နိုဝင်ဘာ ၂၀၁၁

ဝီကီပီးဒီးယား မှ
၂၀၁၁ : ဇန်နဝါရီ • ဖေဖော်ဝါရီ • မတ် • ဧပြီ • မေ • ဇွန် • ဇူလိုင် • ဩဂုတ် • စက်တင်ဘာ • အောက်တိုဘာ • နိုဝင်ဘာ • ဒီဇင်ဘာ

(၁) ရက်[ပြင်ဆင်ရန်]

  • အမေရိကန်နိုင်ငံဒီမိုကရေစီ၊ လူ့အခွင့်အရေးနှင့် အလုပ်သမားရေးရာလက်ထောက် နိုင်ငံခြားရေးဝန်ကြီး မိုက်ကယ်ပိုစနာက နိုဝင်ဘာလ ၁ရက်နေ့တွင် မြန်မာနိုင်ငံသို့ ရောက်ရှိ။ [၁]
  • တရုတ်နိုင်ငံသည် ရှင်ကျိုး (၈) အာကာသယာဉ်ကို ပစ်လွှတ်သည်။ ကနဦး ပစ်လွှတ်ထားသော ထျန်းကုန်း (၁) အာကာသစခန်း ယာဉ်နှင့် ချိတ်ဆက်မည် ဖြစ်သည်။ [၂]
  • ပြည်တွင်းဘဏ်တစ်ခုဖြစ်သော စီဘီဘဏ်မှ အေတီအမ် ကတ်စနစ်ကို စတင် ဝန်ဆောင်မှုပေး၊ အခြားပုဂ္ဂလိက ဘဏ်အချို့မှ မကြာမီ ဝန်ဆောင်မှုပေးမည်။ [၃]

(၂)ရက်[ပြင်ဆင်ရန်]

  • မြန်မာနိုင်ငံဆိုင်ရာ အမေရိကန် အထူးကိုယ်စားလှယ် ဒဲရက်မစ်ချဲလ်က နိုဝင်ဘာလ ၂ရက်နေ့တွင် မြန်မာနိုင်ငံသို့ ရောက်ရှိ။ [၁]
  • တရုတ်နိုင်ငံ၏ ရှင်ကျိုး (၈) အာကာသယာဉ် ထျန်းကုန်း(၁) နှင့် ချိတ်ဆက်မိပြီဖြစ်သည်။ တရုတ်နိုင်ငံ၏ အာကာသ သမိုင်းတွင် ပထမဆုံး ချိတ်ဆက်မိခြင်း ဖြစ်သည်။ [၄]

(၃)ရက်[ပြင်ဆင်ရန်]

  • ကုလသမဂ္ဂ အတွင်းရေးမှူးချုပ်၏ အထူးအကြံပေးပုဂ္ဂိုလ် ဗီဂျေးနမ်ဘီယာနှင့် ဒေါ်အောင်ဆန်းစုကြည်တို့သည် နိုဝင်ဘာလ ၃ရက်နေ့ ညနေ ၅နာရီ မိနစ် ၃၀အချိန်က ရန်ကုန်မြို့၊ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည် နေအိမ်၌ တွေ့ဆုံခဲ့။ [၅]
  • ကရင်ပြည်နယ် ငြိမ်းချမ်းရေးဖော်ဆောင်ရေးအဖွဲနှင့် ကလို့ထူးဘောတပ်ဖွဲ့ (ယခင် DKBA) တို့ ၂၀၁၁ခုနှစ်၊ နိုဝင်ဘာလ (၃)ရက်နေ့တွင် ဘားအံမြို့၌ နှစ်ဦးနှစ်ဖက် တွေ့ဆုံဆွေးနွေး ညှိနှိုင်းမှုများ ပြုလုပ်ကြပြီး ငြိမ်းချမ်းရေး တည်ဆောက်ရန်အတွက် ပဏာမငြိမ်းချမ်းရေး သဘောတူညီချက် (၅)ချက်ကို လက်မှတ်ရေးထိုးကြသည်။ [၆]

(၆)ရက်[ပြင်ဆင်ရန်]

  • တရုတ်နိုင်ငံမှ ပင့်ဆောင်ပူဇော်သည့် ဗုဒ္ဓမြတ်စွယ်တော် နေပြည်တော်သို့ ရောက်ရှိ။ [၇]

(၇)ရက်[ပြင်ဆင်ရန်]

