ပူလစ်ဇာဆု

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
Gen pulitzer.jpg

မှန်ကန်သောအသံထွက်မှာ "Pull it, sir" တွင်ပါရှိသော Pull (ပူးလ်) အသံထွက်အတိုင်း ထွက်ရမည် ဖြစ်သည်။ ထို့ကြောင့် ပူးလစ်ဇာဆု ဟုခေါ်ဆိုမှ မှန်ကန်ပါမည်။ ပူလစ်ဇာဆုသည် အမေရိကန်ပြည်ထောင်စုမှ ချီးမြှင့်သော သတင်းနှင့် အနုပညာဆိုင်ရာ ထိပ်တန်းဆုအဖြစ် သတ်မှတ်ထားပါသည်။ သတင်းစာ၊ ဂျာနယ်၊ စာပေ၊ ဂီတအရေးအဖွဲ့ စသည်တို့တွင် ထူးချွန်သူများကို နှစ်စဉ် ဆုချီးမြှင့်သည်။ ဟန်ဂေရီလူမျိုး အမေရိကန်နိုင်ငံသား ပုံနှိပ်ထုတ်ဝေသူ ဂျိုးဇက်ပူလစ်ဇာ (Joseph Pulitzer)က စတင် ရန်ပုံငွေထောင်ပြီး ၁၉၁၇ ခုနှစ်မှာ စတင်ချီးမြှင့်ခဲ့ခြင်း ဖြစ်သည်။ နယူးယောက်မြို့ ကိုလံဘီယာတက္ကသိုလ်မှ ကြီးကြပ်ရွေးချယ် ပါသည်။ နှစ်စဉ် ကဏ္ဍ ၂၁ ခုအတွက် ဆုချီးမြှင့်သည်။ ဆုပေါင်းနှစ်ဆယ်တွင် ဆုကြေးငွေသား အမေရိကန်ဒေါ်လာ တစ်သောင်းစီချီးမြှင့်ပြီး ပြည်သူ့အကျိုးပြု ဂျာနယ်လစ်ဇင်ဆုအတွက် ရွှေတံဆိပ်ဆု ချီးမြှင့်သည်။

၂၀၁၄ ခုနှစ်အတွက် နိုင်ငံတကာသတင်းဆိုင်ရာ ပူလစ်ဇာဆု (Pulitzer Prize) ကို မြန်မာနိုင်ငံက ရိုဟင်ဂျာ မူစလင်များ အကြမ်းဘက်ခံရသည့် သတင်းရေးသားတဲ့ ရိုက်တာသတင်းဌာနက သတင်းထောက် ၂ ဦးကို ချီးမြှင့်လိုက်ပါသည်။ Jason Szep နှင့် Andrew Marshall တို့ ၂ ဦးရေးသားသော သတင်းများသည် ပြတ်သားရဲရင့်သည်ဟု ဆုရွေးချယ်ရေးအဖွဲ့မှ ပြောသည်။ ရိုဟင်ဂျာများသည် မြန်မာနိုင်ငံမှ ထွက်ပြေးနေကြပြီး တခါတလေမှာတော့ လူကုန်ကူးသူ၏ သားကောင်အဖြစ်ကိုပါ ရောက်ခဲ့ရသော သတင်းများကို သူတို့က ရေးသားခဲ့ကြတာ ဖြစ်ပါသည်။

၂၀၁၄ ခုနှစ်အတွက် အထူးဆုဖြစ်တဲ့ လူထုဝန်ဆောင်မှု ပူလစ်ဇာဆုကိုတော့ အမေရိကန်က Washington Post နဲ့ ဗြိတိန်က Guardian သတင်းစာ ၂ စောင်က ပူးတွဲ ဆွတ်ခူးခဲ့ပါတယ်။ ဒီသတင်းစာကြီး ၂ စောင်က အမေရိကန်အစိုးရရဲ့ လျှို့ဝှက်ထောက်လှမ်းမှုတွေနဲ့ ပတ်သက်ပြီး ပြည်ပကို ထွက်ပြေးခိုလှုံခဲ့တဲ့ အမျိုးသား ထောက်လှမ်းရေး အေဂျင်စီ NSA က ဝန်ထမ်းဟောင်း Edward Snowden ရဲ့ ထုတ်ဖေါ်မှုပေါ် အခြေခံတဲ့ သတင်းတွေ ရေးသားခဲ့တာမို့ အမေရိကန်သမ္မတက သူ့နိုင်ငံရဲ့ ထောက်လှန်းမှုတွေကို ကန့်သတ်ခဲ့ရတဲ့အထိ ကိုယ်ရေးလွတ်လပ်ခွင့်ဆိုင်ရာ အခြေအတင် ငြင်းခုံမှုတွေ ဖြစ်ပွါးခဲ့တာပါ။

အထူးသတင်းအတွက် ဆုကိုတော့ ဘောစ်စတွန်မာရသွန်ဗုံးဖေါက်ခွဲမှုနဲ့ ဗုံးဖေါက်ခွဲသူကို လိုက်ရှာတဲ့ အကြောင်း ရေးသားတဲ့ Boston Globe က ရခဲ့ပါတယ်။ ကင်ညာနိုင်ငံ Westgate mall မှာ အကြမ်းဖက် အတိုက်ခိုက်ခံရတဲ့ အထူးသတင်းမှတ်တမ်းနဲ့ ဓါတ်ပုံအတွက် ဆု ၂ ခု ဆွတ်ခူးခဲ့တဲ့ သတင်းဌာနကတော့ The New York Times ပါ။ [၁]

  • မှတ်ချက်။ ။ မြန်မာပြည်မှလည်း ဆုရဖူးသူရှိသည်ဟု ကြားဖူးပါသည်။ သိရှိသူများဖြည့်စွက်ပေးကြပါရန်။

ကိုးကား[ပြင်​ဆင်​ရန်​]

  1. http://burmese.voanews.com/content/pulitzer-prize-winners-for-2014-/1893436.html