ဒေးဗစ် နှင့် ဆိုင်မွန် ရူဘန်

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
'

ဒေးဗစ် နှင့် ဆိုင်မွန် ရူဘန် တို့သည် လူသိများထင်ရှားသော ဗြိတိသျှ စီးပွားရေးလုပ်ငန်းရှင်များ ဖြစ်ကြပြီး လူသားချင်းစာနာ ချစ်ခင်သူများဖြစ်သည်။ Forbes မဂ္ဂဇင်း၏ ၂၀၁၀ အင်္ဂလန်နိုင်ငံ၏ အကြွယ်ဝဆုံးသော ဘီလျံနာများစာရင်းတွင် သူတို့ညီအစ်ကိုအား ခန့်မှန်းချေငွေကြေးပမာဏ ပေါင် ၅.၀ ဘီလျံ (၇.၅ ဘီလျံဒေါ်လာ)ဖြင့် ဒုတိယအချမ်းသာဆုံးပုဂ္ဂိုလ်များအဖြစ် သတ်မှတ်ထားသည်။ သူတို့သည် ရူဘန်ညီအစ်ကို ၏ ပူးတွဲအမှုဆောင်ချုပ်များအဖြစ် တာဝန်ယူထားသည်။

ငယ်ဘဝနှင့် အလုပ်အကိုင်[ပြင်​ဆင်​ရန်​]

သူတို့သည် ၁၉၇၀ နှင့် ၈၀ နှစ်များအတွင်း သတ္တုရောင်းဝယ်ရေးနှင့် မြေယာလုပ်ငန်းများကို တည်ထောင်ခြင်းဖြင့် စတင်ကြွယ်ဝလာခဲ့သည်။သူတို့၏ ချမ်းသာမှုတဝက်နီးပါးသည် ငွေကြေးများနှင့် စာချုပ်ချုပ်ဆိုမှုများသာဖြစ်သော သဘောတူညီမှုများသာ ဖြစ်သည်။ သူတို့သည် လူထုအကြားထင်ပေါ်မှုကို စိတ်အားမထက်သန်သော်လည်း သူတို့၏ ကိုယ်ပိုင် ဝက်ဘ်စာမျက်နှာများတွင်မူ သူတို့၏ ရင်းနှီးမြှုပ်နှံမှုများအကြောင်း အသေးစိတ်ကို ဖော်ပြထားတတ်သည်။

သတ္တုလုပ်ငန်း[ပြင်​ဆင်​ရန်​]

၁၉၉၀ နှစ်ဦးပိုင်းများတွင် ရုရှား၏ သတ္တုဈေးကွက်တွင် အခွင့်အလမ်းကောင်းများတွေ့မြင်ပြီး သတ္တုထုတ်လုပ်ရေးနှင့် ဖြန့်ချိရေးကို သေချာစွာလေ့လာပြီး မြှုပ်နှံခဲ့သည်။ ရုဘန်စ် တို့သည် ဆိုဗီယက်စနစ်ပြိုကွဲပြီးချိန်တွင် သတ္တုရိုင်းများရောင်းဝယ်ရေးဈေးကွက်ကို ရဲဝင့်စွာလုပ်ကိုင်ခဲ့ပြီး ရုရှားနိုင်ငံ၏ အလျူမီနီယံစက်မှုလုပ်ငန်းများ၏ တဝက်ကိုပိုင်ဆိုင်ပြီးနောက် ကမ္ဘာ့တတိယအကြီးဆုံး သတ္တုထုတ်လုပ်သူများဖြစ်လာခဲ့ကြသည့် အချိန်တွင် ရုရှားကလည်း သူ၏ မြို့ပြဝါဒကို အလွန်အမင်းရှေ့တန်းတင်နေချိန်ဖြစ်သည်။