  • မိုက်ကယ်ဂျက်ဆင် သေဆုံးမှုတွင် သူ၏ ဆရာဝန်ဖြစ်သူ ဒေါက်တာ ကွန်းရက် မာရေး အပြစ်ရှိကြောင်း တွေ့ရှိရသည်။ [၈]

(၈)ရက်[ပြင်ဆင်ရန်]

  • ထိုင်းနိုင်ငံရေးကြီးမှုသည် ဝန်ကြီးချုပ် ယင်လပ် ၏ နေအိမ်အထိရောက်ရှိလာပြီဖြစ်ပြီး၊ ဟာဝိုင်အီ တွင်ကျင်းပမည့် အေးပက် ထိပ်သီးဆွေးနွေးပွဲ တက်ရောက်ရန် အစီအစဉ်ကို ပယ်ဖျက်လိုက်သည်။
  • အချင်း ပေပေါင်း ၁၃၀၀ ကျော်ရှိသော ဥက္ကာပျံအမှတ် ဝိုင်ယူ-၅၅ သည် ကမ္ဘာကြီးအနီး (မိုင်ပေါင်း ၂၀၁,၇၀၀) အကွာမှ ဖြတ်သန်းသွားကြောင်း နာဆာမှ ကြေညာ။ ယင်းသည် ၁၉၇၆ ခုနှစ်က ကမ္ဘာနှင့် အနီးဆုံးသို့ နောက်ဆုံး ရောက်ရှိခဲ့ဖူးသည်။ [၉]

(၉)ရက်[ပြင်ဆင်ရန်]

  • ထိုင်းနိုင်ငံ ရေကြီးမှုကြောင့် သေဆုံးသူဦးရေ (၅၂၉)ယောက်ထိ ရှိပြီ ဖြစ်ကြောင်း သိရသည်။ [၁၀]
  • ပြင်းအား အဆင့် ၅.၇ ရှိသော ငလျင်တစ်ခု ယခင်လှုပ်ခဲ့သော တူရကီနိုင်ငံ၊ ဗန်းမြို့အနီးတွင်ပင် ထပ်မံ လှုပ်ခတ်သည်။ [၁၁]
  • ပညာသင်ကြေး တိုးမြှင့်မှုကို မကျေနပ်သည့်အတွက် အင်္ဂလိပ်ကျောင်းသားထောင်ပေါင်းများစွာတို့ လန်ဒန်မြို့လယ်သို့ ချီတက်ဆန္ဒပြကြသည်။ [၁၂]
  • မြန်မာနိုင်ငံတွင် ပဉ္စမမြောက် ရင်ချင်းဆက်အမြွှာ (မအင်ကြင်းခိုင်နှင့် မအင်ကြင်းလှိုင်) ခွဲစိတ်ကုသမှု အောင်မြင်။ [၁၃]

(၁၀)ရက်[ပြင်ဆင်ရန်]

  • လစ်လပ်မဲဆန္ဒနယ် ၄၈ ခု အတွက် ကြားဖြတ်ရွေးကောက်ပွဲ ကျင်းပနိုင်ရန် ကြိုတင်ပြင်ဆင် ဆောင်ရွက်ထားရှိရေး ပြည်ထောင်စု ရွေးကောက်ပွဲကော်မရှင်က တိုင်းဒေသကြီး/ပြည်နယ် ကော်မရှင် အဖွဲ့ခွဲများသို့ နိုဝင်ဘာလ ဒုတိယပတ်က အကြောင်းကြား ထားကြောင်းသိရ။ ၂၀၁၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲတွင် ရွေးကောက် တင်မြှောက် လိုက်သည့် လွှတ်တော်ကိုယ်စားလှယ်များအနက် ပြည်သူ့လွှတ်တော်တွင် နေရာ ၄၀၊ အမျိုးသားလွှတ်တော်တွင် ၆ နေရာ၊ တိုင်းဒေသကြီး/ပြည်နယ် လွှတ်တော်တွင် ၂ နေရာ စုစုပေါင်း ၄၈ နေရာတွင် လွှတ်တော်ကိုယ်စား လှယ်များ လစ်လပ်လျက်ရှိသည်။ [၁၄]
  • ဧရာဝတီတိုင်းဒေသကြီး မြန်အောင်မြို့နယ် မြန်အောင်ရေနံမြေ အနီးဝန်းကျင်ရှိ အသုံးမပြုတော့သည့် လွန်ခဲ့သည့် ၁၀ နှစ်ခန့်မှစ၍ အသုံးမပြုတော့သည့် ရေနံသိုလှောင်ကန် TAC-122 ၏ အရှေ့တောင်ဘက်နှင့် မြောက်ဘက်တို့တွင် နိုဝင်ဘာလ ၁၀ ရက်နေ့ ည ၇ နာရီ ၄၅ မိနစ်ခန့်တွင် ဗုံးနှစ်လုံး ပေါက်ကွဲခဲ့သည်။ ပေါက်ကွဲမှုကြောင့် ကွန်ကရစ်လမ်းအချို့ အက်ကြောင်းများ ဖြစ်ပေါ်ခဲ့ သော်လည်း လူနှင့်တိရစ္ဆာန်အပါအဝင် အခြားပျက်စီးမှုမရှိကြောင်း သိရှိရသည်။ [၁၅]

