ထားဝယ်မှိုင်း

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ထားဝယ်​မှိုင်း
သိပ္ပံနည်းကျမျိုးခွဲခြင်း
လောက [[Plantae]]
မျိုးပေါင်း [[Magnoliopsida]]
မျိုးစဉ် [[Myrtales]]
မျိုးရင်း [[Combretaceae]]
မျိုးစု [[Quisqualis]]
မျိုးစိတ် '''''Q. indica'''''
ဒွိနာမ
''Quisqualis indica''

Rangoon Creeper; Chinese Honey suckle (ထားဝယ်​မှိုင်း)[ပြင်​ဆင်​ရန်​]

  • Botany Term : Quisqualis indica Linn
  • Species/Family : Combretaceae
ထားဝယ်မှိုင်း

ပုံ​သဏ္ဌာန် : အခက်အလက်​များပြား​သော​နွယ်ပင်​မျိုး​ဖြစ်​သည်။ အရွက်​မှာ အရင်း​၌ အဝိုက်​သေး​ငယ်​ပြီး ထိပ်​ချွန်​သည်။ ပွင့်​စ​တွင်​ဖြူ​ပြီး တ​ဖြည်း​ဖြည်း ပန်းရင့်​ရောင် ပြောင်း​သွား​သည်။ ပွင့်​ချပ်​ပြွန်​ရှည်​သည်။ အပွင့်​မှာ​ရနံ့​သင်း​သည်။ အသီး​မှာ​သေး​ငယ်​ပြီး အစေ့​မှာ တစ်​စေ့ သာ​ရှိ​သည်။ အစေ့​မှာ အနက်​ရောင်​ဖြစ်​သည်။ အပင် နွယ်ပင် ကြီး​မျိုး ဖြစ်​သည်။ ပင်စည် အခေါက် အပွေး အနည်းငယ် ရှိ​၍ ညို​ဝါ ရောင် ရှိ​၏ ။ အခက် အလက် များ​စွာ ဖြာ​၏ ။ အရွက် ရွက်​ဆိုင် နီးပါး ထွက်​သည် ။ရွက်​ထိပ် ချွန့်​သည် ။ရွက်​ရင်း အဝိုက် သေး ငယ်​သည် ။ ရွက်​ညှာ ရင်း မာ​သည်။ ရွက်​နား ညီ​၍ လှိုင်း တွန့် အနည်း ငယ်​ရှိ​သည်။ အပွင့် အရောင် ပြောက်ကျား ရှိ​၏ ။ ပွင့်​စ ၌ အဖြူ ရောင် ရှိသော် လည်း တ​ဖြည်း ဖြည်း နီ​ရဲ​သော အရောင် သို့ ပြောင်း​သွား ၏ ။ ပွင့်​ညှာ တံရှည် သည်။ အနံ့ သင်း​၏ ။ တပေါင်း လ​မှ ဝါဆို လ အထိ ပွင့်​သည်။ အသီး သေး​ငယ်​သည် ။ ထောင့် ၅ ခု ပါ​သည် ။အစေ့ တစ်​စေ့ တည်း​ပါ​၍ အနက်​ရောင် ရှိ​သည် ။န​ယုန်​လ ၊ဝါဆို​လ တွင်​သီး သည် ။ အသုံးပြု​နိုင်​သည့် အစိတ်​အပိုင်း​များ : အစေ့ ၊ အရွက် ။ မြန်မာ​နိုင်ငံ​တွင် တွေ့​နိုင်​သော​နေရာ​များ : မြန်မာ နိုင်ငံ ပူအိုက် စွတ်စို သော ဒေသ​တွင် ပေါက်ရောက် သည်။ ပေါက်ရောက်​ပုံ မြန်မာ​နိုင်ငံ အနှံ့ အပြား ၌ သဘာ၀ အလျောက် ပေါက်ရောက်​သည်။ ဥယျာဉ် များ ၊ ပန်းခြံ​များ ၌ လည်း အလှ စိုက်ပျိုး ကြ​၏ ။ အသုံးဝင်​ပုံ : အာနိသင် မြန်မာ ဆေးကျမ်း များ အလို​အရ ထားဝယ်​မှိုင်း သည် ခါး​သက်​သော အရသာ ရှိ ၏ ။ ဝမ်းကိုက် ရောဂါ ကို နိုင်​၏ ။ အသုံးပြု​ပုံ- အစေ့ ၁ ။ ၎င်း​အစေ့ ၂-၃ စေ့​ကို ကြိတ်​၍ ပျားရည်​နှင့် ရော​ပြီး စား​သုံး​ပါ​က သန်​ကောင်​များ သေကြေ ကျ​ဆင်း လာ​မည်။ ၂ ။ အလွန် ပြင်းထန် စွာ ဖျားနာ လျက် ဝမ်း​သွား​သော အခါ အစေ့​ကို ကြိတ်​၍ စား​ခြင်း ဖြင့် ပျောက်ကင်း စေ​၏ ။ အရွက် ၁ ။ဝမ်းကိုက် သော အခါ (ချွဲ​သက်သက် ဖြစ်​စေ ၊ သွေး​စ သွေး​န များ​ဖြင့် ရော​ပြွမ်း ၍ ဖြစ်​စေ) ၎င်း အရွက်​ကို ရေနွေး ဖြော​၍ သုပ်​စား ပါ​က ရက် အနည်းငယ် အတွင်း ပျောက်ကင်း​၏ ။ ၂ ။ လေ​ထိုး ခြင်း ၊အစာ မ​ကြေ​ခြင်း အတွက် ၎င်း အရွက် ကို ပြုတ်​သောက် က ပျောက်ကင်း ၏ ။ [၁]

