ပခုက္ကူမြို့

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ပခုက္ကူမြို့
—  မြန်မာနိုင်ငံရှိ မြို့များ  —
ပခုက္ကူမြို့ is located in Burma
ပခုက္ကူမြို့
မြို့တည်နေရာပြ မြန်မာနိုင်ငံမြေပုံ
Coordinates: 21°20′N 95°4′E / 21.333°N 95.067°E / 21.333; 95.067
နိုင်ငံအမည် မြန်မာနိုင်ငံ၏ အလံတော် မြန်မာ
တိုင်းဒေသကြီး မကွေး
ခရိုင် ပခုက္ကူ
လတ္တီကျု (၂၁)ဒီဂရီ၊ (၂၀)မိနစ်
လောင်ဂျီကျု (၉၅)ဒီဂရီ၊ (၄)မိနစ်
မြို့နယ်ရုံးစိုက်ရာမြို့ ပခုက္ကူမြို့
Time zone မြန်မာစံတော်ချိန် (UTC+ ၆ နာရီ ၃၀ မိနစ်)


ပခုက္ကူမြို့ တည်နေရာပြပုံ

တည်နေရာ[ပြင်​ဆင်​ရန်​]

ပခုက္ကူမြို့သည် မြန်မာနိုင်ငံ အလယ်ပိုင်း၊ မကွေးတိုင်းတွင် တည်ရှိပြီး တိုင်း၏ ဒုတိယအကြီးဆုံးမြို့ ဖြစ်သည်။ ဧရာဝတီမြစ် အနောက်ဖက်ကမ်းတွင် တည်ရှိသော မြို့ဖြစ်သည်။ ခရိုင်မြို့တော်ဖြစ်ပြီး ဧရာအနောက်မြို့တော် ဟုလည်း ခေါ်တွင်သည်။ မန္တလေးမှ အနောက်တောင်ဘက်၌ တည်ရှိပြီး ရ၅-မိုင်ခန့် ကွာဝေးသည်။

ပခုက္ကူမြို့သည် မြန်မာနိုင်ငံ အင်္ဂလိပ်လက်အောက် မကျရောက်မီ တံငါရွာကလေး တစ်ရွာသာ ဖြစ်ခဲ့သည်။ ယခုကဲ့သို့ မြစ်ကမ်းပေါ်၌လည်း မတည်ရှိခဲ့ပေ။ ၁၈၈၅-ခုနှစ်တွင် ပခုက္ကူရွာကလေးနှင့် ဧရာဝတီမြစ်ကြီး အကြားရှိ ကျယ်ပြန့်သော သဲသောင်ကြီး ပျောက်ကွယ်သွားသည်။ မြစ်ကြောင်းသည် ပခုက္ကူရွာ ကလေးအနီး စီးဆင်းသွားပြီး ဆိပ်ကမ်းဖြစ်လာသည်။ ပခုက္ကူရွာကလေးကို အစွဲပြု၍ ပခုက္ကူမြို့ ဖြစ်လာသည်။ [၁]

ပခုက္ကူခရိုင်[ပြင်​ဆင်​ရန်​]

ပခုက္ကူခရိုင်တွင် (၅)မြို့နယ် ပါဝင်ပြီး ၄င်းတို့မှာ-

  • ပခုက္ကူမြို့နယ်
  • ရေစကြိုမြို့နယ်
  • မြိုင်မြို့နယ်
  • ဆိပ်ဖြူမြို့နယ်
  • ပေါက်မြို့နယ်

ထင်ရှားကျော်ကြားသော ဘုရားများ[ပြင်​ဆင်​ရန်​]

ပခုက္ကူမြို့ရှိ သီဟိုရ်ရှင်ဘုရားကို မြို့ခံများက ဘုရားကြီးဟုလည်း ခေါ်ဆိုပြီး အထူးထင်ရှားသည်။ နှစ်စဉ်နှစ်တိုင်း နယုန်လတွင် ဘုရားပွဲတော် ကျင်းပလေ့ရှိပြီး အနယ်နယ် အရပ်ရပ်မှ ၁၂-ပွဲဈေးသည်များ၊ ဘုရားဖူး ဧည့်သည်များဖြင့် ဘုရားပွဲတော်မှာ အလွန်စည်ကားလှပါသည်။ နာမည်ကျော် ဇာတ်အဖွဲ့များ၊ ဆပ်ကပ်အဖွဲ့များလည်း လာရောက် ဖြေဖျော်ကြပါသည်။