သူတို့၏ Trans-World Metals ကုမ္ပဏီ အထွတ်အထိပ်အောင်မြင်ချိန်တွင် ဆက်စပ်လုပ်ငန်းများကလည်း ကမ္ဘာ့အလျူမီနီယံထုတ်လုပ်မှု ၅ %ကို ထိန်းချုပ်ထားခဲ့သည်။ ရုရှား၏ အလျူမီနီယံ အရည်ကျိုလုပ်ငန်းများသည် အကြွေးများကြောင့် အရည်အသွေးမမှီဖြစ်လာသည်။ Trans World သည် အလျူမီနီယံများ အပြီးသတ်နိုင်စေပြီး အမြတ်ဖြင့် ပြန်လည်ရောင်းချရန် အပြန်အလှန်အားဖြင့် သူတို့ကုန်ကြမ်းပို့ပြီး ငွေချေသော စက်ရုံများ၏ တိုးလ်ဂိတ်များစီမံမှုကို ဝင်ရောက်ခဲ့သည်။ ၁၉၉၅ ခုနှစ် အမြင့်ဆုံး တကမ္ဘာလုံးရောင်းချမှု ရ ဘီလျံဒေါ်လာဖြင့် ကုမ္ပဏီ၏ ရုရှားရင်းနှီးမြှုပ်နှံမှုသည် ၁.၅ ဘီလျံဒေါ်လာ (ပေါင် ၈၇၀ မီလျံ)ဖြစ်သည်။

သူတို့၏ ယခင်အခြေအနေဖြစ်သော ရုရှား၏အကြီးဆုံးပြင်ပရင်းနှီးမြှုပ်နှံသူဟူသည်မှာ သူတို့သည်းခံလိုသည့်အတိုင်းအတာထက်ပို၍ အသေးစိတ်စစ်ဆေးမှုများကို ခံရန် ဖိအားပေးခြင်းခံရသည်ဟု ဆိုလိုနေသည်။ တိုင်းပြည်အတွင်း ၁၀ နှစ်ရှိနေစဉ် ရုဘန်စ် တို့သည် လုပ်ငန်းများကို အများသဘောတူထားခြင်းမရှိသော ပုံစံတို့ဖြင့်လည်း လုပ်ကိုင်ခဲ့သည်။ ယခုအခါ ချယ်လ်ဆီးဘောလုံးအသင်းကို ပိုင်ဆိုင်သူ ရိုမန် အေဘရာမိုဘစ်ချ် အပါအဝင် သူတို့သည် နောက်လိုက်နောက်ပါများရှိလာပြီး တိုင်းပြည်၏အစိုးရသစ်သကဲ့သို့ ဖြစ်လာခဲ့သည်။

၂၀၀၅ ခုနှစ်တွင် သူတို့သည် မီလျံပေါင်များစွာသော တရားဝင်အငြင်းပွားမှုများကို သူတို့၏ ခိုင်မာမှုများကို ဖြစ်ပေါ်စေသော Oleg Deripaska ဖြင့် အနယ်ထိုင်စေခဲ့သည်။


အခြားလုပ်ငန်းများနှင့် လှုပ်ရှားမှုများ[ပြင်​ဆင်​ရန်​]

၂၀၀၀ ခုနှစ်ရောက်သောအခါ ရုရှားစီးပွားရေးလောကသည် သူတို့အတွက် အခွင့်မသာတော့ဘဲ သူတို့၏ ရုရှားရှိပိုင်ဆိုင်မှုများကို ရောင်းချလိုက်ကာ စီးပွားရေးလှုပ်ရှားမှုများကို သူတို့၏ လုပ်ငန်းများအခိုင်အမာရှိနေနှင့်ပြီး ပိုင်ဆိုင်မှုအကြွေးများကင်းသော အင်္ဂလန်ရင်းနှီးမှုဈေးကွက်သို့ အဓိကအားဖြင့် ပြောင်းလဲအာရုံစိုက်လိုက်သည်။