(၁၁)ရက်[ပြင်ဆင်ရန်]

[၁၆]

  • ကွန်ပျူတာ၌မြန်မာစာသုံး သာလွန် မြန်မာ အိုအက်(စ်) ထွက်ရှိသည်။ ကွန်ပျူတာစက်လည်ပတ်စနစ်တွင် မြန်မာစာဖြင့်အသုံးပြုမှုအတွက် ပထမဆုံးစတင်တီထွင်မှုလည်း ဖြစ်သည်။

(၁၂)ရက်[ပြင်ဆင်ရန်]

  • အီတလီ ဝန်ကြီးချုပ် ဘာလူစကိုနီ နုတ်ထွက်သည်။ [၁၇]
  • ရခိုင်ပြည်နယ် မင်းပြားမြို့ ဈေးသည် နိုဝင်ဘာလ ၁၂ ရက်နေ့ ည ၇ နာရီကျော်လောက်မှစ၍ မီးလောင်မှု ဖြစ်ပွားခဲ့ရာ ည ၉ နာရီ ၄၅ မိနစ်ခန့်တွင် တစ်ဈေးလုံးနီးပါး (ဆိုင်ခန်းပေါင်း ၆၀၀ ကျော်ရှိသည့် အနက်ဆိုင်ခန်း ၅၇၆ ခန်းခန့်) မီးလောင်ကျွမ်း ခဲ့သည်။ [၁၈]

(၁၃) ရက်[ပြင်ဆင်ရန်]

(၁၄)ရက်[ပြင်ဆင်ရန်]

