ကျိုက်မရောမြို့

Wikipedia မှ
ဤနေရာသို့သွားရန် - အ​ညွှန်း​, ရှာ​ဖွေ​ရန်​
ကျိုက်မရောမြို့
ကျော်မရဟ်
Kyaikemaraw
—  မြို့  —
ကျိုက်မရောမြို့ is located in မြန်မာနိုင်ငံ
ကျိုက်မရောမြို့
မြို့တည်နေရာပြ မြန်မာနိုင်ငံမြေပုံ
Coordinates: 16°4′N 97°34′E / 16.067, 97.567
နိုင်ငံအမည် မြန်မာနိုင်ငံ၏ အလံတော် မြန်မာ
ပြည်နယ် Flag of Mon State.svg မွန်
ခရိုင် မော်လမြိုင်
လတ္တီကျု (၁၆)ဒီဂရီ၊ (၄)မိနစ်
လောင်ဂျီကျု (၉၇)ဒီဂရီ၊ (၃၄)မိနစ်
မြို့နယ်ရုံးစိုက်ရာမြို့ ကျိုက်မရောမြို့
အချိန်ဇုန် မြန်မာစံတော်ချိန် (UTC+ ၆ နာရီ ၃၀ မိနစ်)

ကျိုက်မရောမြို့သည် မွန်ပြည်နယ် မော်လမြိုင်ခရိုင်တွင် ပါဝင်သော မြို့ပိုင်ရုံးစိုက်ရာမြို့ ဖြစ် သည်။ မွန်ပြည်နယ်၏ မြို့တော် ၏ မော်လမြိုင်မြို့အရှေ့တောင်ဘက် အတ္ထရံမြစ်ကမ်းနဖူးပေါ်၌ တည်ရှိ၍ မော်တော်ကားလမ်းအတိုင်း (၁၅)မိုင် ကွာဝေးသည်။ ကျိုက်မရောမြို့ကို အတ္ထရံမြစ်ကြောင်းမှလည်း လှေသင်္ဘောများဖြင့် သွားလာနိုင်သည်။ ကျိုက်မရောမြို့နယ်၏ အရှေ့ဘက်တွင် ကော့ကရိတ်မြို့နယ်နှင့် ကြာအင်းဆိပ်ကြီးမြို့နယ် ၊ အနောက်ဘက်တွင် မုဒုံမြို့နယ်၊ တောင်ဘက်တွင် ကြာအင်းဆိပ်ကြီးမြို့နယ် ၊ မြောက်ဘက်တွင် မော်လြမိုင်နယ်နှင့် ဘားအံမြို့နယ်တို့ ရှိကြသည်။


ကျိုက်မရောကို မွန်ဘာသာအားဖြင့်၊ ကျော်မရဟ်ဟု ရေး၏။ အဓိပ္ပါယ်မှာ ထင်ရှားသော ဘုရားရှိသည့် မြို့ ဖြစ်၏။ ထိုထင်ရှားသောဘုရားကား ကျိုက်မရောမြို့ရှိ ဆုတောင်းပြည့်ဘုရားကြီးပင် ဖြစ်ပေသည်။ ထင်ရှားသောဘုရားမှာ ကျိုက်မရောမြို့ရှိ ဆုတောင်းဝတ်ကျောင်းတော်ကြီးကို မွန်ဘုရင်မကြီး ရှင်စောပုက သက္ကရာဇ် ၈၁၇ ခုနှစ် ၊ သီတင်းကျွတ် လပြည့်နေ့တွင် တည်ထားခဲ့သည်။ ဝတ်ကျောင်းတော်ကြီးအတွင်းရှိ ဆင်းတုတော်ကြီး၏ ပုံသဏ္ဍာန်မှာ အခြားသော ဆင်းတုတော်များနှင့်မတူဘဲ တစ်မူထူးခြားပေသည်။ ထိုဝတ်ကျောင်းတော်၏ အဝင်ဝလက်ဝဲဘက် ၌ မွန်ကျောက်စာ တစ်ချပ်ရှိသည်။ နှစ်စဉ်နှစ်တိုင်း နှစ်သစ်ကူး သင်္ကြန်အခါ၌ ရေသဘင်ပွဲနှင့်အတူ ကျိုက်မရောမြို့ ဆုတောင်းပြည့် ဘုရားပွဲကိုလည်း တစ်ပြိုင်တည်း ကျင်းပလေ့ရှိ၍ အလွန်စည်ကားသော ပွဲတော်တစ်ရပ် ဖြစ်ပေသည်။ ကျိုက်မရောမြို့နှင့် (၂၄)မိုင်ခန့်ကွာသော အတ္တရံမြစ်ကမ်း နဖူးတွင် ရေပူကျေးရွာရှိသည်။ ရေပူကန်များရှိ၍ ရေပူကျေးရွာဟု အမည်တွင်နြေခင်း ဖြစ်၏။ ထို့ပြင် ထုံးဖုတ်သော ထုံးကျောက်တောင်ကြီးများလည်း ရှိသည်။