ထားဝယ်​မှိုင်း​ပင်​ကို ဆေး​ဘက်​ဝင်​အပင်​အဖြစ်​သိ​ထား​ကြ​ပါ​သည်။ ရနံ့​သင်းပျံ့​စွာ​မွှေး​သော ထားဝယ်​မှိုင်း​ပန်း​များ​သည် အခြား​ပန်း​များ​နှင့်​မ​တူ​ဘဲ တစ်​မူ​ထူးခြား​ပါ​သည်။ ပန်းပွင့်​သည် ပွင့်​စ​တွင် အဖြူ​ရောင်​ဖြစ်​ပြီး တစ်​နေ့​တည်း​မှာ​ပင် ပန်းရောင် သို့​ပြောင်းလဲ​ကာ နေ့​မွန်း​လွဲ​ချိန်​နှင့် ညနေခင်း​မှာ​တော့ အနီ​ရောင်​အဖြစ်​ပြောင်းလဲ​သွား​ပါ​သည်။

ဓ​ဝယ်​မှိုင်း

ပုံသဏ္ဍာန်[ပြင်​ဆင်​ရန်​]

ရုက္ခ​ဗေဒ​အမည်​မှာ Quisqualis Indica ဖြစ်​ပါ​သည်။ ထားဝယ်​မှိုင်း​ပင်သည် နွယ်ပင်​မျိုး​ဖြစ်​ပြီး မြေ​ဆီ​လွှာ​မ​ရွေး​ပေါက်ရောက်​နိုင်​ပါ​သည်။ နေရောင်ခြည်​ကို​နှစ်သက်​ပြီး အချို့​သော အိမ်​ခြံ​ဝင်း​များ​တွင် ဝါး​ဖြင့်​ပြုလုပ်​ထား​သော ပန်း​ရုံ​များ​အပေါ်​သို့ နွယ်​တက်​လျက်​လှပ​စွာ​ဖူး​ပွင့်​နေ​သည်​ကို​တွေ့​ရ​ပါ​သည်။ အချို့​က​လည်း အိမ်​ခြံ​စည်းရိုး​အဖြစ်​စိုက်ပျိုး​ကြ​ပါ​သည်။ ရေ​အသင့်​အတင့်​လောင်း​ရန်​သာ​လို​အပ်​ပြီး ဆောင်းရာသီ​တွင် ရေ​အနည်းငယ်​သာ​လောင်း​ရ​ပါ​သည်။

မူလ​ဇာတိ[ပြင်​ဆင်​ရန်​]