  • (၁၉)ကြိမ်မြောက် အာဆီယံထိပ်သီး အစည်းအဝေးပွဲကို အင်ဒိုနီးရှားနိုင်ငံ ဘာလီတွင် စတင်ကျင်းပပြုလုပ်။ နိုင်ငံတော် သမ္မတ ဦးသိန်းစိန် တက်ရောက်။ နိုဝင်ဘာလ ၁၄ ရက်နေ့မှ နိုဝင်ဘာလ ၁၉ ရက်နေ့အထိ ကျင်းပမည်ဖြစ်သည်။
  • ၂၀၁၁ ခုနှစ် နိုဝင်ဘာလ ၁၄ ရက်နေ့ နံနက် ၁၁ နာရီ မိနစ် ၄၀ အချိန်တွင် ရန်ကုန်တိုင်းဒေသကြီး ကျောက်တန်းမြို့ အလယ်ပိုင်းရပ်ကွက် မင်းလမ်းရှိ ဆက်သွယ်ရေး စာတိုက်ဝင်း အတွင်းတွင် ရတနာပုံ တယ်လီပို့မှ GSM တာဝါတိုင် ဆောက်လုပ်ရန်အတွက် မြေတူးနေစဉ် မြေကြီးအနက် သုံးပေခန့် အရောက်၌ ရှေးဟောင်းပစ္စည်းများဟု ယူဆရသော ပစ္စည်း အများအပြား တွေ့ရှိခဲ့ကြောင်း သိရှိရသည်။ ယင်းပစ္စည်းများမှာ အလေးချိန် ၂၀ ပိဿါ ၆၅ ကျပ်သားရှိ ကြေးဟု ယူဆရသော သုံးပေခန့် မတ်ရပ်ကိုယ်တော် တစ်ဆူ၊ အလေး ချိန် ၈၅ ကျပ်သားရှိ ကြေးဟုယူဆရသော ၁၀ လက်မ မတ်ရပ်ကိုယ် တော် တစ်ဆူ၊အလေးချိန် ၈၀ ကျပ်သားရှိ ကြေးဟုယူဆရသော တင်ပျဉ်ခွေကိုယ်တော် တစ်ဆူ၊ အလေးချိန် ၁၅ ကျပ်သားရှိ ကြေး ဟုယူဆရသော ခုနစ်လက်မ မတ် ရပ်ကိုယ်တော်တစ်ဆူ၊ အလေးချိန် ၁ ပိဿါ ၁၅ ကျပ်သားရှိ ကြေး ဟုယူဆရသော ၅ ဒသမ ၆ လက်မ ရှိ တင်ပျဉ်ခွေကိုယ်တော်နှစ်ဆူ၊ အလေးချိန် ၁၅ ကျပ်သားရှိ ကြေး ဟု ယူဆရသောသုံးလက်မ တင်ပျဉ်ခွေ တစ်ဆူ၊ ရွှေအလေးချိန် ၄ ကျပ် ၅ ပဲသားရှိ ရွှပြေားကပ်ခုနစ်လက်မ ခန့် တင်ပျဉ်ခွေ တစ်ဆူ၊ ရွှေအလေး ချိန် ၁ ကျပ် ၁၄ ပဲသားရှိ ခြောက် လက်မ၊ ရွှေပြားကပ်တင်ပျဉ်ခွေ တစ်ဆူ၊ ရွှေအလေးချိန် ၃ ကျပ် ၁၃ ပဲသားရှိ ရှစ်လက်မ ရွှပြေားကပ် တင် ပျဉ်ခွေပုံတော်တစ်ဆူ၊ နှစ်လက်မ အရွယ် တင်ပျဉ်ခွေ အုတ်ဘုရား တစ်ဆူ၊ အလျား ၁၀ လက်မအနံငါး လက်မ၊ အလေးချိန် ၂ ကျပ် ၈ ပဲ ၄ ရွေးသားရှိ ရွှပြေားတစ်ပြား၊ အလေး ချိန် ၁ ကျပ် ၁၁ ပဲ ၄ ရွေးရှိ အလျား ခုနစ်လက်မ၊ အနံ လေးလက်မ ရွှပြေားခတ် တစ်ပြား၊ အလေးချိန် ၂ ကျပ် ၄ ပဲ ၄ ရွေးရှိ အလျားခြောက် လက်မ၊ အနံလေးလက်မ ရွှေပြားခတ်တစ်ပြား၊ သုံးလက်မပတ်လည် ခန့်ရှိအုတ်ခွက်ဘုရားသုံးဆူ၊ အလေး ချိန် ၃ ပိဿါ ၅၀ ကျပ်သားရှိ ကြေးဟုထင်ရသော ရှစ်လက်မပတ်လည် ကလပ်တစ်ခု၊ အလေးချိန် ၇၅ ကျပ်သားရှိ ကြေးဟုထင်ရသော အချင်းငါးလက်မ၊ အမြင့်သုံးလက်မရှိ ကြေးကလပ်တစ်ခု၊ အလေးချိန် ၈၀ ကျပ်သားရှိ အလျား လေးလက်မ၊ အမြင့် ခုနစ်လက်မ၊ အနံ ၃ ဒသမ ၆ လက်မရှိ ကြေးဟုထင်ရသော ပလ္လင် တစ်ခု၊ အလေးချိန် ၂၀ ကျပ် သားရှိ ကြေးဟုထင်ရသော အလျား ၅ ဒသမ ၆ လက်မ၊ အနံ သုံးလက်မရှိ နဂါးခေါင်းပုံ တစ်ခု၊ အချင်း ၁၁ လက်မ၊ အမြင့် ငါးလက်မရှိ ကျောက်ခွက် တစ်ခု၊ အချင်း ၆ ဒသမ ၆ လက်မ၊ အမြင့် ၁၃ လက်မ (အဖုံးပါ)အုတ်ဖြင့် ပြုလုပ်ထားသော အိုးတစ်လုံး၊ ကျောက်ခွက် အပိုင်းအစ သုံးခုတို့ဖြစ်ကြောင်း သိရသည်။ [၁၉]

(၁၇)ရက်[ပြင်ဆင်ရန်]

  • တရုတ်နိုင်ငံ၏ လူမပါသော ရှင်ကျိုး(၈) အာကာသယာဉ် မြေပြင်သို့ ချောမောစွာပြန်လည်ဆင်းသက်။ [၂၀]

(၁၈)ရက်[ပြင်ဆင်ရန်]

