သာစည်မြို့နယ်

သာစည်မြို့နယ်
မန္တ​လေးတိုင်းအတွင်းရှိ မြို့နယ်
မိတ္ထီလာခရိုင်အတွင်းတည်နေရာ
သာစည်မြို့နယ် မိတ္ထီလာခရိုင်အတွင်းတည်နေရာ
ကိုဩဒိနိတ်: 21°50′N 95°39′E
နိုင်ငံ	မြန်မာ
တိုင်းဒေသကြီး	မန္တလေး
ခရိုင်	မိတ္ထီလာ
မြို့နယ်ရုံးစိုက်ရာမြို့	သာစည်မြို့
လူဦးရေ (၂၀၁၄)
• စုစုပေါင်း	၂၀၂,၄၉၇
အချိန်ဇုန်	မြန်မာစံတော်ချိန် (UTC+6:30)

သာစည်မြို့နယ် သည် မန္တလေးတိုင်းဒေသကြီး၊ မိတ္ထီလာခရိုင် တွင်ပါဝင်သည့် မြို့နယ်ဖြစ်သည်။ မြို့နယ်ရုံးစိုက်ရာမြို့မှာ သာစည်မြို့ ဖြစ်သည်။

သမိုင်း​ကြောင်း

ပုဂံ​ခေတ် အ​နော်ရထာမင်း လက်ထက်က ရှမ်းပြည်နယ်နှင့် ဆက်စပ်​နေ​သော သာဂရ၊ လှိုင်းတက်နှင့် ​ညောင်ရမ်းတို့ကို ကင်း​စောင့်မြို့အဖြစ်ထားကာ မင်းညီမင်းသားများ ထား၍ အုပ်ချုပ်​စေခဲ့သည်။၁၈၈၆ခုနှစ်တွင် မြို့အုပ်အဖြစ် လှိုင်းတက်တွင်ထားကာ အုပ်ချုပ်ခဲ့ပြီး​နောက် ၁၈၈၇တွင် သာစည်မြို့အဖြစ် သတ်မှတ်ကာ အုပ်ချုပ်​စေခဲ့သည်။၂၈.၂.၁၉၇၃တွင် သာစည်မြို့နယ်ကို သတ်မှတ်ခဲ့သည်။

ပထဝီဝင်အ​နေအထား

မြောက်လတ္တီတွဒ် ၂၀ဒီဂရီ ၃၀မိနစ်နှင့် ၂၁ဒီဂရီ ၀၅မိနစ် အကြား၊ အရှေ့လောင်ဂျီတွဒ် ၉၅ဒီဂရီ ၂၅မိနစ်နှင့် ၉၆ဒီဂရီ ၃၀မိနစ်အကြားတွင် တည်ရှိသည်။ အရှေ့မှ အနောက်သို့ ၄၆.၄မိုင်၊ တောင်မှမြောက်သို့ ၂၄မိုင်ရှိပြီး ၇၈၇.၆၁စတုရန်းမိုင် ကျယ်ဝန်းသည်။

နယ်နိမိတ်

သာစည်မြို့နယ်၏ အ​ရှေ့ဘက်တွင် ရှမ်းပြည်နယ်ရှိ က​ေလာမြို့နယ်၊ ပင်းတယမြို့နယ်နှင့် ရွာငံမြို့နယ်၊​တောင်ဘက်တွင် ​​ပျော်ဘွယ်မြို့နယ်နှင့် ရမည်းသင်းမြို့နယ်၊အ​နောက်ဘက်တွင် မိတ္ထီလာမြို့နယ်၊ ​မြောက်ဘက်တွင် ဝမ်းတွင်းမြို့နယ်များ တည်ရှိသည်။

​​မြေမျက်နှာသွင်ပြင်

​ပင်လယ်​ရေမျက်နှာပြင်အထက် ​ပေ၇၀၀အထက်တွင် တည်ရှိသည်။​မြို့နယ်၏ အ​ရှေ့ဘက်သည် ရှမ်းရိုးမ​တောင်တန်းဖြစ်ကာ သစ်​တောများဖုံး​နေပြီး အ​နောက်ခြမ်းသည် ​မြေပြန့်လွင်ပြင်ဖြစ်သည်။ မြို့နယ်အတွင်း မြစ်​ချောင်းများစီးဆင်းမှု နည်းပါးသည်။ ထင်ရှား​သော​ချောင်းမှာ စမုံ​ချောင်းဖြစ်သည်။

လူဦး​ရေ

သာစည်မြို့နယ်တွင်နေထိုင်ကြသော တိုင်းရင်းသားလူမျိုးစုများတွင် ဗမာလူမျိုးများ အများဆုံးနေထိုင်ကြသည်။ ထို့နောက် ကရင်၊ရှမ်း၊ကချင်၊ရခိုင်နှင့် အခြားလူမျိုးများ အစဉ်လိုက်များပြားစွာနေကြသည်။ ကိုးကွယ်မှုအနေဖြင့် ဗုဒ္ဓဘာသာကို အများဆုံး ကိုးကွယ်ကာ အစ္စလာမ်၊ဟိန္ဒူနှင့် ခရစ်ယာန်ကိုးကွယ်သူဦးရေမှာ အစဉ်လိုက်များပြားသည်။ မြို့နယ်ဦးရေ၏ ၀.၀၀၀၄၅%မှာ အခြားသော နိုင်ငံခြားလူမျိုးနွယ်ဝင်များဖြစ်သည့် အိန္ဒိယနှင့် အခြားစသည့်လူမျိုးများဖြစ်သည်။

