ငပလီ

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​

ရခိုင်ပြည်နယ် သံတွဲမြို့အနီးရှိ အပန်းဖြေကမ်းခြေတစ်ခု ဖြစ်သည်။ အီတလီနိုင်ငံ နေပယ်(လ်) (Nepal Beach) ကမ်းခြေကို အစွဲပြု၍ မှည့်ခေါ်ထားသည်။ ငပလီကမ်းခြေသည် ၂ မိုင် (၃ ကီလိုမီတာ) မျှ ရှည်လျားပြီး အိန္ဒိယသမုဒ္ဒရာ၏ ကမ်းရိုးတန်း တလျှောက်တွင် တည်ရှိသည်။

တည်နေရာ[ပြင်​ဆင်​ရန်​]

ငပလီကမ်းခြေသည် မြန်မာပြည်အနောက်ဖက် ရခိုင်ပြည်နယ် သံတွဲခရိုင်အတွင်းတွင် တည်ရှိသည်။ ရန်ကုန်မြို့မှ အနောက်မြောက်ဖက် ၁၇၅ မိုင်အကွာတွင် ရှိသည်။ သံတွဲမြို့အနောက်ဖက် ၇မိုင်အကွာတွင် တည်ရှိသည်။

ငပလီ ဆက်သွယ်ရေးစခန်း[ပြင်​ဆင်​ရန်​]

ငပလီတွင် အော်တို အိတ်ချိန်းAuto Exchange တယ်လီဖုန်း ဆက်သွယ်ရေးစခန်းရှိသည်။ ၂၀၁၂ နောက်ပိုင်းတွင် ADSL အင်တာနက်လိုင်းများ ငပလီတွင်ချပေးသည်။

ငပလီလေဆိပ်[ပြင်​ဆင်​ရန်​]

ငပလီလေဆိပ် မှာ သံတွဲခရိုင်တွင်းရှိ လေဆိပ်များအနက်တစ်ခုဖြစ်သည်။ ငပလီသို့ရောက်ရှိနိုင်ရန် အလွယ်ကူဆုံးနည်းလမ်းဖြစ်ပြီး နိုင်ငံခြားခရီးသွားများ၏ အဓိကအားထားရာ လေဆိပ်ဖြစ်သည်။ မဇင်ရွာအနီးတွင်တည်ရှိပြီး မဇင်လေဆိပ် ဟုလည်းခေါ်ကြသည်။ ငပလီလေဆိပ် လေယာဉ်မတော်တဆမှုများ ဖြစ်ပွားခဲ့ဖူးသည်။

ငပလီဝန်းကျင်ရှိရွာများ[ပြင်​ဆင်​ရန်​]

ငပလီကမ်းရိုးတမ်းရှိ ချိုင်များ[ပြင်​ဆင်​ရန်​]

ငပလီကမ်းရိုးတမ်းတွင် ချိုင်များစွာရှိပြီး၊ ချိုင်တစ်ခုချင်းစီရှိရွာများကို အစွဲပြုပြီးချိုင်များ၏ အမည်ကို မှည့်ခေါ်ကြသည်။

လူရည်ချွန်စခန်း[ပြင်​ဆင်​ရန်​]

မြန်မာ့လူရည်ချွန် များအတွက်လူရည်ချွန်စခန်းရှိပြီး၊ ၂၀၁၂ နောက်ပိုင်းတွင် သိမ်းဆည်းခံရကာ၊ ဟော်တယ်အဖြစ်ပြောင်းလဲခံခဲ့ရသည်။

နာလန်ထစခန်း[ပြင်​ဆင်​ရန်​]

ငပလီတွင် တိုက်ပွဲတွင်ဒါဏ်ရာရ၍ မသန်မစွမ်းဖြစ်သော တပ်မတော်သားများအတွက် အနားယူစခန်းရှိသည်။

ငပလီဂေါက်ကွင်း[ပြင်​ဆင်​ရန်​]

ငပလီဂေါက်ကွင်းမှာ မြန်မာပြည်တွင် ထူးခြားသော ကမ်းရိုးတမ်းကပ်လျက်ရှိ ဂေါက်ကွင်းတစ်ခုဖြစ်ပြီး။ ထိန်းသိမ်းမှု ကင်းမဲ့လျက်ရှိသည်။

ငပလီ ဝန်းကျင်ရှိကျွန်းများ[ပြင်​ဆင်​ရန်​]

ငပလီအနီးတွင် ကျွန်းများစွာရှိပြီး အများအားဖြင့်လူနေထိုင်ကြသည်။ အကြီးဆုံးကျွန်းမှာ ပုလဲကျွန်း ခေါ် အပေါ်ရည်ကျွန်း ရှိသည်။ ၎င်းကျွန်းတွင် ပုလဲမွေးမြူရေးလုပ်ငန်း လုပ်ကိုင်သည်။

ခရီးသွားလုပ်ငန်း[ပြင်​ဆင်​ရန်​]

ငပလီ ခရီးသွားလုပ်ငန်းမှာ ကိုလိုနီခေတ်မှ စတင်ခဲ့ပြီး၊ ယခုတိုင် ကမ္ဘာပေါ်တွင် ကျော်ကြားဆဲ ခရီးသွားနေရာတစ်ခုဖြစ်သည်။ ယခင်က အစိုးရပိုင် ငပလီဟော်တယ်ကြီး တစ်ခုသာ ဟော်တယ်ရှိပြီး၊ ၂၀၀၈ နောက်ပိုင်းတွင် ပုဂ္ဂလိကပိုင် ဟော်တယ်များစွာပေါ်ပေါက်လာခဲ့သည်။

ရေလှောင်တမံများ[ပြင်​ဆင်​ရန်​]

ငပလီအနီးရှိရွာများမှာ ကမ်းရိုးတမ်းအနီးတွင် ရေချိုရရန်ခက်ခဲရာ၊ ရေလှောင်တမံများကို အားထားရသည်။ အထင်ကရရေလှောင်ကန်မှာ ငပျောချောင်းဆည် ဖြစ်သည်။

လျှပ်စစ်မီး ရရှိမှု[ပြင်​ဆင်​ရန်​]

လျှပ်စစ်မီးမှာ အစိုးရမှ ည ၆ နာရီမှ ည ၁၀နာရီထိ သံတွဲမြို့မှ တစ်ဆင့်ဖြန့်ဖြူးသည်။ ၂၀၁၅ တွင် ကျောက်ဖြူမြို့မှ ဓါတ်ငွေ့သုံးတာဘိုင်ဖြင့် ၂၄နာရီ ဖြန့်ဖြူးပေးမည်ဖြစ်သည်။

အဆင့်မြှုင့်တင်မှု အစီအစဉ်[ပြင်​ဆင်​ရန်​]

၂၀၁၄ တွင် သမ္မတ ဦးသိန်းစိန်လာရောက်ပြီးနောက်၊ ငပလီအား ရွာအဖြစ်မှ သီးခြားမြို့နယ် ငပလီမြို့နယ် အဖြစ် သံတွဲမြို့နယ်မှ ခွဲထုတ်ကာ ပြန်လည် ဖွဲ့စည်းခဲ့သည်။