ဘိုးအင်း ၇၄၇

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ဘိုးအင်း ၇၄၇
Ba b747-400 g-bnle arp.jpg
ဗြိတိသျှ လေကြောင်းလိုင်းမှာ ဘိုးအင်း ၇၄၇-၄၀၀ ကို ပျံတက်နေစဉ် တွေ့ရပုံ
အမျိုးအစား ကိုယ်ထည် ဗျက်ကျယ်သော ခရီးဝေးသွား ဂျက် ခရီးသည်တင်လေယာဉ်
ထုတ်လုပ်သူ ဘိုးအင်း
ပထမဦးဆုံးခရီးစဉ် ၁၉၆၉ ခုနှစ် ဖေဖော်ဝါရီ ၉

ဘိုးအင်း ၇၄၇ သည် ကိုယ်ထည်ဗျက်ကျယ်သော စီးပွားရေး လုပ်ငန်းသုံး ခရီးသည်တင် လေယာဉ် နှင့် ကုန်တင်လေယာဉ် ဖြစ်ပြီး ဂျမ်ဘိုဂျက် သို့ ကောင်းကင်၏ ဘုရင်မ (Queen of the Skies) ဆိုသော အမည်ဖြင့် အချို့က ခေါ်ဝေါ်ကြသည်။ ဘိုးအင်း ၇၄၇ သည် တကမ္ဘာလုံး နေရာတကာတွင် အလွယ်တကူ တွေ့ရှိ မှတ်မိနိုင်သော လေယာဉ်ဖြစ်ပြီး ကိုယ်ထည် ဗျက်ကျယ်သော လေယာဉ်များတွင် ပထမဆုံး ထုတ်လုပ်သော လေယာဉ် အမျိုးအစား ဖြစ်သည်။ အမေရိကန်ပြည်ထောင်စု ရှိ ဘိုးအင်း၏ စီးပွားရေး လုပ်ငန်းသုံး လေယာဉ်ပျံ ဌာနခွဲမှ ထုတ်လုပ်သည်။ မူလပထမ ၇၄၇ လေယာဉ်ပျံမှာ ၁၉၆၀ ပြည့်နှစ်များက ထင်ရှားပြီး ကြီးမားသော ဘိုးအင်း ၇၀၇ ၏ နှစ်ဆခွဲမျှ ရှိသည်။ ပထမဆုံးအကြိမ် အဖြစ် ၁၉၇၀ တွင် လုပ်ငန်းသုံး အနေနှင့် စတင်ပျံသန်းခဲ့ပြီးနောက် ၇၄၇ သည် ခရီးသည် အများဆုံး တင်ဆောင် နိုင်သည့် စံချိန်ကို ၃၇ နှစ်မျှ တင်နိုင်ခဲ့သည်။

အင်ဂျင် ၄လုံး တပ်ထားသော ၇၄၇ သည် ၄င်း၏ ကိုယ်ထည် တစိတ်တပိုင်းကို နှစ်ထပ် တည်ဆောက်ထားသည်။ ၄င်းသည် ခရီးသည်တင်၊ ကုန်တင် နှင့် အခြား ဗာရှင်းများဖြင့် ရရှိနိုင်သည်။ ဘိုးအင်းသည် ဘုလုံးနှင့် တူသော ၇၄၇ ၏ အပေါ်ထပ်ကို ပထမတန်း ခရီးသည်များ အတွက်နှင့် ထိုင်ခုံ အပိုရရှိရန် အတွက် တည်ဆောက်ခဲ့ပြီး လေယာဉ်ပျံကို ထိုင်ခုံဖြုတ်၍ အရှေ့ပိုင်း ကုန်တံခါး တပ်ဆင်ရုံမျှဖြင့် ကုန်တင် လေယာဉ် အဖြစ် ပြောင်းလဲနိုင်ရန် ရည်ရွယ်ခဲ့သည်။ ဘိုးအင်း မှာ ထိုသို့ ပြုလုပ်ခဲ့ရသည့် အကြောင်းမှာ ကုမ္ပဏီ အနေနှင့် အသံထက်မြန်သော ခရီးသည်တင် လေယာဉ်များ ပေါ်ကထွက်လာမှုကို မျှော်လင့်ခဲ့ပြီး (၁၉၆၀နှစ်များ အစောပိုင်းက ထိုလေယာဉ်ပျံများ အကြောင်း ကြေငြာခဲ့သည်။) အကယ်၍ ၇၄၇ နှင့် အခြားသော အသံလောက် မမြန်သည့် လေယာဉ်ပျံများ ခေတ်ကုန်သွားပါက ကုန်တင်လေယာဉ် အဖြစ် ပြောင်းလဲနိုင်ရန် အတွက် ဖြစ်သည်။ ၇၄၇ သည် အစင်းရေ ၄၀၀ မျှ ရောင်းချပြီးချိန်တွင် ခေတ်ကုန်သွားမည်ဟု မျှော်လင့်ခဲ့သော်လည်း ဝေဖန်သူတို့၏ မျှော်လင့်ချက် အတိုင်း မဖြစ်ပဲ ၁၉၉၃ တွင် အစင်းရေ ၁၀၀၀ ကျော် သွားခဲ့သည်။ ၂၀၁၀ ဇွန်လတွင် ၁၄၁၈ စင်းမျှ တည်ဆောက်ခဲ့ပြီး အခြား ပုံစံကွဲ အမျိုးမျိုးဖြင့် တည်ဆောက်ရန် အော်ဒါမှာထားသည်မှာ ၁၀၉ စင်းမျှ ကျန်နေသေးသည်။