ပခုက္ကူမြို့

ပခုက္ကူမြို့
—  မြန်မာနိုင်ငံရှိ မြို့များ  —
ပခုက္ကူမြို့ မြို့တည်နေရာပြ မြန်မာနိုင်ငံမြေပုံ
Coordinates: 21°20′N 95°4′E
နိုင်ငံအမည်	မြန်မာ
တိုင်းဒေသကြီး	မကွေး
ခရိုင်	ပခုက္ကူ
လတ္တီကျု	(၂၁)ဒီဂရီ၊ (၂၀)မိနစ်
လောင်ဂျီကျု	(၉၅)ဒီဂရီ၊ (၄)မိနစ်
မြို့နယ်ရုံးစိုက်ရာမြို့	ပခုက္ကူမြို့
Time zone	မြန်မာစံတော်ချိန် (UTC+ ၆ နာရီ ၃၀ မိနစ်)

ပခုက္ကူမြို့ တည်နေရာပြပုံ

တည်နေရာ

ပခုက္ကူမြို့သည် မြန်မာနိုင်ငံ အလယ်ပိုင်း၊ မကွေးတိုင်းတွင် တည်ရှိပြီး တိုင်း၏ ဒုတိယအကြီးဆုံးမြို့ ဖြစ်သည်။ ဧရာဝတီမြစ် အနောက်ဖက်ကမ်းတွင် တည်ရှိသော မြို့ဖြစ်သည်။ ခရိုင်မြို့တော်ဖြစ်ပြီး ဧရာအနောက်မြို့တော် ဟုလည်း ခေါ်တွင်သည်။ မန္တလေးမှ အနောက်တောင်ဘက်၌ တည်ရှိပြီး ရ၅-မိုင်ခန့် ကွာဝေးသည်။

ပခုက္ကူမြို့သည် မြန်မာနိုင်ငံ အင်္ဂလိပ်လက်အောက် မကျရောက်မီ တံငါရွာကလေး တစ်ရွာသာ ဖြစ်ခဲ့သည်။ ယခုကဲ့သို့ မြစ်ကမ်းပေါ်၌လည်း မတည်ရှိခဲ့ပေ။ ၁၈၈၅-ခုနှစ်တွင် ပခုက္ကူရွာကလေးနှင့် ဧရာဝတီမြစ်ကြီး အကြားရှိ ကျယ်ပြန့်သော သဲသောင်ကြီး ပျောက်ကွယ်သွားသည်။ မြစ်ကြောင်းသည် ပခုက္ကူရွာ ကလေးအနီး စီးဆင်းသွားပြီး ဆိပ်ကမ်းဖြစ်လာသည်။ ပခုက္ကူရွာကလေးကို အစွဲပြု၍ ပခုက္ကူမြို့ ဖြစ်လာသည်။

ပခုက္ကူခရိုင်

ပခုက္ကူခရိုင်တွင် (၅)မြို့နယ် ပါဝင်ပြီး ၄င်းတို့မှာ-

• ပခုက္ကူမြို့နယ်
• ရေစကြိုမြို့နယ်
• မြိုင်မြို့နယ်
• ဆိပ်ဖြူမြို့နယ်
• ပေါက်မြို့နယ်

ထင်ရှားကျော်ကြားသော ဘုရားများ

ပခုက္ကူမြို့ရှိ သီဟိုရ်ရှင်ဘုရားကို မြို့ခံများက ဘုရားကြီးဟုလည်း ခေါ်ဆိုပြီး အထူးထင်ရှားသည်။ နှစ်စဉ်နှစ်တိုင်း နယုန်လတွင် ဘုရားပွဲတော် ကျင်းပလေ့ရှိပြီး အနယ်နယ် အရပ်ရပ်မှ ၁၂-ပွဲဈေးသည်များ၊ ဘုရားဖူး ဧည့်သည်များဖြင့် ဘုရားပွဲတော်မှာ အလွန်စည်ကားလှပါသည်။ နာမည်ကျော် ဇာတ်အဖွဲ့များ၊ ဆပ်ကပ်အဖွဲ့များလည်း လာရောက် ဖြေဖျော်ကြပါသည်။