အခြားသူများနှင့်အတူ သူတို့သည်လည်း ပင်မလုပ်ငန်းကြီးများ၏ငွေကြေးပိုင်းများနှင့် နည်းပညာကုမ္ပဏီများတွင် အရင်းအနှီး ထည့်ဝင်ကြသည်။ သူတို့သည် အမြဲပင် ဥရောပတခွင်၌ ရင်းနှီးမြှုပ်နှံမှုအသစ်များကို ရှာဖွေတိုးချဲ့နေကြသည်။ ယခုအခါတွင် သူတို့၏ စီးပွားရေးလှုပ်ရှားမှုများသည် အင်္ဂလန်နှင့် နိုင်ငံရပ်ခြားလုပ်ငန်းစုကြီးများအကြား တိုးတက်လာပြီး စွန့်စားတိုးချဲ့မှု မြို့တော်များနှင့် ကိုယ်ရေးကိုယ်တာတရားမျှတမှုများကို ဖော်ညွှန်းနေသည်။

ခန့်မှန်းခြေ ယမကာစည်ပေါင်း ၈၅၀ ဖြင့် လည်ပတ်နေသော အင်္ဂလန်နိုင်ငံ၏ အကြီးဆုံး ယမကာကုမ္ပဏီဖြစ်သည့် Wellington ကုမ္ပဏီနှင့် အဓိကစီးပွားရေးသတင်းများရှိသည့် Global Switch သည်လည်း ရုဘန် ညီအစ်ကိုတို့၏ စီးပွားရေးလုပ်ငန်းစုများထဲတွင် တစိတ်တပိုင်းပါဝင်သည်။ များစွာသော လုပ်ငန်းများအနက် သူတို့ညီအစ်ကိုသည် အဓိကအမြတ်များကို orthern Racing, London Oxford လေဆိပ်, Luup, Kristal Waters, Ikyp, Spirit Pub အဖွဲ့, Travelodge ဟိုတယ်နှင့် Metro ဘဏ်တို့မှ ရရှိသည်။

လုပ်ငန်းကြီးများ[ပြင်​ဆင်​ရန်​]

လန်ဒန်၏ Paddington နယ်မြေများ၏ မျိုးဆက်စတင်မှုများသည် လန်ဒန်အနောက်ပိုင်း၏ Canary ဆိပ်ခံတံတားတဝိုက်ကို ချိတ်ပိတ်ပြောင်းလဲ၍ ဧရိယာစတုရန်းပေ ၁.၈ မီတာ ရှိသော ရုံးခန်းများနှင့် လူနေတိုက်ခန်းများ ဖွံ့ဖြိုးရေးစီမံကိန်းများဖြင့် စတင်ခဲ့သည်။ ထိုထဲတွင် ၄၃ ထပ်ရှိသော အနောက်ပိုင်းဒေသ၍ အမြင့်ဆုံးဖြစ်သည့် လူနေတိုက်တစ်ခုပါဝင်မည်ဖြစ်ပြီး ပုံမှန်အားဖြင့် မိုးမျှော်တိုက်တစ်ခုအတွက် တည်ဆောက်ခွင့်ရရန်ခဲယဉ်းသော နေရာဖြစ်သည်။ Merchant Square ဟုခေါ်သော ထိုနေရာတွင် တိုက်ခန်းပေါင်း ၅၅၉ ခုရှိပြီး ရုံးခန်းများအတွက် စတုရန်းပေ ၆ သောင်းကျော်(56,000 m2)ရှိမည်ဖြစ်သည်။ ထိုစီမံကိန်းသည် အတော်များများဆောက်လုပ်ပြီးစီးနေပြီဖြစ်သော ခန့်မှန်းချေ ၈ မီတာစတုရန်းပေ ကျယ်သည့် ဘူတာရုံအနီးရှိ ဆောက်လုပ်ရေးများထဲမှ တစ်ခုဖြစ်သည်။ လူ ၃ သောင်းခန့် ထိုနေရာတွင် အလုပ်လုပ်ကြသည်။

