ဒီမိုကရက်တစ်ပါတီ (မြန်မာ)

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​

အင်္ဂလိပ်လို = Democratic Party (Myanmar)
ဦးသုဝေ ဥက္ကဋ္ဌ အဖြစ်တာဝန်ယူပြီး ယခင် ဝန်ကြီးချုပ်ဟောင်းများ၏သမီးများ ဖြစ်ကြသော ဒေါ်သန်းသန်းနု (ဦးနု၏သမီး)၊ ဒေါ်ချိုချိုကျော်ငြိမ်း (ဦးကျော်ငြိမ်း၏သမီး)၊ ဒေါ်နေရီဗဆွေ(ဦးဗဆွေ၏သမီး) တို့အပါအဝင် စုစုပေါင်း (၂၁) ဦးဖြင့် စတင်ဖွဲ့စည်းခဲ့သည်။
၂၀၁၀ ပြည့်နှစ် ရွေးကောက်ပွဲအတွက် (၃၀.၃.၂၀၁၀)နေ့တွင် မှတ်ပုံတင်ခွင့် လျှောက်ထားခဲ့ပြီး ရွေးကောက်ပွဲကော်မရှင်မှ (၂၉.၄.၂၀၁၀) နေ့တွင် ပါတီ တည်ထောင်ခွင့် ခွင့်ပြုမိန့် ရရှိခဲ့သည်။ ရန်ကုန်မြို့ပုဇွန်တောင်မြို့နယ်၊ အမှတ် (၆)၊ (၇) ရပ်ကွက်၊ ကွက်သစ်လမ်း တွင် ပါတီဌာနချုပ် တည်ရှိသည်။

အစိုးရက သတ်မှတ်ထားတဲ့ လွှတ်တော်ကိုယ်စားလှယ်လောင်း တဦးချင်းစီ ပေးသွင်းရမယ့်ငွေကြေးပမာဏက များပြားလှတဲ့အတွက် မဲဆန္ဒနယ်အားလုံးမှာ ပါဝင်ယှဉ်ပြိုင် အရွေးချယ်ခံနိုင်မှာမဟုတ်ဘဲ မဲဆန္ဒနယ် တချို့တဝက်လောက်သာ ပါဝင်ယှဉ်ပြိုင်နိုင်မယ့် အခြေအနေရှိပါတယ်

ဟု ဦးသုဝေက ပြောကြားသည်။ ရွေးကောက်ပွဲကော်မရှင်မှ ဒီမိုကရက်တစ်ပါတီ (မြန်မာ) ကို (၂၀-၅-၂၀၁၀) နေ့မှစပြီး နိုင်ငံရေးပါတီအဖြစ် မှတ်ပုံတင်ခွင့်ကို တရားဝင်အတည်ပြုပေးခဲ့သည်။ ပါတီမှတ်ပုံတင်အမှတ်မှာ (၆) ဖြစ်သည်။ [၁]


ကိုးကား[ပြင်​ဆင်​ရန်​]

  1. ဝင်းတင့်ထွန်း၊ ဗမာပြည်နိုင်ငံရေးပါတီအဖွဲ့အစည်းအသင်းအပင်းများအညွှန်း၊ စာမျက်နှာ (၃၄၇)