လက်ဆေးခြင်း

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​

မြန်မာတို့၏ လက်ဆေးသည့် ဓလေ့[ပြင်​ဆင်​ရန်​]

မြန်မာအများစုသည် ထမင်းမစားခင် လက်ဆေးဇလုံထဲတွင် လက်ကိုနှစ်ပြီး ဆေးလေ့ရှိကြသည်။ လက်ဆေးဇလုံတစ်လုံးထဲမှာပင် မိသားစုတစ်စုလုံး လက်ကိုနှစ်ပြီး ဆေးလေ့ရှိကြသည်။ ထမင်းမစားခင် လက်ကိုရေနှင့် စွတ်ရုံသာ ဆွတ်ပြီး ဆေးလေ့ရှိကြသည်။ ထမင်းစားပြီးမှ လက်ကို စင်အောင် ဆေးလေ့ရှိကြသည်။ အလှူအိမ်များတွင်လည်း လူအများသည် လက်ဆေးဇလုံထဲတွင်သာ လက်ကိုနှစ်ပြီး ဆေးလေ့ရှိကြသည်။ ဆပ်ပြာမသုံးပါ။

လက်ဆေးရာတွင် အပြုနည်းသော အပြုအမှုများ[ပြင်​ဆင်​ရန်​]

ထမင်းမစားခင် လက်ကို ဆပ်ပြာနှင့် စင်အောင်ဆေးသူ နည်းသည်။ ရေဇလုံထဲတွင် နှစ်မဆေးပဲ ရေလောင်းချပြီး ဆေးသူ နည်းသည်။ အစားအစာများ ချက်ပြုတ်ပြင်ဆင်ရာတွင် လက်ကို ဆပ်ပြာနှင့် စင်အောင်ဆေးပြီးမှ အစားအစာ ကိုင်တွယ်သူ နည်းသည်။ ကြက်၊ ငှက်၊ တိရစ္ဆာန်များကို ကိုင်တွယ်ပြီးလျှင် လက်ကို ဆပ်ပြာနှင့် စင်အောင် ဆေးသူနည်းသည်။ ဆေးလေ့မရှိပါ။ ကြက်၊ ငှက်၊ အသား၊ ငါး၊ ဥများကို ကိုင်ပြီးလျှင် လက်ကို ဆပ်ပြာနှင့် စင်အောင်ဆေးသူနည်းသည်။ မျက်နှာ၊ မျက်စိ၊ နှာခေါင်းများ မကိုင်ခင် လက်ကို ဆပ်ပြာနှင့် စင်အောင် ဆေးသူနည်းသည်။ မုန့်ပဲ သွားရေစာ စားရာတွင် လက်ဆေးပြီးမှ စားသူ နည်းသည်။ အိမ်တွင်လည်းကောင်း၊ အလှူတွင် လည်းကောင်း၊ ထမင်းမစားခင် လက်ဆေးရန်၊ ဆပ်ပြာပေးသူ နည်းသည်။ အိမ်သာအထွက် လက်ကို ဆပ်ပြာနှင့် ဆေးသူနည်းသည်။ ကလေးအညစ်အကြေးကို ကိုင်သွယ်ပြီး လက်ကို ဆပ်ပြာနှင့် ဆေးသူ နည်းသည်။ အများသုံးအိမ်သာတွင် ဆပ်ပြာထားသူ နည်းသည်။ မိသားစုအိမ်သာတွင် ဆပ်ပြာထားသူ နည်းသည်။

အိမ်သာအထွက် လက်ဆေးခြင်းဓလေ့ သုတေသနတွေ့ရှိချက်[ပြင်​ဆင်​ရန်​]

အိမ်သာအထွက် လက်ဆေးခြင်းဓလေ့ကို သုတေသနတွေ့ရှိချက်အရ ဆပ်ပြာနှင့် လက်ဆေးသူ ၄၂ ရာခိုင်နှုန်း၊ ရေဖြင့်သာ လက်ဆေးသူ ၈ ရာခိုင်နှုန်း၊ လုံးဝလက်မဆေးသူ ၄၉ ရာခိုင်နှုန်း၊ ပြာ၊ ပြာရည်နှင့် လက်ဆေးသူ ၁ ရာခိုင်နှုန်းသာ ရှိသည်။

