘာ အတွင်း ဖြစ်ပွားသည့် အင်ဂျင်မျိုးကို ခေါ်သည်။ ထိုသို့သော အင်ဂျင်များတွင် ပေါက်ကွဲခြင်းကြောင့် ဖြစ်ပေါ်လာသည့် အပူချိန် နှင့် ဖိအား မြင့်သော ဓာတ်ငွေ့များသည် ပစ်စတင်၊ တာဘိုင် ဘလိတ် နှင့် နော်ဇယ် အစရှိသော စက်ပစ္စည်း အစိတ်အပိုင်းများအား တိုက်ရိုက် အားသက်ရောက်မှု ဖြစ်ပေါ်စေသည်။ ထိုအားမှတဆင့် စက်ပစ္စည်းများကို အကွာအဝေးတစ်ခုသို့ ရွေ့လျားစေပြီး အသုံးဝင်သော စက်မှု စွမ်းအင်ကို ထုတ်ပေးသည်။[၁][၂][၃][၄]

အတွင်းတွင် ပေါက်ကွဲသော အင်ဂျင် ဟူသော အသုံးအနှုန်းကို ပုံမှန်အားဖြင့်ဆက်တိုက် ပေါက်ကွဲမှု မဖြစ်ဘဲ ကာလ အပိုင်းအခြားဖြင့် ပေါက်ကွဲတတ်သော အသုံးများသည့် ၄ချက်ခုတ် နှင့် ၂ချက်ခုတ် ပစ်စတင် အင်ဂျင်များကို ညွှန်းဆိုလေ့ ရှိသည်။ အတွင်းတွင် ပေါက်ကွဲသော အင်ဂျင်၏ အခြားသော မျိုးကွဲ တစ်ခုမှာ ပေါက်ကွဲမှု ဆက်တိုက်ဖြစ်ပေါ်သော ဂက်စ်တာဘိုင်၊ ဂျက်အင်ဂျင် နှင့် ရော့ကက်အင်ဂျင်တို့ဖြစ်ပြီး ထိုအင်ဂျင်တို့သည်လည်း ဖော်ပြခဲ့သော နည်းလမ်းအတိုင်းပင် အလုပ်လုပ်လေ့ ရှိသည်။ [၁][၂][၃][၄]

၂ချက်ခုတ် အင်ဂျင်၏ အလုပ်လုပ်ပုံ

အတွင်းတွင် ပေါက်ကွဲသော အင်ဂျင်များသည် အပြင်တွင် ပေါက်ကွဲသော အင်ဂျင်များဖြစ်သည့် ရေနွေးငွေ့အင်ဂျင် နှင့် စတာလင်အင်ဂျင်များ နှင့် မတူဘဲ ကွဲပြားခြားနားသည်။ ထိုအင်ဂျင်များတွင်မူ စွမ်းအင်သည် ပေါက်ကွဲထားသော ပစ္စည်းနှင့် အတူတကွ ထွက်ပေါ်လာလေ့ ရှိသည်။ ထွက်ပေါ်လာသော အရည်တို့မှာ လေ၊ ရေပူ၊ ဖိနှိပ်ထားသော ရေတို့ ဖြစ်နိုင်ပြီး အချို့သော ဘွိုင်လာများတွင် ဆိုဒီယမ် အရည်ပင် ဖြစ်တတ်သည်။


ကိုးကား[ပြင်​ဆင်​ရန်​]

  1. ၁.၀ ၁.၁ Encyclopædia Britannica. Encyclopedia Britannica: Internal Combustion engines. Britannica.com. Retrieved on 2010-08-28
  2. ၂.၀ ၂.၁ Internal combustion engine. Answers.com (2009-05-09). Retrieved on 2010-08-28
  3. ၃.၀ ၃.၁ Columbia encyclopedia: Internal combustion engine. Inventors.about.com. Retrieved on 2010-08-28
  4. ၄.၀ ၄.၁ Private Tutor. Infoplease.com. Retrieved on 2010-08-28