ကျိုက်မရောမြို့နယ်တွင် ကျေးရွာအုပ်စုပေါင်း ၃၅ စု ပါဝင်၍ အကျယ်အဝန်းမှာ ဧက ၂၃⁠၃ဝ⁠ဝ ကျော် ဖြစ်သည်။ မြို့နယ်၏ လူဦးရေမှာ ၂၀၁၄ သန်းခေါင်စာရင်းအရ ၁၉၅,၇၇၀ ခန့် ရှိ၍၊ မွန်၊ မြန်မာ၊ ကရင်၊ ရှမ်း၊ တောင်သူ၊ တရုတ်၊ ကုလား၊ လူမျိုးများ နေထိုင်ကြသည်။ မွန်အမျိုးသားများမှာ လူများစု ဖြစ်သည်။ ကျိုက်မရောမြို့နယ်မှာ တောတောင်ထူထပ်၍ ကော်ဖတ်ခြံ အမြောက်အမြားရှိသည်။ လယ်ယာကိုင်းကျွန်း လုပ်ကိုင်မှုမှာ အဓိက အသက်မွေးဝမ်းကျောင်းလုပ်ငန်း ဖြစ်သည်။ ထိုနယ်မှာ မြေဩဇာ ညံ့ဖျင်းသည့်ပြင် မကြာခဏ ရေလွှမ်းမိုးခြင်း ခံရသဖြင့် လယ်ယာလုပ်ငန်းများ မဖွံ့ဖြိုးချေ။

မြို့ပေါ်တွင် ရဲဌာန၊ စာပို့တိုက်၊ ဝတ်ကျောင်း၊ ငွေတိုက်၊ အထက်တန်းကျောင်း၊ မြေစာရင်းရုံး၊ သစ်တောဌာနနှင့် ဆေးရုံတို့ ရှိသည်။ ဝတ်ကျောင်းမှာ အထင်ရှားဆုံးသောမြို့၏ ကျက်သရေဆောင်ဖြစ်၍ သက္ကရာဇ် ၈၁၇ ခုနှစ် သီတင်းကျွတ် လပြည့်နေ့တွင် မွန်ဘုရင်မကြီး၊ ရှင်စောပု တည်ဆောက်ခဲ့သည်။ ဝတ်ကျောင်းအတွင်းရှိ ရုပ်ပွားတော်၏ ပုံသဏ္ဍာန်မှာ ထူးခြားပေသည်။ ဝတ်ကျောင်းအဝင်ဝ လက်ဝဲဘက်၌ မွန်ဘာသာ ကျောက်စာတစ်ချပ် တည်ရှိသည်။

ကျိုက်မရောမြို့နှင့် ၂၄ မိုင်ခန့် ကွာသော အတ္ထရံမြစ်ကမ်း နဖူးရှိ ရေပူကျေးရွာတွင် ရေပူကန်များရှိသည်။ ထို့အပြင် ထုံးဖုတ်သော ထုံးကျောက်တောင်ကြီး ၁၅ လုံးခန့် ရှိသည်။ သို့ရာတွင် ကျိုက်မရောမြို့မ ပတ်ဝန်းကျင်၌သာ ထုံးလုပ်ငန်းကို လုပ်ကိုင်ကြ၍ အခြားကျေးရွာများတွင် မလုပ်ကိုင်ကြချေ။ ထုံးများကို မော်လမြိုင် မြို့မှတစ်ဆင့် ပို့ထုတ်ရောင်းချလေ့ရှိသည်။ ကျိုက်မရောမြို့နယ် ကျေးရွာများတွင် လှည်းဘီးအမြောက် အမြား ပြုလုပ်ကြသည်။ ရက်ကန်းလုပ်ငန်း အနည်းငယ်လည်း ရှိသည်။ နှစ်စဉ်နှစ်တိုင်း သင်္ကြန်နှစ်ကူးအခါတွင် ရေသဘင် ပွဲတော်နှင့် ကျိုက်မရောမြို့ ဆုတောင်းပြည့်ဘုရားပွဲတော်ကို တပြိုင်တည်း ကျင်းပလေ့ရှိ၍ အလွန်စည်ကားလှပေသည်။ [၁]

ကိုးကား[ပြင်​ဆင်​ရန်​]

  1. မြန်မာ့စွယ်စုံကျမ်း၊ အတွဲ(၂)