ဗိုလ်ချုပ်လမ်းမပေါ်တွင် တည်ရှိသော ရွှေကူဘုရားသည်လည်း ထင်ရှားလှပါသည်။ ရွှေကူတံကဲတော်ကြီးမှာ ပန်းပုလက်ရာ အလွန် မြောက်သဖြင့် နာမည်ကျော်လှသည်။

ရွှေချောင်းရပ်၊ ဧရာဝတီမြစ်ကမ်းနဖူးပေါ်တွင် တည်ရှိသော ရွှေမုဋ္ဌောစေတီမှာလည်း ထင်ပေါ်လှပါသည်။

သံဃာစာသင်တိုက်များ

မြန်မာပြည်တွင် သံဃာထု ဒုတိယအများဆုံး သီတင်းသုံးရာ ပခုက္ကူတွင် မဟာဝိဇယာရာမ ပါဠိတက္ကသိုလ်(အရှေ့တိုက်)၊ မဟာဝိသုတာရာမ ပါဠိတက္ကသိုလ် (အလယ်တိုက်)၊ သာသနာ့ ဝိပုလာရာမ ပါဠိတက္ကသိုလ် (အနောက်တိုက်) ဟူ၍ စာသင်တိုက်ကြီး ၃ တိုက်ရှိရာ ဗောဓိမဏ္ဍိုင်၊ မြတိုက်၊ မတ္တထောင် စသည့် စာသင်တိုက်ငယ်များ ရှိပြီး အခြား ကျောင်းတိုက်ငယ်များနှင့် ဆိုပါက သံဃာတော်ပေါင်း ၄ဝဝဝ ကျော်ရှိသည်။ ပခုက္ကူရှိ သံဃာ့ စာသင်တိုက်များတွင် ပခုက္ကူစာချနည်းအား မလိုက်ဖူးသော သံဃာများကို စာ အပြည့်အစုံ တတ်သည်ဟု မဆိုနိုင်ပေ ဆိုသော အပြောများရှိသည်။

တက္ကသိုလ်များ၊ အခြေခံပညာသင်ကျောင်းများ

တက္ကသိုလ်၊ကောလိပ်များ

• ပခုက္ကူတက္ကသိုလ်၊
• ပခုက္ကူပညာရေးကောလိပ်
• ပခုက္ကူနည်းပညာတက္ကသိုလ်
• ပခုက္ကူကွန်ပျူတာတက္ကသိုလ်

အခြေခံပညာကျောင်းများ

• အခြေခံမူလတန်းကျောင်းများစွာ
• အလယ်တန်းကျောင်း ၃ ကျောင်း
• အထက်တန်းကျောင်း ၄ ကျောင်း

ဒေသထွက်စိုက်ပျိုးရေးထွက်ကုန်များ

ပခုက္ကူနယ်မှ အဓိက စိုက်ပျိုးရေး ထွက်ကုန်မှာ ဆေးရွက်ကြီး၊ ဗာဂျီးနီးယာ၊ ဝါ၊ မြေပဲ၊ နှမ်း၊ ပြောင်း၊ ပဲအမျိုးမျိုးတို့ဖြစ်သည်။

စက်မှုလက်မှုထုတ်ကုန်များ

ပခုက္ကူနယ်တွင် ယက္ကန်းလုပ်ငန်း ထွန်းကားပြီး၊ ပခုက္ကူစောင်(ဝါဒစောင်)၊ ချည်ပုဆိုး၊ တံဘက်များ ယက်လုပ်ကြပါသည်။ အစိုးရပိုင် စီးကရက်စက်ရုံများ၊ စက်ယက္ကန်း စက်ရုံများလည်းရှိပါသည်။ ပခုက္ကူ စက်မှုဇုံမှ ပခုက္ကူဂျစ်များလည်း ထုတ်လုပ်သည်။