  • အမျိုးသားဒီမိုကရေစီ အဖွဲ့ချုပ်ကို နိုင်ငံရေးပါတီများ မှတ်ပုံတင်ခြင်း ဥပဒေနှင့်အညီ မှတ်ပုံတင်၍ နောင်လာမည့် ရွေးကောက်ပွဲများတွင် ဝင်ရောက်ယှဉ်ပြိုင် အရွေးခံမည်ဟု နိုဝင်ဘာလ ၁၈ ရက်နေ့က ပြုလုပ်သည့် အမျိုးသားဒီမိုကရေစီ အဖွဲ့ချုပ် ဗဟိုဦးစီးအဖွဲ့အစည်းအဝေးက ကန့်ကွက်သူမရှိ တညီတညွတ်တည်း ဆုံးဖြတ်ခဲ့ကြသည်။ [၂၁]


  • ရခိုင်ပြည်နယ်၊ မောင်တောမြို့နယ် ဒုချရားတန်းကျေးရွာအနီး လယ်ကွင်းပြင်တွင် နိုဝင်ဘာလ ၁၈ ရက်နေ့ မွန်းလွဲ ၁၂ နာရီခွဲခန့်တွင် ဒုတိယကမ္ဘာစစ်ကျန် ဗုံးတစ်လုံး ပေါက်ကွဲမှု ဖြစ်ပွားခဲ့သည်။ ရေခမ်းနေသော ကန်ပျက်ချိုင့်အတွင်း ကောက်ရိုးများကို စုပုံမီးရှို့ရာမှ ပေါက်ကွဲခြင်းဖြစ်ပြီး ယင်းမီးရှို့သူမှာ ဗုံးဆံထိမှန်ကာ မောင်တောဆေးရုံကြီးတွင် အတွင်းလူနာအဖြစ် ဆေးကုသမှု ခံယူလျက်ရှိကြောင်း သိရသည်။ [၂၂]

(၁၉)ရက်[ပြင်ဆင်ရန်]

  • အမေရိကန်သမ္မတ အိုဘားမား၏ သဘောထားနှင့် ဒေါ်အောင်ဆန်းစုကြည်ပါတီ မှတ်ပုံတင်မည့် သတင်းများမှာ သတင်းကောင်းများ ဖြစ်ခဲ့ကြောင်း နိုဝင်ဘာလ ၁၉ရက် နေ့တွင် မြန်မာသတင်းသမားများ နှင့်တွေ့ဆုံချိန်တွင် နိုင်ငံတော်သမ္မတ ဦးသိန်းစိန်က မှတ်ချက်ပြု ပြောဆိုခဲ့သည်။ [၂၃]
  • အီဂျစ်နိုင်ငံ၊ ကိုင်ရိုမြို့၊ တီဟီရာ ရင်ပြင်တွင် စစ်အစိုးရအား ဆန့်ကျင် ဆန္ဒပြမှုပေါ်ပေါက်။ ၂ ယောက်သေဆုံးပြီး၊ ၆၀၀ ကျော် ဒဏ်ရာရ။ [၂၄]
  • ကဒါဖီ၏သား ဖြစ်သူ ဆာအိဖ် အယ် အစ္စလာမ် ကဒါဖီ အား လစ်ဗျားနိုင်ငံတွင်းမှာပင် ဖမ်းဆီးရမိ။ [၂၅]
  • အမေရိကန်ပြည်ထောင်စုသည် မိုင် ၂၃၀၀ အကွာရှိ ပစ်မှတ်များကို မိနစ် ၃၀ အတွင်း ထိမှန်အောင် ပစ်ခတ်နိုင်စွမ်းရှိသော hypersonic လက်နက်သစ် တစ်မျိုးကို စမ်းသပ် အောင်မြင်သည်။ [၂၆]

(၂၀)ရက်[ပြင်ဆင်ရန်]

  • ကိုင်ရိုမြို့ စစ်အစိုးရ ဆန့်ကျင်ရေး ဆန္ဒပြမှုများကြောင့် လူပေါင်း ၁၃ယောက်သေဆုံးပြီး ၉၀၀ ကျော် ဒဏ်ရာရသည်။ [၂၆]
  • စပိန်နိုင်ငံတွင် ရွေးကောက်ပွဲများ ကျင်းပသည်။ [၂၇]

(၂၁)ရက်[ပြင်ဆင်ရန်]

  • အမေရိကန်၊ အင်္ဂလန် နှင့် ကနေဒါ တို့က အီရန်နိုင်ငံ နျူကလီယာအစီအစဉ်ကြောင့် အီရန်နိုင်ငံအား ပိတ်ဆို့ အရေးယူမှု ထပ်မံပြုလုပ်။ [၂၈]

(၂၂)ရက်[ပြင်ဆင်ရန်]