Aldersgate Investments Limited တွင် Reuben ညီအကိုတို့သည် Park Plaza ဟိုတယ်လုပ်ငန်းစု လိမိတက်နှင့်အတူ ၅၀:၅၀ အချိုးတူလုပ်ငန်းကို ပူးပေါင်း၍ လန်ဒန်မြို့၊ Hoxton ၌ 'art'otel' အမည်အောက်မှ လူနေအိမ်နှင့်တွဲသောဟိုတယ်စုအသစ်များကို ထူထောင်ရန် လုပ်ကိုင်ခဲ့ကြသည်။ ရုဘန် ညီအကိုတို့သည် Tate Britain မျက်နှာချင်းဆိုင်တွင် မိုးမျှော်တိုက်ကြီး ၃ ခုကို ဆက်လက်တည်ဆောက်ခဲ့ကြသည်။ သိမ်းစ် မြစ်ဘေးရှိ Riverbank ဥယျာဉ်ပလာဇာဟိုတယ်သို့ ရှေးရှုသွားသော လူနေအိမ်တွဲသည့် ဟိုတယ်စုများ တည်ထောင်ခြင်းသည် အကောင်အထည်ပေါ်လာခဲ့သည်။ ၁၉၆၀ နှစ်များအတွင်းက Hampton House ရုံးအဆောက်အဦများနေရာကို ဖျက်ပြီး Foster & Partners က ဒီဇိုင်းရေးဆွဲသော ထိုမျှော်စင်သုံးခုသည် အထပ် ၂၇ ပါပြီး အမြင့်ဆုံးများဖြစ်ခဲ့ကြသည်။ ရုဘန် တို့၏ ထင်ရှားသော ဗြိတိသျှရင်းနှီးမြှုပ်နှံမှုများတွင် Millbank မျှော်စင်; Victoria ရှိ the John Lewis headquarters ; Victoria ရှိ the American Express offices; Carlton House SW1; Sackville Street ရှိ Academy House; Berkeley Square ရှိ Connaught House ; Market မျှော်စင်များနှင့် prime Sloane Street shops တို့ပါဝင်သည်။

Global Switch[ပြင်​ဆင်​ရန်​]

ရုဘန် ညီအစ်ကိုတို့သည် ဥရောပနှင့် အာရှ-ပစိဖိတ်ဒေသတွင် အကြီးဆုံး အလုပ်အကိုင် အချက်အလက်များ ထောက်ပံ့လုပ်ကိုင်သည့် Global Switch ၏ ပိုင်ရှင်များဖြစ်ကြသည်။ Global Switch တွင် သတင်းအချက်အလက်ဌာန ၈ ခုရှိရာ ၆ ခုသည် ဥရောပ၊ လန်ဒန်၊ အမ်စတာဒမ်၊ ဖရန်ဖာ့တ်၊ ပါရီနှင့် မန္ဒရဒ်တွင်ရှိပြီး အာရှပစိဖိတ်ဈေးကွက်အတွက်မူ ဆစ်ဒနီနှင့် စင်ကာပူတို့တွင် ထားရှိသည်။

စုစုပေါင်း စတုရန်းပေ ၃ သန်းခန့် (280,000 m2)အကျယ်ရှိသော ထိုဌာနများကို ဖောက်သည်အဖွဲ့များ၊ ကမ္ဘာလုံးဆိုင်ရာနှင့် နိုင်ငံဆိုင်ရာ အစိုးရအဖွဲ့အစည်းကြီးငယ်များ၊ ငွေကြေးဆိုင်ရာအဖွဲ့များ၊ ကုမ္ပဏီလုပ်ငန်းစုကြီးများ၊ ကမ္ဘာ့အစုအပေါင်းစနစ်များ၊ မြန်နှုန်းမြင့်ဆက်သွယ်ရေး လုပ်သားများ၊ စီမံခန့်ခွဲမှု ဝန်ဆောင်ပေးသည့်လုပ်ငန်းများနှင့် အခြားသော စီးပွားရေးသမားများက ပိုင်ဆိုင်ကြသည်။