လက်ကို စင်ကြယ်အောင် ဆေးသင့်သည့် အကြောင်း[ပြင်​ဆင်​ရန်​]

လက်တွင် ကပ်ပါလာနိုင်သည့် မစင်အညစ်အကြေး အနည်းငယ်(တစ်ဂရမ်)တွင် လူတို့ကို ရောဂါဖြစ်ပြီး သေစေနိုင်သော ဗိုင်းရပ်စ်ရောဂါပိုး ၁၀ သန်း၊ ဘက်တီးရီးယား ရောဂါပိုးပေါင်း ၁ သန်း၊ ကပ်ပါးရောဂါပိုးပေါင်း(ဥပမာ-သန်ကောင်၊ ဝမ်းကိုက်ပိုး) ၁ ထောင်နှင့် ကပ်ပါးရောဂါပိုး ဥပေါင်း(ဥပမာ-သန်ဥ) ၁ ရာ ပါဝင်သည်။ ကလေးမစင်သည်လည်း လူကြီးမစင်နည်းတူ ရောဂါပိုးများ ပါဝင်နေသည်။ လက်တွင်သာမက ငွေစက္ကူ၊ တံခါးလက်ကိုင်နှင့် ပန်းကန် ခွက်ယောက်များတွင်ပင် လူ့မစင်မှ ရောဂါပိုးများစွာ ကပ်ငြိနေနိုင်ပါသည်။

လက်ကို စင်ကြယ်စွာ ဆေးနည်း[ပြင်​ဆင်​ရန်​]

လက်ကို ဆပ်ပြာနှင့် ရေဖြင့် ဆေးပါ။ လက်ကို ဆပ်ပြာဖြင့် သေချာစွာ ပွတ်တိုက်ပါ။ လက်သည်းကြားထဲသို့လည်း ဆပ်ပြာ ဝင်ရောက်အောင် ပွတ်တိုက်ပါ။ သုံးရေသန့်ဖြင့် လက်ကို လောင်းပြီး ဆေးပါ။ ဆပ်ပြာမရှိလျှင် သဲဆပ်ပြာ၊ ပြာ၊ ပြာရည်၊ ကင်ပွန်းသီးရည်၊ တရော်ရည် စသည်တို့ကို အသုံးပြုနိုင်သည်။

လက်ဆေးသင့်သည့် အချိန်[ပြင်​ဆင်​ရန်​]

ထမင်းမစားခင် လက်ကို ဆပ်ပြာဖြင့် စင်အောင်ဆေးပါ။ အစားအစာ မကိုင်တွယ်မှီ လက်ကို ဆပ်ပြာဖြင့် စင်အောင်ဆေးပါ။ အိမ်သာအထွက် လက်ကို ဆပ်ပြာဖြင့် စင်အောင်ဆေးပါ။ ကလေးအညစ်အကြေး ကိုင်တွယ်ပြီး လက်ကို ဆပ်ပြာဖြင့် စင်အောင်ဆေးပါ။ အမှိုက်၊ အညစ်အကြေး ကိုင်တွင်ပြီးတိုင်း လက်ကို ဆပ်ပြာဖြင့် စင်အောင်ဆေးပါ။ ကြက်၊ ငှက်၊ တိရစ္ဆာန်များကို ကိုင်တွင်ပြီးတိုင်း လက်ကို ဆပ်ပြာဖြင့် စင်အောင်ဆေးပါ။ ကြက်၊ ငှက်၊ အသား၊ ငါး၊ ဥ များကို ကိုင်တွယ်ပြီး လက်ကို ဆပ်ပြာဖြင့် စင်အောင်ဆေးပါ။ မျက်နှာ၊ မျက်စိ၊ နှာခေါင်းများကို မကိုင်တွယ်မီ လက်ကို ဆပ်ပြာဖြင့် စင်အောင်ဆေးပါ။

ကိုးကား[ပြင်​ဆင်​ရန်​]

ယူနီဆက်၏ ပံ့ပိုးမှုဖြင့် ဗဟိုကျန်းမာရေးပညာဌာန သန့်လေးသန့် စီမံချက်မှ ထုတ်ဝေသည့် လက်ကမ်းစာအုပ်ငယ်