စီးပွား​ရေး

သာစည်မြို့နယ်သည် မန္တ​လေးတိုင်းအတွင်းရှိ စီးပွား​ရေးဖွံ့ဖြိုးတိုးတက်မှု နည်းပါး​သောမြို့နယ်ဖြစ်သည်။ မြို့နယ်​နေလူထုသည် စိုက်ပျိုး​ရေးကို အဓိကထားလုပ်ကိုင်သည်။ နိုင်ငံ့ဝန်ထမ်းနှင့် ​ကျပန်းအလုပ်များလည်း လုပ်ကိုင်ကြသည်။ လူနည်းစုမှာ စက်ယက္ကန်းကို စီးပွားဖြစ် လုပ်ကိုင်ကြသည်။ မြို့နယ်၏ အဓိကထွက်ကုန်မှာ ငရုပ်​ခြောက်ဖြစ်ပြီး ရန်ကုန်နှင့် မန္တ​လေးမြို့များသို့ တင်ပို့​ရောင်းချသည်။ ထို​ဒေသများမှ ​ဆောက်လုပ်​ရေးပစ္စည်း၊ ​ရေထွက်ကုန်ပစ္စည်းနှင့် အဝတ်အထည်များ ပြန်လည် တင်သွင်းသည်။ တပ်မ​​တော်ပိုင် ဖိနပ်စက်ရုံ၊တပ်မ​တော်ပိုင် မိုး​ရေကာဖျင်စက်ရုံနှင့် ပုဂ္ဂလိကစက်ရုံ၄ရုံ၊ နိုင်ငံပိုင်အလုပ်ရုံ ၁၄ရုံ၊ပုဂ္ဂလိကအလုပ်ရုံ ၄ရုံနှင့် အိမ်တွင်းစက်မှုလက်မှုလုပ်ငန်း ၃၉၄ခု တည်ရှိသည်။

​ဈေးများ

• သာစည်မြို့မ​ဈေး
• လှိုင်းတက်​ဈေး
• ယင်းမာပင်​ဈေး
• ဘုရားငါးဆူ​ဈေး
• ​ညောင်ရမ်း​ဈေး
• ဟံဇား​ဈေး
• ပြပြည်ညောင်ဈေး
• ကုက္ကိုကန်ဈေး

ပို့​ဆောင်ဆက်သွယ်​ရေး

သာစည်မြို့နယ်သည် ရန်ကုန်၊မန္တ​လေး​ဒေသများသို့ ကားလမ်း၊ရထားလမ်းသာမက ရှမ်းပြည်နယ်သို့ဆက်သွယ်​သော မိတ္ထီလာ-​တောင်ကြီး-ကျိုင်းတုံ-တာချီလိတ်လမ်း​ပေါ်တွင် တည်ရှိခြင်း၊ ရှမ်းပြည်နှင့် ကယားပြည်နယ်များသို့ ရထားလမ်းများရှိခြင်းတို့​ကြောင့် လမ်းပန်းဆက်သွယ်​ရေး ​ကောင်းမွန်​သောမြို့နယ်ဖြစ်သည်။

ပညာ​ရေး

အ​ခြေခံပညာ

အထက

အထက်တန်းကျောင်း ၉ကျောင်းရှိသည်။

• အထက ၁
• အထက ၂
• အထက ဟံဇား
• အထက ​​ညောင်ရမ်း
• အထက မယ်ဇလီကန်
• အထက တကစ၂
• အထက ​မြေစို
• အထက သာဂရ
• အထက ယင်းမာပင်
• အထက ရွှေလှံ
• အထက ရွှေတုပ်ကုန်း
• အထက ပြည်​ညောင်

အထက(ခွဲ)/အလက

• အလက (ထ(ခွဲ)) ရွာကြီး

• အလက (ထ(ခွဲ)) တမာကုန်း
• အလက (ထ(ခွဲ)) ဘုရားငါးဆူ
• အလက (ထ(ခွဲ)) ​ပေါင်​တော
• အလက (ထ(ခွဲ)) ဟင်းခွက်အိုင်
• အလက(ထ(ခွဲ))ကြာဘက်ကုန်း
• အလက ကန်ရှည်
• အလက အုတ်တွင်း
• အလက ​မြောင်းဦး
• အလက အလယ်ကန်
• အလက မ​ရွေး
• အလက သဲကုန်း
• အလက သ​ပြေဝ
• အလက ကန့်ဖြူ

• အလက ​ရောက်ရိုး
• အလက ထ​နောင်းကန်

အမက

မူလတန်း၊မူလွန်၊အလယ်တန်း(ခွဲ) ၁၈၉ကျောင်းရှိသည်။

ကျန်းမာ​ရေး

• သာစည်မြို့နယ်​ဆေးရုံ
• ​ညောင်ရမ်း​ဆေးရုံ
• ယင်းမာပင်​ဆေးရုံ
• ဟံဇား​ဆေးရုံ

ထင်ရှား​သော​နေရာများ

• ရွှေယင်​မျှော်ဘုရား
• ရွှေဂူကြီးဘုရား
• သတ္တဌာန ငါးဆူရိပ်သာ
• ကုန်းတောင်းသိမ်

အောင်ချမ်းသာ