  • အမျိုးသားဒီမိုကရေစီအဖွဲ့ချုပ် အထွေထွေ အတွင်းရေးမှူး ဒေါ် အောင်ဆန်းစုကြည် လာမည့် ကြားဖြတ် ရွေးကောက်ပွဲတွင် ဝင်ရောက်ယှဉ်ပြိုင်ရန် ရည်ရွယ်ထားကြောင်း အမျိုးသား ဒီမိုကရေစီ အဖွဲ့ချုပ်၏ ပြောရေးဆိုခွင့် ရှိသူ ဦးဉာဏ်ဝင်းက Eleven Media Group နှင့် တွေ့ဆုံစဉ် ပြောကြားခဲ့။ [၂၉]
  • တရုတ်ပြည်သူ့သမ္မတနိုင်ငံမှ စတုတ္ထအကြိမ်မြောက် ပင့်ဆောင် အပူဇော်ခံနေသော ဗုဒ္ဓမြတ်စွယ်တော်သည် နေပြည်တော်တွင် နိုဝင်ဘာလ (၆)ရက်မှ (၂၁)ရက်အထိ (၁၆)ရက်တာကာလ အပူဇော်ခံထားပြီးနောက် နိုဝင်ဘာ (၂၂)ရက်နေ့တွင် ရန်ကုန်မြို့သို့ ပင့်ဆောင်တော်မူသည်။ အပူဇော်ခံထားရှိစဉ် ငွေကျပ် သိန်းပေါင်း (၄၅၈၀)ကျော်၊ အမေရိကန်ဒေါ်လာ တစ်သောင်းကျော် အပြင် အခြားနိုင်ငံခြားငွေ မျိုးစုံ နှင့် လက်ဝတ်ရတနာမျိုးစုံ ၁၆၃၅ခု (စုစုပေါင်း ခန့်မှန်းတန်ဖိုး ကျပ်ငွေ ၁၂၂,၆၈၈,၄၆၀) အလှူခံ ရရှိခဲ့သည်။ [၃၀]
  • ရခိုင်ပြည်နယ် စစ်တွေ၊ ပေါက်တော၊ မင်းပြား၊ မြေပုံ၊ ရေနီကြီး၊ ကျောက်ဖြူ၊ ရမ်းဗြဲ၊ တောင်ကုတ် ရေကြောင်း ခရီးစဉ်ကိုပြေးဆွဲနေသည့် အောင်တံခွန် (၂) သင်္ဘော သည် (၂၂.၁၁.၂၀၁၁) အင်္ဂါနေ့အာရုံတက်ချိန် (ဝ၄း၃၀) အချိန်တွင် ရေလမ်းကြောင်းလွဲချော်ပြီး ကျောက်ဖြူမြို့နှင့် ရေမိုင်(၆) မိုင်ခန့် အကွာရှိ သံသမကျောက် (ဒေသခေါ်- ကျွဲရွီ) ကျောက်တန်းကို ဝင်တိုက်မိသဖြင့် သင်္ဘော ဦးပိုင်းပေါက်ကွဲသွားခဲ့သည်။ သတင်းရလျှင်ရချင်း မော်တော် ရေယာဉ်များ၊ ငါးဖမ်းစက်လှေများနှင့် တပ်မတော်ရေတပ် စစ်ရေယာဉ်အမှတ် (၁၆၈) အပါအဝင် ရေယာဉ်များစွာတို့ဖြင့် သွားရောက်ကယ်တင်ခဲ့ရာ ခရီးသည်အားလုံး စုစုပေါင်း (၃၂၁) ဦးစလုံးကို ကယ်ဆယ်နိုင်ခဲ့သည်။ [၃၁]

(၂၃)ရက်[ပြင်ဆင်ရန်]

  • အီဂျစ်နိုင်ငံ၊ ကိုင်ရိုမြို့လယ်ရှိ တာရီရာ ရင်ပြင်တွင် လုံခြုံရေးတပ်ဖွဲ့က ဆန္ဒပြသူများကို သုံးရက်ကြာ အကြမ်းဖက် နှိမ်နင်းခဲ့သဖြင့် ဆန္ဒပြသူ ၃၃ ယောက် သေဆုံးခဲ့ပြီးနောက် အီဂျစ်အစိုးရအဖွဲ့က နုတ်ထွက်စာကို စစ်ကောင်စီထံ တင်ပြခဲ့ပြီး နုတ်ထွက်စာကို လက်ခံရန်သင့်မသင့် စစ်ကောင်စီမှ စဉ်းစားနေကြောင်း အီဂျစ်ရုပ်မြင်သံကြားမှ ကြေညာ။ [၃၂]


(၂၄)ရက်[ပြင်ဆင်ရန်]