ထားဝယ်​မှိုင်း​ပင်​၏ မူလ​ဇာတိ​နေရာ​မှာ အာ​ရှ​တိုက်​နှင့် န​ယူး​ဂီ​နီ​ဖြစ်​ပြီး မြန်မာ​နိုင်ငံ​တွင် အများ​အပြား​တွေ့​ရှိ​ရ​ပါ​သည်။ ရန်ကုန်မြို့​နှင့်​အနီး​တ​ဝိုက်​နေရာ​များ​တွင် အလေ့​ကျ​ပေါက်​ပင်​အဖြစ်​တွေ့​ရှိ​ရ​ပါ​သည်။ ထားဝယ်​မှိုင်း​ပင်​၏ အရွက်​များ​သည် အစိမ်းရင့်​ရောင်​ရှိ​ပြီး​အရွက်​တစ်​ရွက်​စီ​သည် ၃.၅ စင်​တီ​မီ​တာ​မှ ၁​၅ စင်​တီ​မီ​တာ​အထိ​ရှည်လျား​ပြီး ၁.၅ စင်​တီ​မီ​တာ​မှ ၅.၅ စင်​တီ​မီ​တာ​အထိ ကျယ်​ပြန့်​ပါ​သည်။ ကြီး​ထွား​နှုန်း​မြန်​သည့် အပင်​မျိုး​ဖြစ်​ပြီး တစ်​နှစ်​အတွင်း​မှာ​ပင် ၁​၅ ပေ​အထိ မြင့်​မား​ပြီး ၁​၀​ပေ အကျယ်​ထိ ကြီးပွား​ပါ​သည်။ အဆောက်အဦး နံရံ​များ​တွင် တွယ်ကပ်​စိုက်ပျိုး​ထား​လျှင် အင်မတန်​လှ​သော​အပင်​ဖြစ်​ပါ​သည်။ ပွင့်​ဖတ်​လွှာ ၂​ထပ် ပွင့်​သော အပင်​နှင့် ပွင့်​ဖတ်​လွှာ ၁​ထပ်​တည်း ပွင့်​သော​အပင်​ဟူ၍ အပင် အမျိုး​အစား​နှစ်​မျိုးရှိ​ပါ​သည်။ ဓ​ဝယ်​မှိုင်း​ပန်း​၏ ရနံ့​သည် ညနေခင်း​များ​နှင့် ည​ချမ်း​အခါ​များ​မှာ ပို​၍ မွှေးပျံ့​ပါ​သည်။

ပေါက်ရောက်​ပုံ[ပြင်​ဆင်​ရန်​]

အသီး​များ​သည် ရှည်မျော​မျော​သဏ္ဍာန်​ရှိ​ပြီး အနက်​ရောင်​ဖြစ်​ပါ​သည်။ အသီး​တွင် အစေ့​တစ်​စေ့​တည်း​သာ​ရှိ​ပါ​သည်။ ထို​အစေ့​မှ မျိုး​ပွား​ပါ​သည်။ အစေ့​မှ​မျိုး​ပွား​ခြင်း​အပြင် အမြစ်​ကိုင်း​ကို​ဖြတ်​တောက်​ပြီး​နောက် အသစ်​တ​ဖန်​စိုက်ပျိုး​ခြင်း​ဖြင့်​လည်း အပင်​အသစ်​တစ်​ပင်​အဖြစ် မျိုး​ပွား​ယူ​နိုင်​ပါ​သည်။ ဆောင်းရာသီ​ကဲ့သို့ အေး​သော​ရာသီ​များ​တွင် ကြီး​ထွား​မှု​မ​ရှိ​ဘဲ​ငြိမ်​သက်​နေ​တတ်သော်​လည်း ပူနွေး​သော​ရာသီ​ဥတု​များ​တွင်​မူ ရှင်​သန်​ကြီး​ထွား​နှုန်း​မြန်​ပြီး အပွင့်​များ​လည်း များ⁠များ​ပွင့်​ပါ​သည်။

အသုံးဝင်​ပုံ[ပြင်​ဆင်​ရန်​]

ထားဝယ်​မှိုင်း​ပင်​၏ အစေ့​နှင့်​အရွက်​သည် ဆေး​ဘက်​ဝင်​သည့်​အတွက် လူ​တို့​စား​သုံး​ကြ​ပါ​သည်။ ထားဝယ်​မှိုင်း​အရွက်​နု​လေး​များ​ကို ပြုတ်​ပြီး​သုပ်​စား​ကြ​ပါ​သည်။ အသီး​သည် အရသာ​ရှိ​ပြီး​ဆေး​ဘက်​ဝင်​သည့် အစွမ်းသတ္တိ​ကြောင့် လူ​တို့ နှစ်သက်​စွာ​စား​သုံး​ကြ​ပါ​သည်။ ထားဝယ်​မှိုင်း​ပင်သည် အပွင့်​များ​အဆုပ်​လိုက် အခဲ​လိုက်​ပွင့်​ခြင်း​ကြောင့် စိုက်ပျိုး​ထား​သူ​တို့​၏ အိမ်​ခြံ​ဝင်း​ကို​လှပ​စေ​ရုံ​မျှ​မက​ဘဲ ဆေး​ဘက်​ဝင်သော် အသီး​နှင့်​အရွက်​တို့​ကြောင့် အကျိုး​ကျေးဇူး​များ​လှ​သည့် အပင်​မျိုး​ဖြစ်​ပါ​သည်။

ကိုး​ကား[ပြင်​ဆင်​ရန်​]

  1. http://arogyamonline.com/commodity/materials/?raw=121