စတုရန်းပေ ၄ သန်းခန့် (370,000 m2) အထိရောက်ရှိရန် တိုးချဲ့လုပ်ဆောင်ပေးမည့် လှုပ်ရှားမှုများကိုလည်း ဆက်လက်လုပ်ဆောင်နေသည်။ Global Switch ၏ ဥက္ကဌသည် ယခင် ကုမ္ပဏီစုများ၏ အမှုဆောင်ချုပ်ဖြစ်သူ John Corcoran ဖြစ်ပြီး ကုမ္ပဏီနှင့် ၂၀၀၇ ခုနှစ်ကတည်းက လက်တွဲခဲ့သည်။

ရုဘန် ဖောင်ဒေးရှင်း[ပြင်​ဆင်​ရန်​]

သူတို့ညီအစ်ကိုအား လူမှုရေးလုပ်ငန်းများတွင် တက်ကြွပါဝင်သူများဟု လူသိများပြီး ရုဘန် ဖောင်ဒေးရှင်းမှတဆင့် ၁၀၀ မီလျံဒေါ်လာတန်ဖိုး လှူဒါန်းမှုများကို အဓိကအားဖြင့် ကျန်းမာရေးနှင့် ပညာရေးကဏ္ဍတို့တွင် လှူဒါန်းသည်။ သူတို့သည် ဖောင်ဒေးရှင်းကြီးကို တက်ကြွစွာလုပ်ဆောင်ကြပြီး အင်္ဂလန်နိုင်ငံတဝှမ်းတွင် စီမံကိန်းအသစ်များကိုလည်း အမြဲရှာဖွေပြီး အောက်ပါတို့ကို လုပ်ဆောင်ကြသည်။ ၂၀၀၄ ခုနှစ်တွင် ရုဘန် သည် လန်ဒန်မြောက်ပိုင်းတွင် သူတို့ မိခင်၏အမည်ဖြစ်သော N.Reuben အမည်ရှိ မူလတန်းကျောင်းဆောက်လုပ်ရန် ပေါင်သန်းပေါင်းများစွာကို သုံးခဲ့သည်။

၂၀၀၅ ခုနှစ်တွင် Israel ရှိ Meir ဆေးရုံတွင် အကြီးဆုံးသော ရင်သားကင်ဆာကုသဆောင်ကြီးကို ရုဘန် ဖောင်ဒေးရှင်းက ဖွင့်လှစ်တည်ထောင်ပေးခဲ့ပြီး ဂျူးများနှင့် အာရပ်များကိုပါ ကုသပေးခဲ့သည်။၂၀၀၈ ခုနှစ်တွင် အစ္စရေး ရှိ Haifa တွင် အစ္စရေးလူမျိုးတိုင်းအတွက် ကင်ဆာဆေးခန်းနောက်ထပ်တစ်ခုကို ဖောင်ဒေးရှင်းက ထပ်မံဖွင့်လှစ်ခဲ့သည်။

၂၀၀၈ ခုနှစ်တွင် ဥရောပရှိ ကလေးများအတွက် အကြီးဆုံးကင်ဆာဆေးခန်းကို The Reuben Foundation Great Ormond Street ဆေးရုံက ဖွင့်လှစ်ခဲ့သည်။ ထိုဆေးကုသဆောင်ကို မြို့တော်ဝန် Boris Johnson က ဖွင့်လှစ်ပေးခဲ့သည်။ ၂၀၁၀ ခုနှစ်တွင် Reuben ဖောင်ဒေးရှင်းသည် Virgin Unite နှင့်အတူပူးပေါင်း၍ ကယ်ဆယ်ရေးလုပ်ငန်းများအတွက် ရံပုံငွေတည်ထောင်သော “ဟေတီ စီမံကိန်း”ကို စတင်ခဲ့သည်။

ရုဘန်ဖောင်ဒေးရှင်းကြီးက the Royal Marsden နှင့် The Princess Royal Trust for Carers တို့ဖြင့်လည်း ပူးပေါင်းထားသည်။ လူမှုရေးထူးချွန်ဆုများ ချီးမြှင့်သော Daily Telegraph ကိုလည်း ထောက်ပံ့ပေးထားပြီး အစုအဖွဲ့များအတွက် စိတ်ဓာတ်အင်အားကို ဖြစ်စေခဲ့သည်။ လက်ရှိအားဖြင့် ဖောင်ဒေးရှင်းက Prince's Trust and the Royal Parks Fund ကိုလည်း ထောက်ပံ့ပေးနေသည်။