  • ၂၀၁၁ ခုနှစ်၊ မတ်လအတွင်းက ရာသီဥတုဆိုးရွားပြီး လေပြင်းတိုက်ခတ်မှုကြောင့် အိန္ဒိယနိုင်ငံသို့ ရောက်ရှိနေသော လေဘေးသင့် မြန်မာရေလုပ်သား ၁၃၅ ဦးအနက် ပထမအသုတ် (၇၀)ဦး မြန်မာအစိုးရ၏ အထူးလေယာဉ်ဖြင့် ရန်ကုန်မြို့သို့ ပြန်လည်ရောက်ရှိ။ [၃၃] [၃၄]
  • ပထမအကြိမ်ပြည်သူ့လွှတ်တော် ဒုတိယပုံမှန်အစည်းအဝေး ရက်ပေါင်း (၅၁) ရက် အကြာတွင် ကျင်းပပြီးစီး။ [၃၅]


  • လစ်ဗျား အသွင်ကူးပြောင်းရေးအစိုးရသစ် ကျမ်းသစ္စာကျိန်ဆို။ [၃၆]

(၂၅)ရက်[ပြင်ဆင်ရန်]

  • အီဂျစ် နိုင်ငံတွင် ၁၉၉၀ ပြည့်လွန်နှစ်များအတွင်း၌ သမ္မတ မူဘာရက် လက်အောက်တွင် ဝန်ကြီးချုပ်ဖြစ်ခဲ့ဖူးသော ကမာဂန်ဇူရီမှ လက်ရှိ အာဏာရ စစ်ကောင်စီ တာဝန် ရှိသူများ ဆွေးနွေးပြီးနောက် အစိုးရသစ်ဖွဲ့ရန် ယာယီ သဘောတူခဲ့။ [၃၇]
  • အိန္ဒိယနိုင်ငံရေပိုင်နက်အတွင်းသို့ မျောပါသွားခဲ့သော မြန်မာရေလုပ်သား (၁၃၅)ဦးအနက် ဒုတိယအသုတ် (၆၅)ဦး အထူးလေယာဉ်ဖြင့် ထပ်မံရောက်ရှိလာ။ [၄၀]

(၂၆)ရက်[ပြင်ဆင်ရန်]

  • ပျော်ဘွယ်မြို့နယ် ကြို့ကုန်းကျေးရွာအနီးမှ ကြေးခေတ် သံခေတ် ယဉ်ကျေးမှုဆိုင်ရာ ထူးခြားသော အထောက်အထားများတွေ့ရှိ။ လူရုပ်ကြွင်း ၃၅ ခုနှင့်အတူ ပစ္စည်းမျိုးစုံ (၁၀၄)မျိုး တွေ့ရှိရ။ [၄၂]
  • ပါကစ္စတန်နယ်စပ်စစ်စခန်းတစ်ခုအား နေတိုး ရဟတ်ယာဉ်များက တိုက်ခိုက်။ ပါကစ္စတန်စစ်သား (၂၆)ယောက်သေဆုံးပြီး (၁၄)ယောက်ဒဏ်ရာရ။ အစိုးရမှ ပါကစ္စတန်နိုင်ငံအတွင်း အခြေစိုက်ထားသော အမေရိကန် လေတပ်အခြေစိုက်စခန်းကို (၁၅)ရက်အတွင်း ရုပ်သိမ်းရန်ပြော။ [၄၃]

(၂၇)ရက်[ပြင်ဆင်ရန်]

(၂၈)ရက်[ပြင်ဆင်ရန်]

  • ရန်ကုန်မြို့အား စင်ကာပူနိုင်ငံကဲ့သို့ ဖြစ်အောင် လုပ်ဆောင်ရန် နိုင်ငံတော်သမ္မတမှ လမ်းညွှန်၊ လှည်းတန်း၊ ရွှေဂုံတိုင်၊ ဘုရင့်နောင်နှင့် တာမွေ(၅ လမ်းခွ) လမ်းဆုံတို့အား ၄ လ အတွင်း ခုံးကျော်တံတားများ အပြီးတည်ဆောက်မည်။ [၄၅]


(၂၉)ရက်[ပြင်ဆင်ရန်]

(၃၀)ရက်[ပြင်ဆင်ရန်]

  • အီရန်အစိုးရမှ ဆန္ဒပြကျောင်းသား (၁၂)ယောက်အား ဖမ်းဆီးထား။ အမေရိကန်နှင့် ကုလသမဂ္ဂမှ လုပ်ရပ်အားရှုတ်ချ။ အီရန်အစိုးရမှ ဝမ်းနည်းကြောင်းတောင်းပန်။ [၅၀]

