ဆေးတက္ကသိုလ်(၁) ရန်ကုန်

ဆေးတက္ကသိုလ်(၁) ရန်ကုန် (University of Medicine 1, Yangon)
ဆေး(၁) လိပ်ခုံးကျောင်း
ဆောင်ပုဒ်	ဥပဌာနံ၊ အနုကမ္ပာ၊ ဒယာ
တည်ထောင်ခုနှစ်	၁၉၂၇၊ ဖေဖေါ်ဝါရီလ (၂)ရက်
ကျောင်းအုပ်ကြီး	ပါမောက္ခ ဒေါက်တာ ဖေသက်ခင်
ဒုကျောင်းအုပ်
ဝန်ထမ်း	၅၀၀
ဆရာ	၆၉၅
ဘွဲ့ကြိုကျောင်းသား	၃၅၀၀
ဘွဲ့လွန်ကျောင်းသား	၃၀၀၀
တည်နေရာ	*လမ်းမတော် (မိန်း) ပြည်လမ်း သထုံလမ်း
အကျယ်အဝန်း
ပိုင်ဆိုင်မှု
ရန်ပုံငွေ
အဖွဲ့အစည်း
သတင်းစာ
အထိမ်းအမှတ်အရောင်
အထိမ်းအမှတ်သတ္တဝါ
အားကစားအမည်
အားကစားအသင်း
ကွန်ယက်	University Official web site

ဆေးတက္ကသိုလ်(၁) ရန်ကုန် သည် မြန်မာပြည်ရှိ ဆေးတက္ကသိုလ် ၄ ခုအနက် ပထမဦးဆုံး တည်ထောင်ခဲ့သော ကျောင်းဖြစ်ပါသည်။ မြန်မာပြည် တက္ကသိုလ်ဝင်တန်းစာမေးပွဲတွင် အမှတ်မြင့်ကျောင်းသားများ တက်ရောက်ခွင့်ရှိသော ကျောင်းတကျောင်းဖြစ်သည်။ ဆေးပညာဘွဲ့ (M.B.,B.S.) အပ်နှင်းသော ကျောင်းဖြစ်သည်။ ဆေးတက္ကသိုလ်(၁) ရန်ကုန်တွင် တက္ကသိုလ် ပရဝုဏ် ၃ ခုရှိသည်။ လမ်းမတော်တွင်တခု၊ ပြည်လမ်းတွင်တခု (လိပ်ခုံးကျောင်း ဟူ၍လည်း သိကြသည်)၊ သထုံလမ်းတွင်တခု ဖြစ်သည်။ လမ်းမတော်ဆေးကျောင်းမှာ ရန်ကုန်ဆေးရုံကြီး (Yangon General Hospital)၊ ရန်ကုန်အထွေထွေရောဂါကု ဆေးရုံသစ်ကြီး (ဂျပန်ဆေးရုံ သို့မဟုတ် ဂျကာဆေးရုံ ဟုလည်း အမည်တွင်သည်)တို့ အနီးတွင်ရှိသည်။ လိပ်ခုံးကျောင်းမှာ မြန်မာ့အသံနှင့်ရုပ်မြင်သံကြားဌာန အနီးတွင်ရှိပါသည်။

သမိုင်းကြောင်း

မြန်မာပြည်တွင် ဆေးကျောင်းများကို ၁၉၀၇ ခုနှစ်တွင်ရန်ကုန်ဆေးရုံကြီးဝင်းအတွင်းတွင်စတင်တည်ထောင်သည်။ ထိုစဉ်ကသင်တန်းကာလ မှာ ၄နှစ်ဖြစ်ပြီး Licentiate Medical Practice(L.M.P) course ဟုခေါ်သည်။ ထိုသင်တန်းအောင်မြင်သူများကို L.M.P လက်မှတ်ပေးအပ်ခဲ့သည်။ ၁၉၂၃-၁၉၂၄ ပညာသင်နှစ်တွင်မူ ဆေးပညာဘွဲ. M.B.,B.S သင်တန်းကို ရန်ကုန်ဆေးရုံကြီးဝင်းအတွင်းရှိ လက်ရှိ ဦးနှောက်နှင့်အာရုံကြောဌာန နေရာတွင်စတင်သည်။