ကိုယ်ရေးကိုယ်တာဘဝ[ပြင်​ဆင်​ရန်​]

သူတို့သည် ပုဂ္ဂိုလ်ရေးရာလွတ်လပ်ခွင့်ကို ထိန်းသိမ်းကြသည်။ အကိုဖြစ်သူ David ထက် ၃ နှစ်ငယ်သော Simon Reuben သည် အသက် ၆၅ နှစ်အရွယ်အထိ ဗြိတိသျှထုတ်ဝေရေးမှ သတင်းထောက်အား တွေ့ဆုံပြီး ယဉ်ကျေးဖော်ရွေသော စကားဖြင့် သူ့အသက်မွေးဝမ်းကျောင်းမှုနှင့်ဆိုင်သော အင်တာဗျူးထိုတစ်ခုထဲကိုသာဖြေကြားခဲ့သည်။ St Barts ရှိ Isle de France ဟိုတယ်တွင် Simon နှင့် အတူ အချိန်ကုန်ဆုံးခဲ့ဖူးသော သူငယ်ချင်းတစ်ဦးက သူတို့သည် ယုံကြည်မှုကိုတန်ဖိုးတထားတတ်ပြီး ရှက်တတ်ကြသူများဖြစ်သည်ဟု ဆိုခဲ့သည်။

သူတို့နှင့်အတူ အနီးကပ်အလုပ်လုပ်သော အမှုဆောင်တစ်ဦးက ပြောသည်မှာ “လူတွေက သူတို့ကို လျှို့ဝှက်တတ်တဲ့လူတွေလို့ တစ်ခါတလေပြောတတ်ကြပေမယ့် ပုဂ္ဂလိကဆန်တာလို့ ပြောရမှာပါ၊ သူတို့က ထင်ပေါ်ကြွားဝါတတ်တဲ့လူတွေ မဟုတ်ကြပေ။

ဒေးဗစ် ကုန်သည်ဖြစ်ပြီး ဆီမွန် က တီထွင်တတ်သူဖြစ်ပါသည်။ သူတို့နှစ်ယောက်အတူတူ ထူးထူးချွန်ချွန်အလုပ်လုပ်ကြ သည်။ သူတို့နှစ်ယောက်က အတော်လေး ကွဲပြားကြသည်။

ဥပမာ ဒေးဗစ် က နည်းပညာသမားဖြစ်ပြီး စက်ပစ္စည်းလေးတွေကို သဘောကျပေမယ့် ဆီမွန်ကတော့ လုံးဝ ဆန့်ကျင်ဘက်ပါပဲ။ ဒါပေမယ့် သူတို့အချင်းချင်း ပြောဆိုပြီးတဲ့အချိန်မှာ သူတို့နဲ့အတူ ရှိနေခဲ့ဖူးတယ်၊ စီးပွားရေးအမြင်နဲ့ကြည့်ရင်တော့ သူတို့က မထင်မှတ်လောက်အောင်ကို ထူးချွန်ပြီး သူတို့ဟာ ဘယ်ကိစ္စမှာမှ အလကားနာမည်ကြီးလာတာမဟုတ်ပါဘူး” ၂၀၀၅ ခုနှစ်တွင် Variety Club ၏ “နှစ်တစ်နှစ်၏ အထူးချွန်ဆုံး ကုန်သွယ်စီးပွားရေးသမား”ဆုကို ရခဲ့သည်။ ညီအစ်ကို နှစ်ဦးစလုံးပင် အိမ်ထောင်ရှိပြီး သားသမီးများလည်းရှိကြသည်။ နှစ်ဦးစလုံးပင် ချယ်လ်ဆီး ဘောလုံးအသင်းကို တက်ကြွအားပေးကြသည်။