ကိုးကား[ပြင်ဆင်ရန်]

  1. ၁.၀ ၁.၁ Home - Eleven Media Group
  2. Chinese Shenzhou craft launches on key space mission - BBC News
  3. Home - Eleven Media Group
  4. Chinese spacecraft dock in orbit - BBC News
  5. Home - Eleven Media Group
  6. ၂၀၁၁ခုနှစ်၊ နိုဝင်ဘာလ (၅)ရက်နေ့ထုတ် မြန်မာ့အခင်းသတင်းစာ။
  7. Home - Eleven Media Group
  8. Jackson fans, family see justice in verdict – USATODAY.com
  9. Giant asteroid passes near Earth - BBC News
  10. Froc admits it really doesn't know | Bangkok Post: news
  11. Turkey earthquake: Seven dead in toppled Van hotel - BBC News
  12. Thousands march in student protest over university fees - BBC News
  13. Home - Eleven Media Group
  14. Home - Eleven Media Group
  15. Home - Eleven Media Group
  16. Dazzling SEA Games open - Sat, November 12 2011 - The Jakarta Post
  17. Italy crisis: Silvio Berlusconi resigns as PM - BBC News
  18. Home - Eleven Media Group
  19. Home - Eleven Media Group
  20. http://news.xinhuanet.com/english2010/china/2011-11/17/c_131253165.htm
  21. Home - Eleven Media Group
  22. Home - Eleven Media Group
  23. Home - Eleven Media Group
  24. Egypt protests: Deadly clashes in Cairo and Alexandria - BBC News
  25. Gaddafi's son Saif al-Islam captured in Libya - BBC News
  26. ၂၆.၀ ၂၆.၁ Pentagon tests long-range hypersonic weapon - BBC News
  27. Spain election: Rajoy's Popular Party declares victory - BBC News
  28. U.S., Britain and Canada slap new sanctions on Iran - CNN
  29. Home - Eleven Media Group
  30. မြန်မာ့အလင်းသတင်းစာ (၂၃.၁၁.၂၀၁၁)
  31. Home - Eleven Media Group
  32. အစိုးရ အဖွဲ့ စစ်ကောင်စီ ထံမှာ နုတ်ထွက်စာတင် - BBC News မြန်မာ
  33. Home - Eleven Media Group
  34. ေလ​ေဘး​သင့္​ျမန္မာ​ေရလုပ္သား​မ်ား​ အိနၵိယနိုင္ငံမွ ​ေလယာဥ္ျဖင့္​ ျပန္​ေရာက္ | DVB
  35. ၃၅.၀ ၃၅.၁ မြန်မာ့အလင်းသတင်းစာ (၂၅.၁၁.၂၀၁၁)
  36. Home - Eleven Media Group
  37. အီဂျစ်မှာ အစိုးရသစ်ဖွဲ့ဖို့ ယာယီ သဘောတူ - BBC News မြန်မာ
  38. အီဂျစ်
  39. Home - Eleven Media Group
  40. ၄၀.၀ ၄၀.၁ မြန်မာ့အလင်းသတင်းစာ (၂၆.၁၁.၂၀၁၁)
  41. http://news.xinhuanet.com/english2010/china/2011-11/26/c_131271501.htm
  42. မြန်မာ့အလင်းသတင်းစာ (၂၇.၁၁.၂၀၁၁)
  43. Pakistan: NATO Raid Kills 26 Pakistani Troops။ 29 November 2011 တွင် မူရင်းအား မော်ကွန်းတင်ပြီး။ 29 November 2011 တွင် ပြန်စစ်ပြီး။
  44. မြန်မာ့အလင်းသတင်းစာ (၂၉.၁၁.၂၀၁၁)
  45. Home - Eleven Media Group
  46. http://news.xinhuanet.com/english2010/china/2011-11/28/c_131275049.htm
  47. http://news.xinhuanet.com/english2010/world/2011-11/29/c_131277786.htm
  48. Sudan expels Kenyan ambassador over Kenyan ruling to arrest al-Bashir - CNN
  49. ၄၉.၀ ၄၉.၁ မြန်မာ့အလင်းသတင်းစာ (၁.၁၂.၂၀၁၁)
  50. http://news.xinhuanet.com/english2010/world/2011-11/30/c_131277880.htm
  51. မြန်မာ့အလင်းသတင်းစာ (၁.၁၂.၂၀၀၁)