ဗိုလ်ချုပ်လမ်းမပေါ်တွင် တည်ရှိသော ရွှေကူဘုရားသည်လည်း ထင်ရှားလှပါသည်။ ရွှေကူတံကဲတော်ကြီးမှာ ပန်းပုလက်ရာ အလွန် မြောက်သဖြင့် နာမည်ကျော်လှသည်။

ရွှေချောင်းရပ်၊ ဧရာဝတီမြစ်ကမ်းနဖူးပေါ်တွင် တည်ရှိသော ရွှေမုဋ္ဌောစေတီမှာလည်း ထင်ပေါ်လှပါသည်။

သံဃာစာသင်တိုက်များ[ပြင်​ဆင်​ရန်​]

မြန်မာပြည်တွင် သံဃာထု ဒုတိယအများဆုံး သီတင်းသုံးရာ ပခုက္ကူတွင် မဟာဝိဇယာရာမ ပါဠိတက္ကသိုလ်(အရှေ့တိုက်)၊ မဟာဝိသုတာရာမ ပါဠိတက္ကသိုလ် (အလယ်တိုက်)၊ သာသနာ့ ဝိပုလာရာမ ပါဠိတက္ကသိုလ် (အနောက်တိုက်) ဟူ၍ စာသင်တိုက်ကြီး ၃ တိုက်ရှိရာ ဗောဓိမဏ္ဍိုင်၊ မြတိုက်၊ မတ္တထောင် စသည့် စာသင်တိုက်ငယ်များ ရှိပြီး အခြား ကျောင်းတိုက်ငယ်များနှင့် ဆိုပါက သံဃာတော်ပေါင်း ၄ဝဝဝ ကျော်ရှိသည်။ [၂] ပခုက္ကူရှိ သံဃာ့ စာသင်တိုက်များတွင် ပခုက္ကူစာချနည်းအား မလိုက်ဖူးသော သံဃာများကို စာ အပြည့်အစုံ တတ်သည်ဟု မဆိုနိုင်ပေ ဆိုသော အပြောများရှိသည်။

တက္ကသိုလ်များ၊ အခြေခံပညာသင်ကျောင်းများ[ပြင်​ဆင်​ရန်​]

တက္ကသိုလ်၊ကောလိပ်များ[ပြင်​ဆင်​ရန်​]

  • ပခုက္ကူတက္ကသိုလ်၊
  • ပခုက္ကူပညာရေးကောလိပ်
  • ပခုက္ကူနည်းပညာတက္ကသိုလ်
  • ပခုက္ကူကွန်ပျူတာတက္ကသိုလ်

အခြေခံပညာကျောင်းများ[ပြင်​ဆင်​ရန်​]

  • အခြေခံမူလတန်းကျောင်းများစွာ
  • အလယ်တန်းကျောင်း ၃ ကျောင်း
  • အထက်တန်းကျောင်း ၄ ကျောင်း

ဒေသထွက်စိုက်ပျိုးရေးထွက်ကုန်များ[ပြင်​ဆင်​ရန်​]

ပခုက္ကူနယ်မှ အဓိက စိုက်ပျိုးရေး ထွက်ကုန်မှာ ဆေးရွက်ကြီး၊ ဗာဂျီးနီးယာ၊ ဝါ၊ မြေပဲ၊ နှမ်း၊ ပြောင်း၊ ပဲအမျိုးမျိုးတို့ဖြစ်သည်။

စက်မှုလက်မှုထုတ်ကုန်များ[ပြင်​ဆင်​ရန်​]

ပခုက္ကူနယ်တွင် ယက္ကန်းလုပ်ငန်း ထွန်းကားပြီး၊ ပခုက္ကူစောင်(ဝါဒစောင်)၊ ချည်ပုဆိုး၊ တံဘက်များ ယက်လုပ်ကြပါသည်။ အစိုးရပိုင် စီးကရက်စက်ရုံများ၊ စက်ယက္ကန်း စက်ရုံများလည်းရှိပါသည်။ ပခုက္ကူ စက်မှုဇုံမှ ပခုက္ကူဂျစ်များလည်း ထုတ်လုပ်သည်။

ကိုးကား[ပြင်​ဆင်​ရန်​]

  1. မောင်ကြည်သန့် ၏ မြန်မာ့ မြို့ရွာဒေသ ဝေါဟာရ(၂၀၀)
  2. http://www.mizzimaburmese.com/component/content/article/196----.html